توفيق الحكيم > Quotes > Quote > Mahrous liked it

ههههه
حاسس أنك بتلقح علي تراب الماس

ههههه، لا والله بالصدفة ده أنا حتى ابتديت بكتاب ملامح داخلية قبل تراب الماس ولقيت الجملة فيه، عجبتني قمت ضفتها هنا عشان ماكانش حد كاتبها قبل كده، بس ده بيأكد كلامي طبعا :)

أيوه طبعا بس متنساش أن مدرسة كاملة زي أدب الحداثة التي بدأت من الستينات علي رأسها بهاء طاهر و صنع الله إبراهيم ضد فكرة النصح و المعلومة في الرواية و لا صوت يعلو فوق صوت الرواية الادب للأدب بعيدا عن الافادة
ممكن تراجع مقدمة بهاء طاهر نفسه في رواية خالتي صفية و الدير و ده رأي برضو و ليه واجهته :)

بهاء طاهر ضد فكرة النصح والمعلومة بصورة فجة وصريحة لكن وجود الفكرة شيء أساسي في العمل الفني، يعني في رواية خالتي صفية والدير، بهاء طاهر بين التسامح الديني اللي في الصعيد بمنتهى العذوبة من غير ما يقول" تحيا الهلال مع الصليب" لكن بأحداث جميلة زي العيد الصغير والولد بيبعت الكحك للرهبان في الدير، ولما الدير حمى حربي المسلم من صفية ,, لكن مستحيل بهاء طاهر يقول "أدب بعيدا عن الافادة" .. شكرا

Mohamed wrote: "بهاء طاهر ضد فكرة النصح والمعلومة بصورة فجة وصريحة لكن وجود الفكرة شيء أساسي في العمل الفني، يعني في رواية خالتي صفية والدير، بهاء طاهر بين التسامح الديني اللي في الصعيد بمنتهى العذوبة من غير ما يق..."

أوسكار وايلد في دعوته لمدرسة " الفن للفن " بيقول ما معناه أن الفكر والنصيحة والإفادة ممكن تيجي اثناء كتابة العمل الأدبي ،، ويرفض ان تكون الفكرة الاخلاقية سابقة للعمل الأدبي

يعني ما يجيش بهاء طاهر يقعد ع المكتب عشان يعمل رواية عن التسامح الديني
لا هو قعد وفي نيته يكتب رواية حلوة ،، بالصدفة طلعت بتتكلم عن التسامح الديني

انما فكرة انه يبدأ الكتابة على اساس انه يقدم فكرة اخلاقية هتخرج لينا حاجة شبه شمس النهار بتاعة توفيق الحكيم لو كنت قرأتها

ماقرتش شمس النهار يا أحمد .. بس مش شايف كلمة ("بالصدفة" طلعت بتتكلم عن التسامح الديني) مثيرة للاستعجاب والاستنكار

مهو ده عبقيرية الكاتب أنه تقدم النصح أو الفكرة دون أي إشارة لذلك فخالتي صفية و الدير لم تتضمن ولا إشارة واحدة للتسامح الديني أصلا لا في حبكة الرواية و لا في السياق هو تعامل معاه علي أنه أمر واقع موجود بالفعل في موضوع الكحك و دخول حربي الدير و تحس فعلا أنه لا يقصد التكلم في الموضوع ده و بعديد مش ممكن يخالف نفسه و يكتب مقدمة 30 صفحة و يعمل غير كده في الرواية نفسها

Mohamed wrote: "مهو ده عبقيرية الكاتب أنه تقدم النصح أو الفكرة دون أي إشارة لذلك فخالتي صفية و الدير لم تتضمن ولا إشارة واحدة للتسامح الديني أصلا لا في حبكة الرواية و لا في السياق هو تعامل معاه علي أنه أمر واقع مو..."

like :)

Mohamed wrote: "مهو ده عبقيرية الكاتب أنه تقدم النصح أو الفكرة دون أي إشارة لذلك ..."

شكرا للحوار الجميل ، كده يبقى احنا متفقين إن الكاتب مهم أنه يضع الفكرة والمغزى العميق في العمل الفني حتى يصبح عظيما دون مجاهرة فجة وأسلوب مباشر