May Tiktik sa Bubong, May Sigbin sa Silong by Allan Derain

[Led]

Is anybody interested? :)

[Juan]

omg this looks cool!

[Led]

Hope it actually is. Bought a copy from Lazada. Available rin sa Shopee.

[Led]

Hello again! Will begin reading this on Nov 25. :)

[Ralph]

May reviews ba sya?

[Led]

Ralph wrote: "May reviews ba sya?"

May iilan lang dito sa GR pero meron din sa ibang online platforms. Pagkatapos nitong buddy read, baka madagdagan dito. :))

[kwesi 章英狮]

Magandang araw!

May kopya akong matagal na nakatambak sa shelf. Ha-ha. Interested akong i-buddy read siya. Wala bang guidelines ito? Read all you can? Baka simulan ko na rin sa November 25 at baka magbabasa ng isang chapter o kuwento sa isang araw.

[Led]

kwesi 章英狮 wrote: "Magandang araw!

May kopya akong matagal na nakatambak sa shelf. Ha-ha. Interested akong i-buddy read siya. Wala bang guidelines ito? Read all you can? Baka simulan ko na rin sa November 25 at baka..."

Ayos! Post ko tonight yung guidelines.

[Led]

Hello, guys!

Here's our reading guidelines for this buddy read.

Joining are @Vianca and @kwesi. Sa gusto pang sumali, tara!

Start date: Nov 25, 2020 (Wed)
End date: Dec 17, 2020 (Fri)

We'll cover the book (309 pages) with 23 stories in 23 days. Technically, one story per day. Pero kung ganahan magbasa, tuloy lang. Post your curiosities here as you like. 'Wag lang tayong mang-aswang ng spoilers.

Open lang tayo sa ideas at opinions para enjoy ang basa at usapan. :)

[Vianca]

Handa na akong maghabol ng aswang haha!

[kwesi 章英狮]

Hindi ko alam, gusto kong mag-spoil ng reader. Ha-ha. Joke lang. Ilalagay ko sa spoiler-html at baka maaswang nga ako.

[kwesi 章英狮]

Mga Paunang Tala Ukol sa... ni Alvin Yapan

(view spoiler)[Goodness gracious! Ha-ha-ha. Malapit na masunog ang niluluto ko dahil sa sobrang engaging niya at ang kapal. Hindi siya mahirap basahin, for me, dahil malawak ang background ko sa science. Hindi din hindrance ang form—scientific journal—sa experience. Natagalan lang ako kasi magbibigay siya ng bagong proposition, reimagining, ng manananggal.

Na-engage ako dahil first time kong nakabasa na ginawang scientific study ang mga aswang. Yong ibang reference ay totoo. Though may mga part na hindi ako sang-ayon dahil imposibleng mangyari based doon sa binigay na mga gawa-gawang hypothesis at sa kakulangan pa ng exploration doon sa body parts (eg yong paghati ng digestive system sa thoracic at tiyan, mga lalaking manananggal, life cycle ng aswang [hindi naman talaga insekto, tao pa rin, doon lang sa gland nag-iba] etc). Pero natuwa ako kung paano ni Yapan nilagay sa pamilya ng mga insekto ang manananggal. Sana gumawa na lang siya ng bagong pamilya para dito tulad ng ginawa ni Isabelo. Hindi rin ako sure kung sa tao ba talaga niya nilagay kasi Homo insecare ang scientific name. Hindi pa rin malinaw ang origin.

Ang off rin sa akin yong bigalng pag-shift ng akda sa dulo. Naging kuwento kaysa naging scientific. Hindi ko na rin mailagay kung pilit nilapat ang usaping etika sa akda. Ano sa tingin niyo? Pero wala akong pakialam talaga doon sa mag-asawa in the end. Ha-ha-ha Dahil hindi naman sila na-foreshadow sa simula. Sana ginawa na lang na case study ni Yapan. Na sa simula, ang hugot ng kaniyang pagsusuri, ay ang bangkay nong mananaggal na asawa ng doktor.

Pero ang ganda nong last few sentences kung saan na binuksan ang akda sa future studies ng mga mananaggal. Isa pang gusto ko dito, ay binigyan niya ng humanity ang mga subject. Hindi talaga nila gustong pumatay, gusto lang nilang kumain: example ay doon sa pandemic at sputum na lang kinakain nila. Pero sa totoo lang... natawa ako doon kasi wala ka naman makuukuhang nutrients sa sputum.

