أنا عشقت
discussion
لكل من قرأ الرواية !
date
newest »
newest »
طيب أنا شايف إن ورد أكرم لها تموت وهيا ف الطريق بالسكتة القلبية، وخلااااص، وأهو علي يرجع يعيط عليها وتبقى دراما ولا أي دراما ـــــــــــــــــــــ
2
طبعًا أنا لو رايح كلية الهندسة ونزلت مترو جامعة القاهرة، فأكيد لما أسأل هيقولوا لي خد الميكروباص ده للباب الرئيسي، وأنا هسمع الكلام :)))
ـــــــــــــ
3
حكاية ذكرى كان كلها مفاجآت أصلاً
لدرجة إني حسيت إنها ملهاش أي تلاتين لازمة
بسم الله ويارب اكون فاكرة الاحداث لسه1-وردة لما تعرف حقيقته هتقول خسارة فيك قلبى ...خسارة فيك حبى وخسارة أبكى عليك دى لو واحدة عاقلة انما اللى تعمل كدا وتقف فى البرد مستنياه كل دا أفتكر انها هتنتحر
2- انا فى هندسة المنصورة ولا أعلم هندسة القاهرة فى أي مكان غير من محطات المترو أكيد هسأل أروحها منين وازاى انما موضوع المسلة دى فكسان صراحة
3- ذكرى بقى دى حكاية لوحدها أغرب حاجه فى حكايتها أنها بتعتبر نفسها مظلومة ومجبرة على اللى وصلت ليه استفزتنى جدا الهانم وحاجة كمان انها لما رجعت عند اللى كانت نازلة عندها لقت أكرم معاها وعااااااااااااادى
س1:الإجابة الأولى
طبعا هي تبدو ساذجة شوية بس انا بحب النهايات الخيالية السعيدة
كفاية علينا الواقع المرير :D
س2:
أخرى
لأني حسأل الأول واللي يقولوه الناس حعمله
س3:
اخرى
أنا توقعت انها حتروح للباشا وتقوله انها زهقت من أكرم لكن مش حتسيح عليه وتقوله ده عايز يقتلك
:)
ج 1ستنتهي حياتهم معا
دون اي اسباب منطقية
ج2
مش هروح الكلية
الصراحة
ج3
لما باسته من غير اي مبرر
ج1طبعاً حسن هايتقبض عليه، و ورد هاتفضل تسمع غناوي علي الحجار
ج2
ايه ؟
ج3
أتفق تماماً مع كل من قال أن الحدوتة مالهاش لازمة، لذلك فأي مفأجأة فيها كانت غير ذي صلة بمجرى الاستمتاع الجاري في الرواية مما أدي في النهاية أن مقتلها لا يثير أي لوائع أو دوامع أو تعاطفات .. هه
1- "أ-هيعيشوا ف تبات ونبات .. ويخلفوا صبيان وبنات" :D
2-
"أ-تدخل الجامعة تسألهم هيا كلية هندسة فين ويشاوروا لك ع المسلة (زي ما علي عمل)"
3- أخرى: مش عارف. مش فاكر قصتها كويس :D
احنا متفقناش علي كدهالاسئلة كتييييييير :D :D
وأنا مش فاهمه السؤال الرابع
كيف ترى أهمية وجود "حسن" آخر في الرواية غير "حسن" البطل، وإلى أي مدى تفاعلت مع "حكايته؟
هو كان فيه حسن تاني ولا انا فقدت الذاكرة؟
هههههههههههههههه نفس سؤال هندسة ده قولته لوحد صاحبي يعني إيه معلوماته بالظبط عن جامعة القاهرة =))
أولا بصرف النظر عن الأسئلة اللى هجاوبها إن شاء الله لما يتعدل إرسال الانترنت بتاع إتصالات ربنا يسامحهم أنا ملاحظة إن فيه ناس كتير من اللى قيموا الرواية على إنها مذهلة و تستحق خمسة نجوم , يرون عيوبها بوضوح
- ذكرى و فكرة إنى أبيع نفسي بمزاجى أبقى شريفة تبيعنى و تكسب فيا لأ يا كابتن
- و الطالبة النجيبة اللى الأستاذ الذئب إتغرغر بيها - و اللى أنا علقت عليها فى الستاتس أثناء قراءة الرواية بإنها إتهرست فى ستين فيلم قبل كدة
فعادى يعنى إن إحنا قيمناها بنجوم كثيرة و لكننا مازلنا نرى العيوب مش كدة ؟ بمعنى إن الوعى لسة متواجد و مآلهناش الرواية لإنها عجبتنا
أتمنى أكون فهمت صح , و لو كنت فهمت صح
شابو لكم جميعا :-P
قرأت كُل الإجابات، وسعيد جدًا بكل من أدلى بدلوهشكرًا للجميع، وشكرًا طبعًا للصديق إبراهيم عادل عشان هوّا صاحب نصف الأسئلة تقريبًا :)
في إنتظار إجابات أُخرى.
