نادى ادب طب المنصورة discussion
ملخص الكتاب الي قرأته وايه الي استفدته منه
date
newest »
newest »
من الكتب اللى قراتها فعلا.....قوة التحكم فى الذات لدكتور ابراهيم الفقى...حلو جدا...وجذاب كمان...اول ماتفتح الكتاب هتجذبك قصه لفيل صغير اسمه نيلسون..بتقول (عندما كان عمره شهرين وقع الفيل الأبيض الصغير في فخ الصيادين في إفريقيا، وبيع في الأسواق لرجل ثري يملك حديقة حيوانات متكاملة.وبدأ المالك على الفور في إرسال الفيل إلى بيته الجديد في حديقة الحيوان،
وأطلق عليه اسم 'نيلسون'، وعندما وصل المالك مع نيلسون إلى المكان الجديد،
قام عمال هذا الرجل الثري بربط أحد أرجل نيلسون بسلسلة حديدية قوية،
وفي نهاية هذه السلسلة وضعوا كرة كبيرة مصنوعة من الحديد والصلب،
ووضعوا نيلسون في مكان بعيد عن الحديقة، شعر نيلسون بالغضب الشديد من جراء هذه المعاملة القاسية، وعزم على تحرير نفسه من هذا الأسر، ولكنه كلما حاول أن يتحرك ويشد السلسلة الحديدية كانت الأوجاع تزداد عليه، فما كان من بعد عدة محاولات إلا أن يتعب وينام، وفي اليوم التالي يستيقظ ويفعل نفس الشيء لمحاولة تخليص نفسه، ولكن بلا جدوى حتى يتعب ويتألم وينام.
ومع كثرة محاولاته وكثرة آلامه وفشله، قرر نيلسون أن يتقبل الواقع، ولم يحاول تخليص نفسه مرة أخرى على الرغم أنه يزداد كل يوم قوة وكبر حجمًا، لكنه قرر ذلك وبهذا استطاع المالك الثري أن يروض الفيل نليسون تمامًا.
ومع كثرة محاولاته وكثرة آلامه وفشله، قرر نيلسون أن يتقبل الواقع، ولم يحاول تخليص نفسه مرة أخرى على الرغم أنه يزداد كل يوم قوة وكبر حجمًا، لكنه قرر ذلك وبهذا استطاع المالك الثري أن يروض الفيل نليسون تمامًا.
وفي إحدى الليالي عندما كان نيلسون نائمًا ذهب المالك مع عماله وقاموا بتغيير الكرة الحديدية الكبيرة لكرة صغيرة مصنوعة من الخشب، مما كان من الممكن أن تكون فرصة لنيلسون لتخليص نفسه، ولكن الذي حدث هو العكس تمامًا.
فقد تبرمج الفيل على أن محاولاته ستبوء بالفشل وتسبب له الآلام والجراح، وكان مالك حديقة الحيوانات يعلم تمامًا أن الفيل نيلسون قوي للغاية، ولكنه كان قد تبرمج بعدم قدرته وعدم استخدامه قوته الذاتية.
وفي يوم زار فتى صغير مع والدته وسأل المالك:
هي يمكنك يا سيدي أن تشرح لي كيف أن هذا الفيل القوي لا يحاول تخليص نفسه من الكرة الخشبية؟
فرد الرجل: بالطبع أنت تعلم يا بني أن الفيل نيلسون قوي جدًا، ويستطيع تخليص نفسه في أي وقت، وأنا أيضًا أعرف هذا، ولكن والمهم هو أن الفيل لا يعلم ذلك ولا يعرف مدى قدرته الذاتية
الكتاب بقى اللى برشحه بجد بجد...(ذاكر بذكاء وليس بجهد)....الكتاب فظيع...بيساعدك فى كل حالاتك..لو باقى ع الامتحان شهر..او حتى يوم..طرق ذكية جدا جدا..ومش تقليديه..وبتسهل الامور...وفادنى جدا السنه دى الحمد لله..
