אַ קורצער בינו־לבינו סך־הכלMay. 18th, 2011 at 7:13 PM&nbs...

אַ קורצער בינו־לבינו סך־הכלMay. 18th, 2011 at 7:13 PM
 --
געבוירן געוואָרן
אין אַ זיידן העמדל
דאָך אָן אַ באָבען
און אָן אַ זיידן

געטרונקען מילך
פון אַ גאָלדן פענדל
ניט בונדלעך געגעסן
רק פאַסאָליעס מיט באָבן

ניט געפלויגן אין טרוימען
רק געפלויגן אין חלום
זיך תמיד געצויגן
צו פּוסטע חלומות

געטאָגט צווישן בערג
גענעכטיקט אין טאָלן
מיט טרייסט אין די אויגן
פאַרקוקט פיל תרעומות

האָבן זיי אים דעריאָגט
נאָר ער טוט זיך ניט בייגן
ווייל עס לאַכט
אומפאַרקלאָגט
דאָס מענטשלעכע גלייבן