محمد المخزنجي > Quotes > Quote > Hala liked it

بس هي النفس بتستمد بؤسها منين؟ بتقول يا بؤس يجيلها البؤس!

Ahmed wrote: "بس هي النفس بتستمد بؤسها منين؟ بتقول يا بؤس يجيلها البؤس!"

أيوة في ناس بيستويها البؤس
بتحب تعيش الجو ده
بعدين ماتتكلمش خالص لان في واحد من كام يوم كان بيتكلم ان كل حاجه بتنبغ من الداخل بس ومش شرط يكون في دافع خارجي !

البؤس أو الشقاء لغةَّ ممكن يكون مضاد للتفائل أو الامل أو إشراق النفس وحيويتها، لكن مش شرط عوامل الجذب والطرد تكون متشابهة. يوم ما كنا بنتكلم عن الدوافع الداخلية والخارجية كنا بنتكلم في نقطة محددة وهي ازاي أدفع نفسي بنفسي في الوقت اللي ألاقيني فيه وحيد تماما ومجرد من أي مصدر خارجي يدعمني ويمدني بالقوة والقدرة على مواجهة الصعاب والظروف.

أنا كنت بدور على اي شيء او اي عامل أو محفز داخلي.. للتوضيح كموتور مثلا، الموتور ده هيتكون جوايا من الصغر وهيتبني من القيم والاعتقادات ووجهات النظر الحقيقية اللي بكونها عن الحياة من الحياة نفسها عن طريق الأهل أو التجارب الشخصية وتفحيص الواقع كويس..
الموتور ده بيبدأ يشتغل ذاتيا في ساعة الصفر معتمد على شرارة بسيطة من الخارج كالغضب أو حتى كمجرد فكرة قفزت في الذهن فجاة.. الموتور ده بمثابة محفز أو دافع داخلي زي ما وضحت، هيكون قادر انه يحركني، ومش هيخليني استني اي مؤشر أو حركة أو مساعدة من الخارج.. الموتور ده في الحقيقة هو نفسي! تمام؟


أما البؤس أو الشقاء النفسي، فمصادره حدث ولا حرج من الداخل والخارج ومن فوق ومن تحت، وانا مرمتش أسبابه في التعليق الاول على الخارج بس. بس يكفي أنه غالبا بيتكون من الخارج، أو الاصح من بؤس العالم الخارجي..

انا عايز افهم بس حاجة، منين هتجيلك فكرة البؤس اذا كنتي معرفتيش معناها اولا؟! ومعناها ده هتعرفيه ازاي ومنين؟ اقصد ان الانسان مستحيل يتعلم معني البؤس وهو عمره ما اختلط بالعالم الخارجي، البؤس بيتكون وبينمو من الخارج اولا، ثم في الاخير الانسان هو اللي يقدر يسمحله بالدخول جواه والسيطرة عليه أو العكس، واحيانا مبيقدرش يقاوم البؤس الخارجي ده!

ابسط مثال الطفل، قبل ما يعي بالدنيا ينفع نقول عليه ده بائس أو أو أو؟ طيب لما بيبدأ يفهم ويدرك الاشياء من حواليه وخاصة المعاني الكبري؟ هنا هو عرف المعاني دي منين؟ واكتسب البؤس النفسي ده اعتمادا على ايه؟

شوفي فيلم Les Misérables 2012