Mod
Dina wrote: "الكتاب بقى اللى برشحه بجد بجد...(ذاكر بذكاء وليس بجهد)....الكتاب فظيع...بيساعدك فى كل حالاتك..لو باقى ع الامتحان شهر..او حتى يوم..طرق ذكية جدا جدا..ومش تقليديه..وبتسهل الامور...وفادنى جدا السنه دى ..."انا نزلت النسخة الانجليزي
لو عندك لينك للكتاب كامل ومترجم ارجو انك تجيبه
انا قراته وعديت بامتياز الحمد لله..بس هى بتفرق بقى..جايز تكون فعلا بتطبق الطرق دى ومش محتاجه..جايز تشوفه ممل..هو نسبى الموضوع...بس هو كبير جدا جدا جدا حوالى 200 صفحة ولا حاجة..بس انت محتاج فيه فصل اسمه (صندوق الادوات) انما الحاجات اللى فى الاول دى..بيقول استرخاء ومش عارف ايه...حاجت تطبقها فى الاجازة او فى بدايه السنه...فادنى فى الاندو وانا مكنتش بصيت فيه من اول السنه:( بس حضرتك اقرا فصل صندوق الادوات بس ده المفيد
بدات اطبق الكروت الذكية ومش عارف ايه..حاجات كدة بس حلو بجد
Ahmed wrote: "Dina wrote: "الكتاب بقى اللى برشحه بجد بجد...(ذاكر بذكاء وليس بجهد)....الكتاب فظيع...بيساعدك فى كل حالاتك..لو باقى ع الامتحان شهر..او حتى يوم..طرق ذكية جدا جدا..ومش تقليديه..وبتسهل الامور...وفادنى ..."الانجليزى هيبقى صعب اوى اوى...ده كلامه مش سهل عربى فما بالك الانجليزى....انا كنت شارياه للاسف مش عندى لينك
شكرا يا دكتورة الانجليزي حتى الان لغته سهلة وبسيطة
ربنا يسهل وافهمه كويس
Mod
لغة ليست ادبية بالمرة .. فمن ينتشى باللغة سيعانى الامرين من جفاف اللغة وبعدها عن رقة الادب وانغماسها فى الجفاف الفنى غير امبرر.. شخصيات مهترئة للغاية .. اغلبها تليفزيونى المضمون .. ظهور غريب لبعض القيم الغربية التى يرفضها الاسلام بالمنطق والحجة .. لا تستحق الضجة فمثل هذه الرواية كثير .. ونجيب محفوظ صنع مثل هذه الاشخاص و بدقة اكبر .. وجسدتها السينما مرات عديدة .. التركيز على الجانب الجنسى فى هذه الرواية مثير للشفقة .. الجمل الاعتراضية اغلبها تمتاز بشىء لم اره من قبل و هو الغباء .. ربمــا تكون نماذج الشخصيات .. وتصرفاتها .. وخباياها .. معروفة قبل الحدث .. لم يثيرنى فى الرواية الا المقدمة .. و هى ماتستحق القراءة فعلا .. ولاحظت بالفعل وجود اوصاف وشخصيات واحداث كاملة وصراعات نفسية لم تفد الرواية بشىء .. ربما تشتيت القارىء كانت نية الكاتب .. اعطيتها نجمتين .. نجمة للحوارات السياسية .. و نجمة للانقسام النفسى الذى صنعه الكاتب فى كل الشخصيات .. و جعل جراهام هو الوحيد الذى فلت من هذا ربما لاتفاقه مع الكاتب فى اغلب افكاره البوهيمية الاشتراكية .. ربما .. لكن الرواية كمجمل .. لا جديد
انا بقرأ الملك لير....هو ده الادب فعلا..حلو جدا..بس فى عيب..كله اشعار...يمكن عشان مسرحية...او يمكن هى مسرحية غنائية...بس فى مجملها القصه حلوة.. والاسلوب حلو وبسيط
كتاب (قوه الثقه فى الذات)بجد كتاب رائع زى ما قالت دينا اسلوب شيق جدا وترتيب لافكاره والقصص اللى بيحكيها بتقرب الفكرة
Mod
Dr_komy wrote: "خلصت كتاب دماغى كده لاحمد خلد توفيق .. مجموعة مقالات .. تتضمن اراء موضوعية جدا .. فى قضايا حساسة .. وقضايا عامة .. وفيها مايسبق عصره كرأيه فى الاعلام والسياسات الاعلامية المتبعة .. رأيه فى بن لادن ..."فعلا الكتاب جميل جدا نظام المقالات دة بيمنع الملل وكمان الدكتور طريقته منظمة جدا ومحسيتش ابدا بالملل وانا بقرا لانه مش بيميل للتطويل غير المفيد كلامة واضح
وارائه قيمة جدا ومعتدلة
كتاب السر هو فكرته كلها او السر يعني يتلص في الآتي ( انت لما بتفكر بفي اي حاجة سواء ايجابية او سلبية وبيكون عندك يقين انها هاتحصل الحاجة دي بتحصل ولذلك لابد ان تغير من افكارك وتفكر بطريقة ايجابية لكي تحيا حياة سعيدة وتحيا كما تريد
خلصت الملك لير.....حلو جدا وبيقول *ان مش كل حد قالك كلمة حلوة يبقى فعلا بيحبك*...ادب رفيع.....وخلصت تحتمس 400 بشرطة...رائعةالادب .....الساخر....
