مروه جابر

“عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان”
― مصطفى إبراهيم, ويسترن يونيون فرع الهرم

“ظل طوال طفولته يظن أن المسيحيين يشربون من مياه مصلية، إذا شرب منها غيرهم تحول للمسيحية .. لكنه عندما كبر علم أن المسيحيين زيهم زى المسلمين يشربون مياه حنفية لو شرب منها غيرهم لتوفى إلى رحمة الله”
― أحمد الصباغ

“مالقيتش غير تفسير واحد لنبوغ خريجى كلية الزراعة فى كافة المجالات الإبداعية ... فشلهم الزريع فى كافة المجالات التانية.”
― أحمد الصباغ

“فرق كبير بين الحب والمخدرات .. ممكن الواحد يبقى انسان كويس بعد ما يبطل المخدرات.”
― أحمد الصباغ