ده رأيى فى الشخصيات

[Haide Habib]

فى الحقيقه الروايه عجبتنى جدا جدا و كان عاجبنى تفكير الحاج عبد الغفور البرعى فى انه سايب كل واحد من ولاده هو اللى يبنى نفسه بنفسه بعد ما اداهم الاساس اللى هو التعليم و الاخلاق

و عجبنى فى حسين انه استغل وقته و راجع تانى المشروعات اللى كان بيخططلها و بالفعل ادر انه يعمل مشروع فى النهايه

و اللى عجبنى اوى اوى هى شخصية نظيره كانت الشخصيه المرحه الجميله او "بنت البلد" و فى نفس الوقت فضلت انها تدخل الجامعه الامريكيه عن انها تدخل جامعه عاديه مع انها كانت ممكن تدخل جامعه عاديه
لكن هى حبت انها تدخل الجامعه الامريكيه علشان هى عارفه ان مستقبلها هايبقى احسن و هاتعرف حاجات و هاتاخد خبرات هاتفيدها كتير اوى ده غير طبعا انها كانت مجتهده جدا جدا بالرغم انها كانت فى قصة حب
و عجبنى فيها ذكائها الشديد

شخصية عبد الوهاب كانت شخصيه سلبيه شويه او عامله زى الشخصيه اللى بتخبط دماغها فى الحيط
يعنى هو عنده عقده و مش عاوز يشتغل مع ابوه و فى نفس الوقت مش عارف يعمل مشروع او يشتغل او حتى يكمل تعليمه

اما بقى شخصية روزالين فهى كانت شخصيه مستغله
و عاوزه توصل لهدف كبير و عندها ذكاء و تفكير و كل حاجه
بس للأسف مش مهم عندها توصل لهدفها ده ازاى
اذا كان بالنصب او بالضحك على الناس و التلاعب بمشاعرهم