May part din na na-off ako. Haha. Totoo naman na nervous system... pero malaki pa rin naman ang role ng endocrine system sa tao. Dahil hormones ang signal ng katawan. Pathways lang ng signals mostly ng nervous.

Pero ang galing pa rin ni Yapan sa pag-illustrate ng aswang sa medisina. Ha-ha-ha. As usual, mahirap talaga siyang basahin kahit yong unang nobela niya. (hide spoiler)]

Aswang vs. Gugurang ni Julian Guieb

(view spoiler)[Binasa ko na rin yong pangalawang kuwento. Yong komiks. Hindi ako familiar sa kuwentong bayan ng Bikol, so hindi ako sure kung retelling siya o interpretation ng kung sino man.

Gusto ko yong style na gamit ng artist. Pero hindi ko gusto ang pagkasunod sunod ng banghay at kung paano siya nilapat as komiks (eg. yong dialogue ay hindi ka aware kung sino unang nagsalita o pagkasunod-sunod, hindi rin malinaw kung saan ka una titingin na tile). Sobrang gulo. Noong una, hindi ko ma-distinguish si Aswang at si Gugurang. Ha-ha-ha At the same time, hindi ko kilala kung sino ang kinausap ni Gugurang na pumatay kay Aswang.

Feel ko ay modern na rin ang representation ng society kasi may bahay kubo na. Kung hindi ako nagkakamali, tungkol ang akda sa origin of man: discovery of fire. Naisip ko na sana mas earlier pa yong gawi ng mga tao.

Ang kagandahan, naisip ni Derain na gawing palate cleanser ang second na kuwento dahil sobrang bigat nong una dahil sa form na ginamit: scientific journal. (hide spoiler)]

[Led]

@kwesi, reading pa. Nagtitimping hindi basahin yung spoilers hanggang hindi pa tapos. Haha

[Led]

Kapag talaga nanggaling sa Ingles na babasahain kailangan ko ng buelo para makakuha ulit ng bilis sa pagbabasa ng sulating Tagalog.

Day 1. Mga Paunang Tala...
(view spoiler)[Nakakapanibago (sa magandang paraan) at nakakaengganyo na dito tinitingnan ang manananggal sa neutral na pananaw - siyentipiko. Hindi nag-iimbita ng takot na kadalasang unang dala ng mga kwento-kwento.

Nakuha ko naman yung mga paghahambing ng taxonomy ng manananggal sa tao, insekto, at isda. Sang-ayon ako @kwesi na pwedeng iba o bagong pamilya na lang sana 'to dahil sa sobrang hybrid. Sinulat siguro na ganun ni Yapan para mas madali n'yang mapaliwanag sa mambabasa yung mga katangian.

Naaliw ako sa pagsusuri sa pakpak at dila ng manananggal. Kung katangian ng insekto ang pagsulpot ng pakpak ng sa kanya, natatawa ako dahil imbis na membrane, naiisip ko na ang manananggal ay may pakpak ng tutubi o paruparo. Sa dilang parang karayom naman, naalala ko ang Janus Silang kung saan paulit-ulit 'yon nilarawan. Sa kabilang banda, kailangan ko pang i-Google ang -phagous na klasipikasyon ng insekto para maintindihan.

Segmentasyon ng katawan at anatomiya. At may ibang hati pa pala maliban sa baywang o balakang? Pwede rin sa leeg hatak-hatak ang laman-loob n'ya? Hahaha. 'Di ko maintindihan yung cross-section ng external (side view?) at internal segmentation (bird's eye view ba to o worm's?). Kumukuha lang ako ng context clues sa labels para maintindihan kung saan nakaharap yung mga larawan (spine, puki, tumbong. Pero yung paglagay nito, nakakadagdag usisa.

Lahat ng tao ay pwedeng maging manananggal kung malululon ang glandula herencia/ sisiw. Pati lalaki. Di ko inakala pero bakit hindi? Pero sabi sa life cycle, ang pagkakaroon or pagdadala ng anak ang nagiging simula ng decay nito. Paano sa lalaki kung hindi sya magdadalantao?