ما توقعاتك لحياة وردة بعد أن قابلت حسن في النهاية ؟د. أخرى :
ماسمهاش وردة !! مافيش شخصية اسمها وردة اصلاً
اسمها ورد :))))))
________________________
لو إنتا من طلاب هندسة جامعة القاهرة، لو نزلت عند محطة مترو الجامعة هتروح كلية الهندسة إزاي؟
أنا مش من طلاب جامعة القاهرة اساسا
انا كنت في جامعة قناة السويس
_________________________________
إيه أكبر مفاجأة في حكاية (ذكرى) بالنسبة لكم؟
ان اسمها ذكرى
!!!!!!!
__________________________________
كيف ترى أهمية وجود "حسن" آخر في الرواية غير "حسن" البطل، وإلى أي مدى تفاعلت مع "حكايته؟
يعني الغلبان دة هو اللي مضايقك .. و كل الناس اللي مالهاش لازمة التانية دي .. عادي؟؟؟
مافرقتش .. كدة كدة ماكانش له لازمة
_______________________________
ما رأيك في عنوان الرواية وما مدى ملائمته للمُحتوى؟
لأ بجد .. العنوان ملائم لأن كل قصة فيها جانب عاشق .. كل شخصية فيهم فيها جانب عاشق بطريقة ما
_______________________________
هُناك بعض الشخصيات في الرواية لم يُخصص لها فصول للحَكي، أي شخصية كنت تُفضّل أن تعرِف قصتها كاملة ؟
ثريا .
______________________________
ماذا كنت ستفعل لو كنت مكان الممرض الذي حاول نقل ورد من مكانها أو حتّى تحريكها قيد أنملة فوجدها لا تتحرك كأن قدميها (متدبّسة) في الأرض؟
كنت هافكر اني اجيب كرين ..ونش يعني .. و اربطها من كل حتة و الونش يشيلها
________________________
بأي شكل كنت تتخيل شخصية عبد المُعطي (خريج السجون) في الرواية ؟
شخصية الواد بتاع آساحبي
ما توقعاتك لحياة وردة بعد أن قابلت حسن في النهاية ؟اعتصد ورد غبيه كفايه انها تكمل حياتها مع حسن
انا بكره الستات الضعيفه سوقوا سمعه غلط عننا :]ياريتها كانت ماتت ومتقعشى الواقعه السودا دى
لو إنتا من طلاب هندسة جامعة القاهرة، لو نزلت عند محطة مترو الجامعة هتروح كلية الهندسة إزاي؟
ومالها تجاره انجليش يعنى
ازاى انا من طلاب كليه الهندسه ومش عارفه كليتى
عامه فى القاهره عامه تركب مترو لاقرب محطه للمكان اللى عايز تروحه ممكن تعرفه باستخدام جوجل وبعدين ممكن تسال اى حد عالمكان وتاكسى او اتوبيس الشعب هيوصلك
إيه أكبر مفاجأة في حكاية (ذكرى) بالنسبة لكم؟
حسيتها فيلم هندى قليل الادب بس طريقه قتلها على ايد حسن هى اكثر حاجه فاجئتنى عامه هى مش ليها لزمه اوى وده نقص من جوده الروايه
كيف ترى أهمية وجود "حسن" آخر في الرواية غير "حسن" البطل، وإلى أي مدى تفاعلت مع "حكايته؟
والله انا كنت الاول بحسبه حسن الاولانى بتاع خالتو ورد بس وقعدت اقول ياخساره شبابك ياورد ده طلع متجوز
صراحه حركه غبيه من الكاب لانه لغبطنى كان ممكن يسنيه حسن حاجه تانيه عشان نفرق مابينهم وحاسه ان ملهوش لزمه فى الروايه
ما رأيك في عنوان الرواية وما مدى ملائمته للمُحتوى؟
حلو اعجبنى
هُناك بعض الشخصيات في الرواية لم يُخصص لها فصول للحَكي، أي شخصية كنت تُفضّل أن تعرِف قصتها كاملة ؟
اكرم والباشا كان ممكن يتناول جزء الفساد اللى فى حياتهم اعتقدت كانت اضافت للروايه اكثر
