الثائر المصرى

“ماتت غناوي فرحة البنّية
لا المسلمين صلوا علي قبرها
ولا النصاري صلصلوا بالجرس
ولا حوطت جسمها المنهوك
بنادق الحرس
يا ويل بلد بيضيّع المقتولين
يا ويلكم .. وبصوا
دمي فوق كفكم
ح يزفكم بالدم .. متجرسين !”
― سيد حجاب, مختارات من شعر سيد حجاب

“الشمس فاكهة الشتا
الحب .. فاكهة الربيع
مين يشتري حكمة حياتي الميتة
ويردني رضيع ؟”
― سيد حجاب, مختارات من شعر سيد حجاب

“يا اصحابي .. ولا تستغربوا
دانا كلي شوق
شوقي سؤال
سؤالي إيد
بتدق باب
وكام أيادي تدق باب .. بلا جواب !”
― سيد حجاب, مختارات من شعر سيد حجاب

“طعم الحنين ..مُر
ولساني
فيه حنين”
― سيد حجاب, مختارات من شعر سيد حجاب