الثائر المصرى

“الشمس فاكهة الشتا
الحب .. فاكهة الربيع
مين يشتري حكمة حياتي الميتة
ويردني رضيع ؟”
― سيد حجاب, مختارات من شعر سيد حجاب

“جدي ما كان جندي
ونينتي بنت مصر
ولا جد جدّي
كان من الغُزّ المماليك ابن قصر
حتي ابني
وابني في بطون الغيب جنين
باشم فيه ريحتك يا مصر”
― سيد حجاب

“يا أصحابي عجّزنا كده ..
قبل المعاد !
يا أصحابي ما تبكوش علي كتوفي
بقول
أنا عمري ماكنتش جمل صلب
اسمعوا
أنا مكنتش يوم شيال الحمول
اتعتعوا
ووسعوا لي ف صدركم
حتة عليها انحني
وأقول كلام بيهزني
بيغلي جوايا ونفسي أطلعه
يا أصحابي .. لا .. متوسعوش
ليا أنا
داحنا يادوبك كل واحد مننا
بيقول كلامه
وهو برضو يسمعه
يا أصحابي آه .. حتي الجمل
بما حمل
ميّل .. ونخّ”
― سيد حجاب, مختارات من شعر سيد حجاب

“ماتت غناوي فرحة البنّية
لا المسلمين صلوا علي قبرها
ولا النصاري صلصلوا بالجرس
ولا حوطت جسمها المنهوك
بنادق الحرس
يا ويل بلد بيضيّع المقتولين
يا ويلكم .. وبصوا
دمي فوق كفكم
ح يزفكم بالدم .. متجرسين !”
― سيد حجاب, مختارات من شعر سيد حجاب