والبلياتشو كنت حابه اعرف حكايته بالتفصيل
حبيت اعرف عن علاقه ورد وحسن اكتر من مغامره البحث عن حسن انا حسيته اهمل الابطال الحقيقين ودخل فى اجزاء جانبيه
ماذا كنت ستفعل لو كنت مكان الممرض الذي حاول نقل ورد من مكانها أو حتّى تحريكها قيد أنملة فوجدها لا تتحرك كأن قدميها (متدبّسة) في الأرض؟
ولا هعملها حاجه
بأي شكل كنت تتخيل شخصية عبد المُعطي (خريج السجون) في الرواية ؟
وشيم ولاعمرو دولاب
:ما توقعاتك لحياة وردة بعد أن قابلت حسن في النهاية ؟
بمرور الوقت هتكتشف ان ده مش هو حسن اللي حبته وهتبعد عنه وهتعرف علي عمل عشانها ايه وهتحبه
السؤال الثاني:
لو إنتا من طلاب هندسة جامعة القاهرة، لو نزلت عند محطة مترو الجامعة هتروح كلية الهندسة إزاي؟
انا مش من طلاب هندسة اصلا ولو كنت رايح الكلية لاي سبب هسأل اروح ازاي
السؤال الثالث:
إيه أكبر مفاجأة في حكاية (ذكرى) بالنسبة لكم؟
ان اكرم حلقلها ومقعدتش معاه فترة كبيرة وانها راحت للباشا .
تـــــــحديث
السؤال الرابع:
كيف ترى أهمية وجود "حسن" آخر في الرواية غير "حسن" البطل، وإلى أي مدى تفاعلت مع "حكايته؟
حكايته زي كل الناس اللي بتحاول تلاقي مبررات للقذارات اللي بتعملها وترمي اللوم ع الظروف والناس وهو ف الاصل جواه سفاح معندوش قلب كل اللي عملته الظروف انها خرجت السفاح من جواه
السؤال الخامس:
ما رأيك في عنوان الرواية وما مدى ملائمته للمُحتوى؟
عنوان الرواية رائع ورأيي انه بينطبق جدا على ورد وبينطبق اكتر على علي لانه مفيش مبرر لكل اللي عمله غير العشق وانه عشق ورد
السؤال السادس:
هُناك بعض الشخصيات في الرواية لم يُخصص لها فصول للحَكي، أي شخصية كنت تُفضّل أن تعرِف قصتها كاملة ؟
الباشا ودكتور جلال .
السؤال السابع:
ماذا كنت ستفعل لو كنت مكان الممرض الذي حاول نقل ورد من مكانها أو حتّى تحريكها قيد أنملة فوجدها لا تتحرك كأن قدميها (متدبّسة) في الأرض؟
احاول اشوف ايه اللي مثبتها ف الارض واحاول احركها تاني من مكانها .
السؤال الثامن:
بأي شكل كنت تتخيل شخصية عبد المُعطي (خريج السجون) في الرواية ؟
شخصية انطوائية وحيدة خايفة من كل اللي حواليها زي ما كتبها العبقري محمد المنسي قنديل
السؤال الأول:ما توقعاتك لحياة وردة بعد أن قابلت حسن في النهاية ؟
ده بيعتمد على حسن نفسه هو لسه بيحبها و لا لا
و هل القتل أثر فى حبه ليها ؟!
معتقدش انه أثر و بالتالى فى يوم هتعرف كل الى حصله و ممكن تحس منه باشمئزاز شويه بس الحب هيستمر و هتتغاضى عن كونه قاتل !!!! :D
السؤال الثاني:
لو إنتا من طلاب هندسة جامعة القاهرة، لو نزلت عند محطة مترو الجامعة هتروح كلية الهندسة إزاي؟
ب-تركب ميكروباص رابح الباب الرئيسي، عشان إنتا مش عبيط
:D و عموما اكيد مش هكون لوحدى تايهه كده
السؤال الثالث:
إيه أكبر مفاجأة في حكاية (ذكرى) بالنسبة لكم
ج-إنها ماتت مقتولة
4
كيف ترى أهمية وجود "حسن" آخر في الرواية غير "حسن" البطل، وإلى أي مدى تفاعلت مع "حكايته؟
د أخرى ..
