Please add my book: «Ինչ տխուր է սակայն»

[Համլետ]

* Title: Ինչ տխուր է սակայն
* Author(s) name(s): Համլետ Առաքելյան
* ISBN (or ASIN): 978-9939-0-4600-6
* Publisher: Self-published
* Publication Date Year: 2024
* Publication Date Month: -
* Publication Date Day: -
* Page count: 102
* Format (such as paperback, hardcover, ebook, audiobook, etc): Paperback
* Description:

Որոնում, որ երբեք չի ավարտվում

Համլետ Առաքելյանը «Ինչ տխուր է սակայն» ժողովածուում փորձում է բանաստեղծական լեզվամտահաղորդմամբ բացատրել և մեկնաբանել իր աշխարհի «առեղծվածը», իր կյանքի այն ներքին հոգեմտավոր մակարդակը, որ արտահայտման այլ միջոց չունի՝ բանաստեղծությունից բացի։ Պետք է սկզբից ևեթ ասել, որ Համլետի այդ փորձն արդարացված է. կարևորն այն սերմերն են, որ դրված են պարարտ հողում… որովհետև պոեզիան արվեստ է, այսինքն՝ ամեն ինչից բացի, այն պահանջում է հմտություն, անդավաճան նվիրում և ինքնակատարելագործման անվերջ աշխատանք:

Բանաստեղծի համար առաջին հարցը լեզվի զգացողությունն է (ինչպես նկարչի համար՝ գույնը և ձևը), որ չպետք է բավարարվի զգայական մակարդակով (ցածրարվեստ գրականության առաջին առանձնահատկությունը), այլ պետք է լուսավորվի մտքից և գիտակցությունից։ Համլետ Առաքելյանի բանաստեղծությունն ազատ է այդ զգայականությունից. նա, կարելի է ասել, ինտելեկտուալ կողմնորոշում ունեցող բանաստեղծ է, ունի մտածողության իր ելակետը, գիտակցում է «անգիտակցելին», մետաֆորային ըմբռնումները նրան դարձնում են «իմաստասեր բանաստեղծ», նրա տեքստը անորոշ կրքերի զեղում չէ, այլ ներքին իմաստների զարգացում (բառերի հուզա-մտավոր ներքին մակարդակների բացահայտում, որ կարելի է ձեռք բերել միայն ինտուիտիվ ընկղմման մեջ)։

Պատահական չեն աստվածաշնչային քողարկված ալյուզիաները նրա բանաստեղծություններում (դա աչքի է ընկնում հատկապես նրա ավելի փոքր ու սեղմ գործերում)։

«Աչքերդ դեռ որոնում եմ ծառերի մեջ // որտեղ երեխա ենք»: Ես կարծում եմ, որ այդ «որոնումը» ևս չի ավարտվի, ինչպես և դիալոգը, որ չի ավարտվում։ Արվեստում որոնումը երբեք չի ավարտվում, քանի որ այդ «որոնումը» հենց այն է, ինչ նա որոնում է։

Հենրիկ Էդոյան

* Language (for non-English books): Armenian
* Link to book page which includes the cover https://zangakbookstore.am/inch-tkhur...