بمناسبة التسرينات والاشاعات والكلام وعكسه طول الوقت: في الأيام اللي زي الأيام دي أنا لا أفضل كتب التاريخ، أنا أفضل قراءة الروايات. كتب التاريخ بالنسبة لي مش حقيقية زي الروايات، ومش صادقة قد الروايات، لأن الرواية بطبيعتها وبنائها تسمح بتعدد الأصوات وتعدد وجهات النظر، فبتطلع الكلام اللي مش رسمي وبتطلع الكلام اللي الناس بتخاف تقوله أو بتقوله بينها وبين نفسها، التاريخ مش بيذكر المشاعر والمخاوف. مش هيذكر مثلا ايه كانت مشاعر الناس اللي كانت واقفة في اعتصام النهضة،ولا ايه دوافعها الحقيقية، ولا تقدر تجيب أحلام الأقباط واحباطاتهم اللي اتجمعت تطالب الكنيسة المصرية بالموافقة على الطلاق، ولا جابت مخاوف الأقباط اللي حاسين انهم اصل البلد دي بس مش واخدين حقهم فيها، وكتب التاريخ أكيد هتنحاز للطبقات المسيطرة وصعب تجيب صوت الناس المهمشة، وصعب أوي تذكر بالتفصيل أحلام الطبقات الشعبية ومهرجاناتها. جايز تمر على كده مرور الكرام، وفي النهاية تنحاز كتب التاريخ للتاريخ الرسمي، وهتقدم حقيقة واحدة، رغم ان الحقيقة لها وجوه كتير. رواية إيقاع لوجدي الكومي قدرت ترصد كل اللي فات ده: المشاعر والمخاوف والاحلام والتناقضات المهمة اللي مش بتجيبها كتب التاريخ. وما انحازتش الرواية لموقف بعينه، أو طبقة بعينها أو مجموعة بعينها، حاولت تقدم اللي حصل من خلال عيون الناس ومشاعرهم. عشان كده بالنسبة لي أنا الرواية مرجع اكثر أهمية من كتب التاريخ خاصة في بلد زي مصر ووقت زي الوقت اللي احنا عايشين فيه. الثورة المصرية صعب نكتب عنها الا بالطريقة دي، طريقة ان مفيش حد عنده الحقيقة كاملة. وأن كل حدث شافه الناس بطرق مختلفة وعاشوه بطرق مختلفة. الجميل في الرواية دي انها بتتعرض للتاريخ القريب، اللي لسه مافيهوش احداث واضحة ومحسومة، وبالتالي الكاتب اختار انه يقدم اصوات مختلفة عن نفس الحدث، واختار تقنية ان الحدث تكمله كل شخصية بصوتها من وجهة نظر مختلفة، التاريخ القريب صعب يبقى فيه وقائع أوي الا التواريخ والاماكن، أما ليه وعشان ايه وازاي؟ فكل ده مش محسوم اوي لسه ومن هنا جمال وأهمية الرواية https://www.facebook.com/hebba.sherif...
إيقاع
discussion
رواية إيقاع لوجدي الكومي قدرت ترصد كل اللي فات ده: المشاعر والمخاوف والاحلام والتناقضات المهمة اللي مش بتجيبها كتب التاريخ. وما انحازتش الرواية لموقف بعينه، أو طبقة بعينها أو مجموعة بعينها، حاولت تقدم اللي حصل من خلال عيون الناس ومشاعرهم. عشان كده بالنسبة لي أنا الرواية مرجع اكثر أهمية من كتب التاريخ خاصة في بلد زي مصر ووقت زي الوقت اللي احنا عايشين فيه. الثورة المصرية صعب نكتب عنها الا بالطريقة دي، طريقة ان مفيش حد عنده الحقيقة كاملة. وأن كل حدث شافه الناس بطرق مختلفة وعاشوه بطرق مختلفة.
الجميل في الرواية دي انها بتتعرض للتاريخ القريب، اللي لسه مافيهوش احداث واضحة ومحسومة، وبالتالي الكاتب اختار انه يقدم اصوات مختلفة عن نفس الحدث، واختار تقنية ان الحدث تكمله كل شخصية بصوتها من وجهة نظر مختلفة، التاريخ القريب صعب يبقى فيه وقائع أوي الا التواريخ والاماكن، أما ليه وعشان ايه وازاي؟ فكل ده مش محسوم اوي لسه ومن هنا جمال وأهمية الرواية
https://www.facebook.com/hebba.sherif...