انا حسيت ان الجزء ده عشان عايز يلخبطنا
انا اتأثرت باحساس ذكرى بابنه :(
بس هو قصته مأثرتش فيا اوى :DD
السؤال الخامس:
ما رأيك في عنوان الرواية وما مدى ملائمته للمُحتوى؟
أ- حلو ومناسب
هو العنوان يبرر الروايه كلها و كل التعب ده ان على كان عشقها خلاص :) بس فى الروايه احداث كتير اكتر من الحديث عن العشق ! لذلك هو مش بطال لكنه مش عميق ابدا :))
السؤال السادس:
هُناك بعض الشخصيات في الرواية لم يُخصص لها فصول للحَكي، أي شخصية كنت تُفضّل أن تعرِف قصتها كاملة ؟
ب- الرجل العجوز في القطار.
بس هو مين الشاعر الصعيدى ده انا نسيته !!!:D
السؤال السابع:
ماذا كنت ستفعل لو كنت مكان الممرض الذي حاول نقل ورد من مكانها أو حتّى تحريكها قيد أنملة فوجدها لا تتحرك كأن قدميها (متدبّسة) في الأرض؟
ب- ستفِر من المكان زي العبيط.
هههههههههههههههههه
هههههههههههه ممكن !
مينفعش اتوقع تصرفى لانه ممكن افاجىء نفسى مثلا :DD
السؤال الثامن:
بأي شكل كنت تتخيل شخصية عبد المُعطي (خريج السجون) في الرواية ؟
ج- شخصية
Forever alone
:DD
السؤال الأول:ما توقعاتك لحياة وردة بعد أن قابلت حسن في النهاية ؟
ب-يومين بالضبط،وهتعرف حقيقته، فـ تنتحر
السؤال الثاني:
لو إنتا من طلاب هندسة جامعة القاهرة، لو نزلت عند محطة مترو الجامعة هتروح كلية الهندسة إزاي؟
مش عارفة لانى مرحتش قبل كدا و معرفش طريقها !!
السؤال الثالث:
إيه أكبر مفاجأة في حكاية (ذكرى) بالنسبة لكم؟
ب-إن أكرم لمّا حلق لها/نفضّلها راحت للباشا
السؤال الرابع:
كيف ترى أهمية وجود "حسن" آخر في الرواية غير "حسن" البطل، وإلى أي مدى تفاعلت مع "حكايته؟
ب- حكايته واقعية جدًأ وعجبتني ، وكانت فكرة حلوة إن اسمه "حسن"
السؤال الخامس:
ما رأيك في عنوان الرواية وما مدى ملائمته للمُحتوى؟
ب- إيش جاب لـ جاب !
السؤال السادس:
هُناك بعض الشخصيات في الرواية لم يُخصص لها فصول للحَكي، أي شخصية كنت تُفضّل أن تعرِف قصتها كاملة ؟
ب- الرجل العجوز في القطار.
السؤال السابع:
ماذا كنت ستفعل لو كنت مكان الممرض الذي حاول نقل ورد من مكانها أو حتّى تحريكها قيد أنملة فوجدها لا تتحرك كأن قدميها (متدبّسة) في الأرض؟
أ- ستقرأ المعوذتين وتهدأ وتحاول مرة أُخرى.