Mod
.....الساخر...."
هو حضرتك قرأتى لشكسبير بالعربى ولا بالانجليزى ؟؟؟
حاولت اقرا(ترويض الشرسه) بس المشكله انهها جاية فى شكل مسرحية بايخة...يقول ويدخل الممثل..ويقف ويقول...بايخة..يمكن الايديشن هى اللى وحشة بس ايديشن الملك لير اللى قراتها حلوة...
الروح والجسد لمصطفى محمود بيتكلم فيه بفلسفة جميلة اوي عن الروح والجسد
بيتكلم فيه عن الحب وانه يجب ان يكون لله وحده
يذكر فيه بعض من مساويء المادية الغربية التي انحطت بالانسان وجعلت من المرأة سلعة رخيصة
وفي آخر فصل يتساءل هل كان لنا وجود قبل ان نولد ؟
حقيقي كتاب راااااااائع جدا
الوجود والعدم لمصطفى محمود كلامه عملي دماغ
بس معنديش وصف تاني غير كده
السر الأعظم لمصطفى محمود كتاب جميل بيشرح فيه نصوص صوفية فيها روحانيات جميلة جدا
اهو جزأ في الكتاب هو الفصل الأخير الي بيقول فيه ان لا يصح ان نترك التراث الصوفي كله بسبب وجود بعض نمن أخطأو منهم كما انه لا يصح أن نأخذ كلامهم على أنهم معصومون من الخطأ
Mod
ـــــــــــ
وانت بتقرا الكتاب هتحس كأنه بيتكلم على مشاكل الجروب .. ههه
Mod
Dr_komy wrote: "حاليا بقرأ كتاب "مهزلة العقل البشرى" للدكتور على الوردى .. الكتاب ده ممتع بطريقة صعبة .. بيجرد من نفسك انسان تانى ويبدأ ينتقدك بكل دقه و قوة .. بيحط ايده على اغلط المشاكل اللى بنعانى منها دلوقتى ....."مين قال ان جروبنا فيه مشاكل
دة جروب فلة شمعة منورة
ربنا يهدي سره
ويهدي اعضاؤه
:)
Mod
لا بجد .. موضوع الولاد والبنات ولع ف الجروب وانا بقرأ الكتاب ده .. كأن كلامه بيحصل فعلا .. كتاب رهييب اوى .. وربنا يهدى الجروب بأه .. نفسى مرة نختلف ف حاجة تستاهل
Dr_komy wrote: "Nouran wrote: "Dr_komy wrote: "حاليا بقرأ كتاب "مهزلة العقل البشرى" للدكتور على الوردى .. الكتاب ده ممتع بطريقة صعبة .. بيجرد من نفسك انسان تانى ويبدأ ينتقدك بكل دقه و قوة .. بيحط ايده على اغلط الم..."ربنا يهدي فعلا مهما الموضوع اتكرر محدش بيتعلم وتقريبا نفس الكلام بتقال كل مرة بس المرة دي زادت شوية
ان شاء الله ابقى اقرأه
خلصت كتاب "كابتن مصر" عمر طاهر البوم ساخر للمراهقين
استفدت منه ايه ؟!!
ضحكت كمية ضحك ماضحكتهاش من زمان
أعتقد ان ده الغرض الاكبر منه
فاللى حابب يقرا حاجة خفيفة ولذيذة أنا برشح الكتاب ده ليه
ومش هياخد وقت يعنى
أنا خلصته فى 3 ساعات
بس 3 ساعات كتير عليه كمان :)
Mod
البوم ساخر للمراهقين
استفدت منه ايه ؟!!
ضحكت كمية ضحك ماضحكتهاش من زمان
أعتقد ان ده الغرض الاكبر منه
فاللى حابب يقرا حاجة خفيفة ولذيذة أنا برشح الكتاب ده ليه ..."
انا قريته ايام الامتحانات :))) دمه خفيف اوووووووى
ذاكر بذكاء وليس بجهد عاوزاه يا جماعه مفيش مانع لو انجليزى :)
A Star wrote: "ذاكر بذكاء وليس بجهد عاوزاه يا جماعه مفيش مانع لو انجليزى :)"ان شاء الله اجيبهولك بكرة
A Star wrote: "ذاكر بذكاء وليس بجهد عاوزاه يا جماعه مفيش مانع لو انجليزى :)"http://www.mediafire.com/?jxokaaeka8n...
