- Quotes

“اى بنت ربنا خلقها بيبقى جواها بنت ضعيفه جدا ومهزومه ومهزوزه ,,,
وبنت تانية قويه جدا وحرة وثابته ,,,
المشكلة فى معظم البنات ان الاتنين اللي جواهم دايما فى صراع,
لحد ما حد يقتل التانى للقوي يقتل الضعيف او الضعيف يهزم القوي ,
(السلام الأنثوي) هو ان الاتنين يبقوا اصحاب ويعرفوا أمتي يقوا مع بعض وامتى يضعفوا مع بعض ,,,”
― مِنه علي, -

“(هتكون مبسوط)
-لما تستغنى عن كل اللي بتملكه علشان ميستعبدكش،،
-ولما تشوف الناس اللي بيكرهوك فراغ لا وجود لهم ،،
-ولما تبقي أناني بشكل يخليك تحب حبايبك أكتر من نفسك،،
-ولما تخلص لأحلامك لدرجه أنك بتعشها قبل متحققها،،
-ولما الحزن يدق بابك و تفتحله وأنت ميت من الفرحه،،
-ولما تفضل اتفه رفاهياتك علي اكبر ضرورياتك،،،”
― مِنه علي, -

“#شارل_بودلير الشاعر الرجيم ,
بودلير من الشعراء اللي ضحوا بحايتهم فى سبيل أفكارهم ,
الجمهور والنقاد كانوا بيشبهو شعره بكومة من القاذورات والفضلات وبرغم ده كمل مشواره ,
المعاناه اللى عاشها خليته يحول كل حزنه ومأساويته الى شعر , وعاش كالمتشرد مش مهتم بأي حاجة غير انه يعذب فى نفسه
معاناته تتمثل فى أنه عاش طفولة كئيبة مليانه كلاكيع :
"أنا إنسان مريض شنيع الطباع، والذنب هنا هو ذنب أبواي ..، من جراهما يسرى البلى فى نسجى وتنحل عراي، وترث قواي، ذلك مَن يُولد من أم فى السابعة والعشرين وأب طاعن فى الثانية والستين فتامل يا صاح خمسة وثلاثون عاماً بين الأثنين، تقول انك تدرس علم البنية والطبائع، الا فسل نفسك عما ترى فى الثمرة الناتجة عن قران كهذا القران ؟ ! ".
معظم شعر بودلير كان متوجه للمهزومين والمنبوذين والمكتئبين :

" أفكرُ فى الزنجية الهزيلة المسلولة
أفكرُ فى كل مَن فقد ما لا يُستعاد
أفكرُ فى اليتامى الضعاف الذابلين كالزهور
فى البحارة المنسيين فى جزيرة
فى الأسرى فى المنهزمين والأخرين "

وكلماته بتدل على الهزيمة وتمني الفناء :
"فى أرض شحمة مليئة بالقواقع
أبغى أن أحفر بنفسى لحداً عميقاً
حيث يمكننى عندما أشاء
أن أضع عظامى الهرمة
وأنام فى النسيان كالقرش فى الموج
أكره الوصايا ....أكره القبور
بدلاً من استجداء دمعة من هذا العالم
وأنا حى ..أُفضل أن أدعو الغربان
لتدمى كل أطراف هيكلى النجس
أيتها الديدان يا رفاقاً سود بلا أذن ٌ ولا عيون
أنظرن شاهدن يُقدم إليكم ميت حر سعيد
أيتها الفيلسوفات الماجنات، يا بنات العفونة
عبر خرابى توغلن بلا تأنيب ضمير
وقلن لى أهناك عذاب آخر ينتظر هذا الجسد الهرم
فاقد الروح، ميت بين موتى"
--
"مُعذِّب نَفْسِهْ
سأضربك يا نفسي دون حقد ولا غضب
كما يضرب الجزار وكما ضرب موسى الصخرة
وسأجعل جفنيك يتفجران بماء العذاب
لأروي صحرائي
وستسبح رغبتي المفعمة بالرجاء
في لجة دموعك المالحة"
--
بودلير مات مشلول بردوا بسبب امه للمره التانية والاخيره بسبب جوازها من عسكري فتشل ومات واخر كلام قاله موجه لامه وهو ع فراش الموت :
"الألوان تشحب، يداى ترتجفان، أريد النوم"

بودلير بعد موته اخد حقه كشاعر وبقى مش أشهر شعراء القرن التاسع عشر وأكبر رموز الحداثة لأن عبقريته فى شعره سابقه زمنه ,,,

((لو حبيتوا تقروا حاجه ليه اقروا ديوان أزهار الشر))”
― مِنه علي, -

“الحياة تدعم الموت ,,,”
― مِنه علي, -

“سلفادور دالي من أكتر الفنانين غرور وأنانية بموهبته وبفنه ,
نقطه ضعفه كانت مراته (جالا) برغم من أنها كانت أكبر منه فى السن ب 10 سنين وبمقايس الجمال اقل من عادية ,
ست جالا دي مكانتش ست عادية كانت مركز الكون بالنسبة لدالي وسبب انه يطلع كل فنه وموهبته للعالم ,,كانت مديرة اعماله بتسوق العربية وبترد ع الرسايل وبتسوق لوحاته وبتقرر يقابل مين وميقابلش مين وبتجهزله حفلاته وبتلهمه وبتوفرله المواد اللى هيستخدمها فى النحت والرسم ,
لدرجه ان دالي في معظم لوحاته كان بيمضى عليها باسمها هي ( جالا )
كان بيقول عليها:
"ولكنها كانت هي هو بترتيبات عجيبة"
"جالا معجزة حياتي"
" نحن أعظم أمل للعالم"
" إن كل رسام جيد يريد أن يكون مبدعاً وينجز لوحات رائعة ، عليه أولاً أن يتزوج زوجتي "

معظم البنات بتتخيل أن بمجرد أن هى تدخل فى علاقة حب أو جواز أن العلاقة دي بتدوب وجودها في شخص تانى وبتحطم أنجازتها واحلامها ومشاوريها اللى كانت بتحلم ان هى تحققها مع أنها ممكن تحقق اللي اعظم من كل الوحدة دي في أنها تصنع نجاح لأسرتها,,,”
― مِنه علي, -