بأي شكل كنت تتخيل شخصية عبد المُعطي (خريج السجون) في الرواية ؟
Forever alone
الرواية كلها غريبه اصلا بس عجبتني 1\ حيحاول علي يعرف ورد حقيقة حسن و لما تعرف حتتجمد في حتة تانيه
2\معرفش اي حاجه في القاهرة انا من اسكندرية
3\ بالنسبة لذكري بقي انها مخلتش أكرم يوصلها لغيط العنب و وصلها لكرموز من غيط العنب لكرموز يا قلبي لا تحزن
4\ ملهوش لزمة اصلا السواق ده خالص دي حتي كده علشان لما علي يسأل اكرم علي حسن يقول اه ده سواق مش فاكر شكله حتي ((عصابة عصابة يعني))
5\ كان المفروض يبقي اسم الروايه عشق بلا أمل مثلا .. أو أخر الغز علقة
6\ مرات الدكتور بتاع كلية الهندسه .. كان عندي فضول اعرف عنها اكتر كان لازم الكاتب يبعتلها علي كانت اول ما تشوفه حتقر هي بكل حاجه علطوول زي كل شخصيات الرواية
7\ كانت ححاول مبوظش الحكاية و حعرف ان الراوي عايز كده
8\ شخصية عبد المعطي اكيد واحد زيه حيكون مختل نفسيا و مكنتش راضية عن التصوير البسيط اووي ده لشخصية زي دي
9\ ايه ده مفيش سؤال تاسع ليه .. مسألتيش عن سمية ليه ؟؟
اخيرا خلصتها اول مره اقرا روايه وابقي زهقانه اووي كده
في الاول شدني اسمها جدا
انا عشقت قولت اكيد هتبقي روايه رومانسيه او حتي دراميه
لقيتها ممله جدا
علي الرغم من احداثها كتييير
والاشخاص كتيييييييير زياده عن اللزوم
ممكن لو اتخزفت جزء من الشخصيات ماتضرش الروايه
حكايه ورد البنت اللي اتجمدت عشان اللي بتحبه بعد عنها وترجع لحالتها الطبيعيه عشان رجعلها حكايه ماتتصدقش
وعلي طالب الطب اللي سافر وساب اهله وكليته وامتحاناته عشان واحده ميعرفهاش ويروح بلد مايعرفهاش حكايه عبيطه وتزهق
وحسن معيد الهندسه المناضل الغاضب اللي اتحول للمجرم بينتقم للا ابوه اللي قتله وبينتقم لنفسه من اللي اذوه حاجه تخنق
وعبد العاطي المسجون
وذكري البرعي
واكرم
وثريا
والراجل العجوز الغني
وطالبه الهندسه وحكايتها الطويله
كلهم شخصيات عاوزه الحرق
باختصار انا كملت الروايه عشان انا كنت بداتها
لكن هي ملهاش اي لازمه
باختصار روايه ممله وطويله وزعلانه علي الوقت اللي ضاع فيها
ما توقعاتك لحياة وردة بعد أن قابلت حسن في النهاية ؟ اتوقع ان ورد هتفرح شويه برجوع حسن وبعدين تكتشف انه مش حسن اللي حبيته وانه مجرد مجرم وياريت تفكر في الانتحار
حسن وورد خنوقوني من اول الروايه
________________________
لو إنتا من طلاب هندسة جامعة القاهرة، لو نزلت عند محطة مترو الجامعة هتروح كلية الهندسة إزاي؟
أنا اساسا مكنتش طالبه في جامعه القاهره
بس مش اي حد بيدخل اي كليه كده الامن مش بيسبه لازم كارنيه
هو بيوصف اكنه خرج من المترو بقي جوه الجامعه وبيسال علي المساله
_________________________________
إيه أكبر مفاجأة في حكاية (ذكرى) بالنسبة لكم؟
ان حسن قاتلها
__________________________________
كيف ترى أهمية وجود "حسن" آخر في الرواية غير "حسن" البطل، وإلى أي مدى تفاعلت مع "حكايته؟
اهميته بس ان رجع ورد للحيته مع ان ورد وحسن والقصه دي ماهاش اي سبعين لازمه
_______________________________
ما رأيك في عنوان الرواية وما مدى ملائمته للمُحتوى؟
انا شدني اسم الروايه وقررت اني اقرها عشان اسمها
لكن طلع اسم غريب لروايه اغرب
مع ان الاسم المناسب ليها ( اي كلام في اي اتجاه )
او ( كلام فاضي ) او ( عن العشق والهبل )
_______________________________
هُناك بعض الشخصيات في الرواية لم يُخصص لها فصول للحَكي، أي شخصية كنت تُفضّل أن تعرِف قصتها كاملة ؟
ثريا .