@Dina Atefالكتاب"ذاكر بذكاء وليس بجهد " بيتشرى منين طيب؟!!
Mod
Mod
لا اعرف .. اصابتنى هشة عجيبة بعد هذا الكتاب .. هل هو عمل رائع جدا .. ام عمل فاتر يقترب من المتوسط وا يمسه ! حاولت ان استجمع مزياتها و عيوبها .. فوجدتنى لا ادرى ! مشكلتها انها وصفت حقيقتنا البشرية بكل صدق .. وهذا ماصدمنى .. فما انا سوى انسان يرفض ان يقتنع بطبيعته البشرية الناقصة المذنبة الثائرة المتقلبة الشهوانية .. وايضا طبيعتى تلك تحكم على بأن ارى نفسى بكبرياء وارفض ان اخلع ثوب الطهر الذى البسته نفسى .. هى رواية رائعة .. تضىء لك بنور الشمس زوايا نفسك .. واركان شخصيتك .. قرأتها فى وقت مناسب جدا .. ففى ايامنا هذى جل مايشغلنى .. كيف احاسب نفسى كما كان يفعل عمر رضى الله عنه .. فتجريد النفس .. وجلدها .. عمل شاق .. عمل مستحيل حقا ويحتاج نفسا من نوع اخر .. فاستخدمت المنطق لاجلد نفسى .. وحدث .. لكنى ارانى عاجزا عما اريد .. فالمنطق ليس مرصادا للخطأ .. لكنه يجدى احيانا .. احتاج الى نفس مهذبة لاكمل مسيرة جلد الذات .. وهذه الرواية اضافت بعدا منطقيا اخرا لا اكثر .. والحديث فيها يذكرنى بهيبا ومحمود وغيرهم من الاشخاص ذات الابعاد الاجتماعية والنفسية الحقيقية ! لكنى اعيب .. ندرة الاحداث والشخصيات .. وكثرة الحوار النفسى ذى الوتيرة الواحدة .. واعتقدها كما صنفوها .. من احسن مائة رواية فى تاريخ العربية .. شكرا احلام .. ولكن صدقا اجهدتنى القراءة فى نفسى
Dr_komy wrote: "موجود ف المكتبة العصرية يا شعيبى"دايماً بتحرجني كده ياكومي .. :-* بس الكتب غالية هناك يا عم .. :D
Mohamed wrote: "Dr_komy wrote: "موجود ف المكتبة العصرية يا شعيبى"دايماً بتحرجني كده ياكومي .. :-* بس الكتب غالية هناك يا عم .. :D"
بص يا شعيبي في مكتبة تقريبا عند كلية رياض الاطفال هي دور ارضي اسأل هناك ممكن تلاقيه
اسم المكتبة دار المعارف تقريبا انا مش متأكد
Ahmed wrote: "Mohamed wrote: "Dr_komy wrote: "موجود ف المكتبة العصرية يا شعيبى"دايماً بتحرجني كده ياكومي .. :-* بس الكتب غالية هناك يا عم .. :D"
بص يا شعيبي في مكتبة تقريبا عند كلية رياض الاطفال هي دور ارضي ..."
شكراً .. يا أحمد ♥ ♥ ♥
Dr_komy wrote: "انهيت الحمد لله :ذاكرة الجسد لاحلام مستغانمى .. وصدقا .. انهكتنى القراءة فى نفسى .. وده تعليقى دون حرق للاحداث :Dلا اعرف .. اصابتنى هشة عجيبة بعد هذا الكتاب .. هل هو عمل رائع جدا .. ام عمل فاتر ي..."
انا نقلت الكلام ده على البيدج بتاعتي
بعد اذنك يا كومي احنا بينا رز بالخلطة وكفتة برضه ههههههه
Mod
لا اعرف .. اصابتنى هشة عجيبة بعد هذا الكتاب .. هل هو عمل رائع جدا ..."
براااااااحتك .. الرز بالخلطة مايهونش عليا برضه ^^
العادات السبع للناس الاكثر فعالية كتاب رائع بيتكلم فيه عن كيفية التغيير الفعال واكثر ما اعجبني فيه هو تركيز المؤلف على ان يكون محور حياة الانسان واساسه في اتخاذ القرارات هو المباديء
كتاب رائع بيرد فيه الدكتور مصطفى محمود على الملحدين واسئلتهم