محمد متولي الشعراوي > Quotes > Quote > Islam liked it
“الثائر الحق هو من يثور لهدم الفساد، ثم يهدأ لبناء الأمجاد”
―
―
date
newest »
newest »
فى الحقيقة انا شايف ان الجملة حتى لو سليمة فده مش ضد الثورة .. الشيخ الشعراوى ربنا يرحمه بيقول الثائر الحق من يثور لهدم الفساد .. السؤال هو هل الساد اتهدم ولا لسه ؟؟
انا متفق تماما مع محمد.كان عندي سؤال لاسلام: ايه وجه اعتراضك على ان خالد يوسف يقول رأيه؟
وأنا كمان متفق معاكواوعارف إن الكلام ده مش ضد الثورة ولا حاجة
يعني مثلا يوم الجمعة اللي فاتت، أنا ما كانش عندي اعتراض أبدا على إن الناس تنزل
خصوصا وإن للأسف، كل ما يقولوا فلان وفلان ما بيتحاكموش ليه، محدش بيعبرهم
لما بينزلوا، أو لما بيقولوا إنهم هينزلوا، بنبدأ نحس بتحقيقات مع شخصيات جديدة
وده معناه إن لازم الناس تفضل مصحصحة كويس لحد ما البلد تعدي على خير بإذن الله
القلق بس من بعض الناس اللي بتندفع ورا الإشاعات، وده اللي بيخلي مشاكل تحصل زي اللي حصلت بعد مظاهرة الجمعة
أو بيخلي المشكلة الصغيرة، تتحول لأزمة كبيرة
يعني أنا بس عايز الناس تفكر بعقلها شوية قبل ما تاخد قرارات مندفعة اعتمادا على اشاعات
بالنسبة لخالد يوسف عادي جدا إنه يقول رأيه، خصوصا إن كل الناس بتقول رأيه
وأنا نفسي آهو باقول رأيي في كل حاجة كأني فاهم في كل حاجة
:)
يمكن بس حاسس إن متابعة الشيخ الشعراوي للناحية التاريخية هتخليه أقدر على الحكم في الحاجات دي أكتر من خالد يوسف
وهيبقى عارف هو بيقول إيه بالظبط
ويمكن ده -وده احتمال كبير- لإن كرهي الشخصي للإنسان ده مخليني مش متقبل كلامه بشكل عام
وجه خالد يوسف يعدل عليه ويقول إن كلامه ده مش سليم
وثبت صحة الكلام ده دلوقتي
أكيد الشعراوي يؤخذ منه ويرد
لكن أكيد برضه إن اللي يعمل كده مش خالد يوسف