آمال تهيب بالقوات المسلحة !

يا جماعة لو حد يعرف ازاي نوصل لجهاز القوات المسلحة ياريت يبلغه الشكوى دي ..


بنوتة غلبانة وبنت حلال كل يوم الصبح يجيلها مسدج
تجري على الموبايل ، أخيرا حد هيعبرني ويقولي صباح الخير 


تلاقي الجيش يهيب بالسادة المواطنين !


وهي بتفطر يرن الموبايل ، تقول لأ خلاص الجيش صبح
أكييييد المرة دي بقى حد مهم 
تفط من على الفطار جري على الموبايل تلاقي


الجيش يهيب بالسادة المواطنين !


وبعد مرور عدة أيام ، وزي ما الجيش عرف رقمها لوحده
سجل اسمه لوحده بردو على موبايلها 
armedforces 


في نص الليل ومن أحلاها نومة ، تصحى على صوت المسدج
تقول الحلم اتحقق وحد هيعبرني اهوووو
تلاقي


على المواطنين الشرفاء تحمل المسئولية والتصدي للعناصر الغير مسئولة 


"غير مش بيتحطلها ألف ولام بس مش مشكلة الجيش بيقولك عديها"


تعمل الموبايل سايلانت وتنام


....


تصحى تاني يوم الصبح 
الموبايل يرن 
هع هع 
قديمة .. الجيش بيهيب بالسادة المواطنين اكيد


تطلع النمرة غلط المرة دي
والداخلية هي اللي بتقول للمواطنين ان جهاز الشرطة خلاص بقى في خدمة الشعب 
ودا تطور طبيعي بعد ما الشعب هو اللي بقى بيدافع عن الوطن 
والشرطة خلعت 


تستغفر ربنا وتقوم تغسل وشها وتشرب كوباية الشاي
وتلعن الرسايل المجانية واللي اخترع الموبايلات اصلا ..


وبعد قليل 
تسمع صوت المسدج
تقول لأ بقى اكيد حد عبرني 
تجري على المسدج تلاقيها 


المجلس الاعلى للقوات المسلحة يهيب بالسادة المواطنين !


.....


المواطنين يهيبوا بالقوات المسلحة 
ارجوكم 
زي ما عرفتوا رقم الموبايل 
وسجلتوا نفسكم عليه بالأسم 


ياريت تخصصلكوا نغمة بالمرة بدل ما الواحد بيتشحطط ورا الموبايل كدا
ويعشم روحه 
وفي الآخر تطلع مسدج ميري 
وسلام سلاح 


:|