Rob McInroy

When ye get posted, yer biggest enemy winnae be the IRA or the Soviets, it’ll be the regiment in the next camp. That’s why the Tories like competition. They like us tae be fightin amongst each ither an missin the big picture. That’s why they fuckin let folk buy their cooncil hooses for peanuts. They kent maist folk wid get greedy an sell them on. They kent they’d break up communities. They dinnae want you getting the gither an getting ideas about social equality. They want ye bitchin and squabblin an bein a selfish cunt. They ken the next generation winnae hae social hoosin an they’ll be scrapin their wages the gither tae pay inflated rent tae Tory fuckin landlords.

Fraser barked mair orders at the CO’s request an the recruits grounded their rifles and the CO gave a speech aboot trainin an service an achievement an the plums fell oot of his mooth and doon ontae the tarmac and the parents were proud an Zander sucked in the hot air an his chest swelled an he wiggled his taes to keep the blood movin and tried tae blank oot the bead of sweat on his foreheed.

This is what you get when you tear apart our communities and leave us with no hope and little choice. This is what you get when you train us to kill and then throw us on the scrap heap. This is what you get when you mess with us.