ආගන්තුක හිතක්..

කවියක් ලියන්න හිතුනට
ආගන්තුක නුඹ ගැන
ලියන්නත් බැහැ එහෙමට
කවි උල්පත හිදිලා
බෝ කලකට පෙර
ඒක පරණ කතාවක්
නුඹ දන්නේ නැතිවට

අදුරේ වහින වැසි ගැන
සිතල මුහුවුනු මිදුම් සිතල ගැන
ගුරු පාරට හිත අද්දන
දුහුවිලි සුවද ගැන
කවි ලිව්වා මම කාලෙක

බිදී ගිය කවි හිතක්
කොහොම ලියන්නද
ආයෙත් හද ගස්සන
ආගන්තුක ප්‍රේමයක් ගැන

මියැදෙන්න ලංවුණු
පරණ ප්‍රේමයක් ලග පිච්චුනු
අසරණ කවි හිතකට
පණ පොවන්න බැහැ ආයෙම
මද රස්නෙට දුම් දමන
උණුහුම් කෝපි බදුනකට වුව




- අරුණි කළුපහන -