أجـيــال قـبـلـكــم

زي ما راحت على أجيال قبلكم ..

إنتوا كمان هتروح عليكوا



وإحنا اللي هنبقى وغصب عنكم ..

أقوى منكم وهتشوفوا بعنيكوا



إتكبروا براحتكم وإتغروا كمان ..

ده بإيد ربنا ومش بإيديكوا



زي ما الأيام دي معاكم وليكم ..

أكيد فيه أيام هتبقى عليكوا



ونصيبنا أكيد في يوم هاييجي ..

وساعتها مش هنفرح فيكوا



عشان إحنا أحسن منكم ..

وفي قلوبنا الرحمة مش زيكوا



ولما جيل بعدنا يحتاجنا ..

هنقف جنبه ومش هنفكر تفكيركوا



ليـــه مش بتساعـدونا ..

زي ما ناس قبلكوا ساعـدتكوا



ليـــه مابتخـدوش بإيدينا ..

زي ما هما أخدوا بإيـدكوا



كلـمــة أخـيــرة أحــب أقـولـهــالكـم ...

تــُـدين تــُـدان .. وأعمالكـم هتلـف تلـف وهتصيبكـوا .


.

.


لكـل شخـص ظـالـم جـيلـنــا

وماشي بنظـام الواسطـة والرشـوة والمحسـوبيـة

أيـاً كان مـيــن .. في كـل المجـالات في البلـد


.

.


أجيال قبلكم

لــ نـورا خشبـة