Mohamed elnady > Quotes > Quote > Mona liked it

“فى يوم كان المطر هو السيد والصقيع هو السائد والعواصف هى المتكلم الرسمى خرجا رجلين بعد انتهاء نوبتيجة عملهم فى هذا اليوم البارد من اخر ايام يناير وكان اطراف حديثهما ترتجف غضبا كما ترتجف اطرافهم بردا فقال احدهم للاخر ( ازاى يعنى احضر واشتغل طول الشهر ويطلع عليا ثلاثة ايام غياب ويتخصم نص الحوافظ ولما اروح للزفت حمدى يقولى لو مش عجبك حنصفيلك وتمشى) قال له الاخر فى حسرة( وانا كمان لقيت ياسر مبسوط اوى بسأله اية الانبساط الى على وشك دة قلى دانا الحوافظ بتعتى تمام اوى الشهر دة مع انه بيبجى زى ما يروح واحنا الى بنشيل شغله يا اخى دى بقت حاجة تقرف) وفى اثناء حديثهما الغاضب تناهى الى مسمعهما ثورة اخرى فى حديث اخر فاستدارا ناحية مصدر الصوت ظنا منهما انهما عاملان اخران متذمران من الخصومات فيتضامان معا ويضمان غضبهما الى غضبهما ولعلهما يجدا فى حديثهما ما يطفأ نارهما او يزيدها تأججا فيتخذا موقفا تجاه هذة الادارة الغاشمة ولكن طالعهما رجل بالغ الاناقة يرتدى معطف اسود طويل فوق سترة باهظة الثمن مع كوفية مربوطة حول عنقه و حذاء لامع رغم كل المطر فى الارض مما يرجح انه قد نزل من فوره من السيارة التى يرتكن عليه التى تشى لمعتها الشديدة عن العناية الفائقة التى تلقاها وتشى ندرة رؤيتها فى الشوارع لندرة انتاجها وحداثته ويتشاجر مع اخر اقل منه طولا واناقة فقال العامل للاخر ( دة منير به ابن صاحب المصنع) قال الاخر(سيبه الله يولع فيه هو وعربيته فقال الاول: يا اخى دة فرصة مش حتتعوض نروح نشتكى اكيد الناس دى مش حاسة بالظلم الى ناس فى المصنع بتتعرض ليه) فاسرعا الخطا ليقفا بين الشخصين الذى وصل الامر انهما على ابواب الاشتباك بالايدى فقال العامل الاول للرجل الانيق(منير بيه فى حاجة ولا اية) التفت اليه الرجل الانيق وقال له(انت مين يا رجل انت وعرفت اسمى ازاى) قال له العامل (انا شغال فى المصنع بتاع والدك واعرف سيادتك) فانتفخت اوداج الرجل الانيق وقال لهما( الرجل دة وقفنى وعايز يتعارك معايا) فالتفت العاملان الى الرجل الاخر فى غضب( عايز من منير بيه اية )فقال لهما (منير بيه بتاعكم حرامى اتفقت معاه انى اعمله شغل فى عربيته ب20 الف جنيه ما ادنيش الا خمستاشر بس وانا جاى اخد بقية حقى) قال له العامل الثانى (شغل اية دة فى عربية جديدة ب20 الف جنيه) قال له الرجل (دة شوية اكسسورات وتنفيخ للعجل وجنوط حاجات انتوا مش حتفهموها) فالتفتا العاملان بحنق بالغ وغضب شديد الى ابن صاحب العمل (بقى احنا نشتغل ويتأكل حقنا ونتنفخ فى الشغل عشان انت وابوك تروجوا تنفخوا العجل وتركبوا اكسسورات لعربيتكم )وبقى هذا السؤال معقلا فى هذا الجو العاصف (لعنة الله على عجلة انتاج بلا قضبان ولا ادارة فتدور وتدهس الفقراء وتعلى شأن المنتفعين )”
― Mohamed elnady