✮ ✧˖°.𝙃𝙖𝙧𝙧𝙞𝙚𝙩𖦹₊˚⊹☆ > Recent Status Updates

موقف زيزا مع ابوه جدا مؤثر بالذات لما اشترى بالفلوس سجاير هدية لأبوه و الحمدلله موقف ابوه معاه يدفي القلب ، حبيت شابتر ٣ كثير و احس بديت اندمج مع الأحداث بس الترجمة جدا ازعجتني وبرأيي كان يمديهم يعملوا افضل من كذا

حسيت بملل لأني ما فهمت بعض الاشياء و المحادثات تخربطني بسبب انه الأسماء مو مكتوبه ف احيانا احتاج اخمّن القائل لكن متأمله بسبب اني سمعت كثير ناس يقولوا اول ١٠٠ صفحه بطيئه ف بقرأ و اشوف ، نهايه الفصل الثاني انجذبت للأحداث نوعاً ما

Wow just wow! I can not wait for the sequel T-T ….
تبقى اقرأ كلام الكاتبه بس عيوني مره ضبابيه، عموما الكتاب مبهر و مثالي بالنسبه لي راح اعطيه تقييم كامل و بصراحه حابه كيف انتهت العلاقه مع رايل بطريقه صحيحه وحابه انه الاحداث بتتوجه لأطلس و ليلي مع بعض🤍

اولاً ابي استفسر من فين احصل شخص مثل اطلس؟😭 و غير كذا رايل صدمني حتي ما حاول انه يعتذر… بصراحه لسا متضايقه انه ليلي حامل منه بس نشوف وش اخرتها ، يارب نهايه هالكتاب سعيده و مرضيه لأنه مو قادره استحمل لين ينزل الجزء الثاني

مثل المتوقع رايل اظهر حقيقته رغم اني متعاطفه معاه بسبب نفسيته لكن ما ابي ليلي تبقى معاه ، انقهرت انها حامل و اكره هالحركات الرخيصه بالقصص! احسن شي انها طلبت المساعده من اطلس ، متحمسه للقادم مع اطلس البالغ. باقيلي ١٠٠ صفحه :(

للتو انهيت part one و بصراحه متحمسه و بنفس الوقت خايفه من القادم و لسا هاذي مو نهايه جلستي بس كنت ابي اكتب تحديث قبل ما اقرأ part two ، تندمت شوي ان قرأت الكتاب بدري شوي لأنه لسا باقي ثلاث شهور علي ما ينزل الجزء الثاني من الكتاب T-T

اولاً ابي اقول انه اللحظات الرومانسيه ب هذا الكتاب مره تجنن سواءً مع اطلس او رايل! و انتهيت من شابتر 14 ومصدومه من اللي قرأته ، على قد ما ابي اصدق انه رايل ما رح يعيدها ما اقدر اصدقه ، منتظره اطلس البالغ يطلع اكثر بالقصه

استمتعت ب هالجلسه ، عرفنا شوي عن اطلس والاحداث بين رايل و ليلي تجنن، حبيت التنقل بين الماضي والحاضر وبساطه الكتابه من هالناحيه ، الاحداث الجايه واضح ما تبشر بالخير واظن اني بتأذى عاطفيا. كان ودي اقرأ اكثر لكن النعاس غلبني :(

فيه كثير سلبيات برايل بس ما اقدر انكر انه جذاب واحب لحظاته مع ليلي ، متحمسه اعرف اكثر عن ماضي ليلي و اطلس

بعيدا عن الروايه…القراءه بالانجليزي تستهلك طاقه كبيره مني يا دوب اقرأ ١٥ صفحه بكل جلسه ، خبرتي الوحيده مع القراءه بالانجليزي هي مع المانجا و الويبتون بس الكتب تعتبر مستوى اصعب ف بطول على بال ما اخلصه🦦

اول ثلاث فصول كلها إعاده وتلخيص للجزء الأول مع بعض الزياده في التفاصيل الغير مهمه و بالنهايه عوده توني من الجزيره و تلاقي ابوها خرج من السجن و الأم بالطبع تحبه اكثر من اي شي "لذي النقطه الأم تستهبل اكيد…"

شيء اثار استغرابي وهو كيف انه بعد ما عرفوا الناس القوا كل اللوم على الطفله و الأب هنا كان هو البطل؟ شيء ما يدخل العقل ابداً! المسكينه انطوانيت بدل ما تتخلص من معاناتها قهروها اكثر ، النهايه مرضيه لحد ما

مو لاقيه كلمة اوصف اللي قريته…

ما اعرف وش قصه الكتاب بالضبط بس من العنوان ومن الفصول الأولى اللي قرأتها احس انه بيكون شيء يكسر القلب ، يارب مو اللي في بالي…

Finally starting this book!
It has been setting on my shelf for a month.

انهيت الكتاب ، كان فاصل لطيف بالنسبه لي من بعد قراءة كتاب بموضوع ثقيل

حبيت انه الكتاب يجمع ما بين فصول قصصيه و غير قصصيه لكني حبيت جزء القصص اكثر و حسيت تأثيرها اكبر علي شخصيا. فصل خوارزميات اليوتيوب هو اقل فصل تفضيلا بالنسبه لي حتى الآن

انتهت جلستي الاولى ، غضون ساعتين قرأت ١٠٣ صفحه

الكترب شيق و فاق توقعاتي و متحمسه اكمل ، صارلي ساعه ونص اقرأ و كملت ٧٠ صفحه

أنهيته اخيرا خلال ٦ جلسات🤍

يا عمري سهراب كسر قلبي ، معاناته مو اقل من ابوه. باقي لي ٧٠ صفحه من القصه و ما احس اني مستعده اودع الكتاب…

قرأت هالجزئية أمس، مثل ما توقعت رحله البحث عن سهراب ما بتكون سهله ومتحمسه اعرف القادم.

بكيت كثير من بعد فصل ١٧ ، ما توقعت بينكسر قلبي اكثر من كذا…
يارب النهايه تكون سعيده

صفحه ١٠٨ صدمتني بشكل كبير ، ما توقعت القصه تأخذ هالمنحنى…

وكمان شيء ازعجني بهالروايه و هو انه الفصول جدا طويله و نوعاً ما تسبب لي خمول بالقراءه

عموماً وصلت صفحه ١٩٢ و متحمسه اعرف اكثر عن ثريا طاهري و عن مسار الأحداث القادمة🤍

خلصت الفصل الرابع و نوعاً بداية الكتاب كانت صعبة شوي للفهم بحكم الفارق الثقافي و الغير مألوف ف اضطريت اني ابحث عن معاني اشياء كثير انذكرت بالكتاب ، متحمسه ابدأ الفصل الخامس يبدو انه الفصل اللي بيتغير فيه مجرى الأحداث بشكل كبير

هالجلسه انصدمت من كمية المعلومات وفيه صدمات بالأحداث بعد ، واهم شيء اعتراف عاصف لسرابي🤍

متحمسه اقرأ اكثر بس بجبر نفسي اخذ بريك لأنه اليوم قرأت ١٠٠ صفحه على جلستين و ما ابي اطفش من القراءه ومابي اخلص الكتاب بسرعه🥺

واضح انه بتصير فيه علاقه بين عاصف و سرابي بس يارب عاصف يحبها بسبب شخصيتها مو بسبب شكلها لأنه هالحركات تغثني..