______________________________
ماذا كنت ستفعل لو كنت مكان الممرض الذي حاول نقل ورد من مكانها أو حتّى تحريكها قيد أنملة فوجدها لا تتحرك كأن قدميها (متدبّسة) في الأرض؟
هدلق عليها ميه سخنه يمكن تقك شويه من التجمد اللي هي فيه هههههه
________________________
بأي شكل كنت تتخيل شخصية عبد المُعطي (خريج السجون) في الرواية ؟
شخصية Forever alone
اولاً حسن مش معيد كلية الهندسه بل هو كل شاب ناجح في درسته واهتم بمشاكل بلده وتأخرها عن العالم ولم يرضخ لضغوط طلب الرزق على حساب بلدهثانياً ورد دي مصر الحميله التي تتجمد على جمالها لتنتظر من يفك اثرها ممن احبتهم واحبوها اكثر من انفسهم
الراجل الكبير هو الفساد الذي عبر عنه الكاتب بوضوح في صورة شخصيه قريبه من رئيس الدوله لكي يجذب القارئ الى حقيقة الاشخاص وهكذا لكل شخصيه مغزى حتى سميه التي انبهرت بحريتها ولم تفطن لمن يحوم حولها لينهش جسدها وبراءتها
واخيراً الرويه كانت طويله وبها تفاصيل كثيره يمكن الاستغناء عنها ولكنها حنكة الراوي ليشد قرائه
ولم تكون اخر قرائتي له فهو دكتور وسأذهب اليه عند احساسي بالملل
الاجوبة بالترتيب ..::أ
ء
ج
ب
أ
ج
أ
ب
1- اتوقع ورد هتفرح بحسن شوية بعدين تتصدم لما تعرف الحقيقة المرة 2- انا ايه يوديني جامعة القاهرة اصلا :D :D
3- انها باعت نفسها للباشا
4- حكايته واقعية جدا و شي طبيعي ان اي واحد عاش ظروفه يتغير و يتحول لواحد تاني بلطريقة دي
5- ايش جاب لجاب
6- لا انا حاسة انه كفاية اوي كده كمية الشخصيات اللي الكاتب جاب قصة حياتهم
7- كنت همشي من المكان زي العبيط :D :D
8-forever alone
all discussions on this book
|
post a new topic
تلك ثلاثة أسئلة عن الرواية/ لكل من قرأها فقط.
السؤال الأول:
ما توقعاتك لحياة وردة بعد أن قابلت حسن في النهاية ؟
أ-هيعيشوا ف تبات ونبات .. ويخلفوا صبيان وبنات
ب-يومين بالضبط،وهتعرف حقيقته، فـ تنتحر
ج-هترجع جري على "علي" وتقول له "أنا حبيتك إنتاا"
د-أُخرى.
السؤال الثاني:
لو إنتا من طلاب هندسة جامعة القاهرة، لو نزلت عند محطة مترو الجامعة هتروح كلية الهندسة إزاي؟
أ-تدخل الجامعة تسألهم هيا كلية هندسة فين ويشاوروا لك ع المسلة (زي ما علي عمل)
ب-تركب ميكروباص رابح الباب الرئيسي، عشان إنتا مش عبيط
ج-أنا إيه اللي يوديني كلية هندسة بالمترو أصلاً؟!
د-أُخرى.
السؤال الثالث:
إيه أكبر مفاجأة في حكاية (ذكرى) بالنسبة لكم؟
أ-إنها باعت نفسها لأكرم
ب-إن أكرم لمّا حلق لها/نفضّلها راحت للباشا
ج-إنها ماتت مقتولة
د-أُخرى.
تـــــــحديث
السؤال الرابع:
كيف ترى أهمية وجود "حسن" آخر في الرواية غير "حسن" البطل، وإلى أي مدى تفاعلت مع "حكايته؟
أ- هوا كان ممكن يبقى اسمه مختلف لكن حكايته مؤثرة
ب- حكايته واقعية جدًأ وعجبتني ، وكانت فكرة حلوة إن اسمه "حسن"
ج- مش عارف إيه لازمته ف الرواية أصلاً
د-أُخرى.
السؤال الخامس:
ما رأيك في عنوان الرواية وما مدى ملائمته للمُحتوى؟
أ- حلو ومناسب
ب- إيش جاب لـ جاب !
ج- العنوان مُبتذل/غير مناسب.
د- أُخرى.
السؤال السادس:
هُناك بعض الشخصيات في الرواية لم يُخصص لها فصول للحَكي، أي شخصية كنت تُفضّل أن تعرِف قصتها كاملة ؟
أ- الشاعر الصعيدي.
ب- الرجل العجوز في القطار.
ج- الباشا.
د- شخصية أُخرى.
السؤال السابع:
ماذا كنت ستفعل لو كنت مكان الممرض الذي حاول نقل ورد من مكانها أو حتّى تحريكها قيد أنملة فوجدها لا تتحرك كأن قدميها (متدبّسة) في الأرض؟
أ- ستقرأ المعوذتين وتهدأ وتحاول مرة أُخرى.
ب- ستفِر من المكان زي العبيط.
ج- ستتفحص قدميها لترى إن كانت هناك مسامير تمنع تحرُكها.
د- أُخرى.
السؤال الثامن:
بأي شكل كنت تتخيل شخصية عبد المُعطي (خريج السجون) في الرواية ؟
أ- شخصية مي جوستا.
ب- شخصية
OKAY.
ج- شخصية
Forever alone
د-شخصية أُخرى (وأذكرها)
__