Sociedad Cientifica. Na may ganitong organisasyon –kahit ilegal ito, at wala namang (human) rights ang manananggal– na nangangalaga at nagsasaliksik tungkol sa at para sa kapakanan nila. Iba rin! Kaya siguro isinama ang etika dito para kalinya ng neutral na pananaw sa manananggal, ipunto na hindi sila perwisyo. Na sa mundong gawa ni Yapan, may papel ang manananggal maliban sa maglihis ng isyu ng lipunan.

Pinakanaintriga ako na may demand ang tao para glandula herencia. Ano pa nga naman ang hindi abot ng consumerism ngayon. Haha

P.S.
- Oo nga, sa life cycle, nalihis yung tono ng biglang ipinasok yung mag-asawang aswang at tao.
- Yung mga sanggunian nag-Google talaga ko ng ilan kung tunay. Syempre, katahang-isip lang din. Haha (hide spoiler)]

[Led]

Day 2. Aswang vs. Gugurang

@Vianca, sa parteng inyo ng Bikol narinig mo na ba 'tong kwentong 'to?

Ano ang 'gahum' at 'gagamban'?

(view spoiler)[Kala ko 'di ako pag-iisipin nito. Nahirapan akong sundan yung komiks. Ni hindi ko sigurado kung sino at ilan ang tauhan. Sana consistent yung character drawing. Shapeshifter eh. Kaya ito:

a. Panggulo lang ba yung dalawang bangkero?
b. Sino yung sakay nila sa bangka – si Aswang ba?
c. Si Aswang yung humingi ng tulong sa Bakunawa para manakaw n'ya yung apoy ni Gugurang
d. Maraming panggulong guhit sa pagitan.
e. Tapos tinulungan ni Lintik si Gugurang para abutan si Aswang.

Sa huli, tinamaan ng lintik o kidlat si Aswang at "Nakamit ng mga tao ang biyaya ng apoy..." Dahil ba nabitawan n'ya yung nakaw na apoy?
(hide spoiler)]

[Led]

Magkatabi pala ang Mt. Malinao at Mayon sa Albay >> Google Maps

[kwesi 章英狮]

Isang Galeriya... ni Edgar Calabia Samar

(view spoiler)[Feel ko maganda itong basahin kung nabasa mo yong previous books ni Egay. Yong 101 Kagila-Gilalas na Nilalang at Halos Isang Buhay: Ang Manananggal sa Pagsusulat ng Nobela. Parang naging framework na kasi niya ang paggamit ng mga lamang lupa, aswang, etc. sa mga akda niya including ang mga non-fiction at popular culture studies.

Ang kagandahan dito, binigyan tayo ni Egay ng iba't ibang framework o pagtingin sa paggamit ng aswang bilang metapora. Ha-ha-ha. Niri-ready tayo ng essay (Derain) na 'to kung paano pa tignan ang mga aswang sa mga susunod na kuwento.

Interesting din kung paano nag-evolve ang concept ng aswang gamit ang medium na komiks. Napansin ko rin na lately ay mas popular ang paggamit ng aswang bilang counter sa dominant ideologies at alienation especially sa last three frames na binigay ng may akda.

Wala ako masyadong masabi talaga dito kasi parang lecture format siya at nag-define ng framework niyang kagila-gilalas. Nagbenta si Egay again. Ha-ha-ha. Charot. (hide spoiler)]

[kwesi 章英狮]

Kay Led: (view spoiler)[Tungkol sa lalaking mananaggal, hindi rin malinaw kung paani i-express ang lalaking mananaggal doon sa gawa ni Yapan, no? Kasi pwede silang maging host ng sisiw pero kung after nilang mag-iyot ng partner niyang babae ay nata-transfer ito sa kaniya. Kung sa baga, dormant ang sisiw sa lalaki. O magulo lang talaga dahil hindi siguro naisip ni Yapan na may possibility palang maging mananaggal ang mga lalaki at sa dulo na lang niya nilagaya. Pahabol. Ha-ha-ha.

Tungkol naman sa hati. Ha-ha-ha. Kinuha yon ni Yapan sa ibang mga akda pa. May mga reference iyon sa gawa ni Ricky Lee at nakalimutan ko kung saan yong ulo na mananaggal. Basta madami.

I don't think illegal ang Sociedad Cientifica. Alam kong legal sila at sila yong sumusulong ng equal rights sa mga aswang. Alam ko na may mga pirata ng sisiw at yon ang illegal. Illegal rin ang mag-experiment sa aswang kasi tinitignan din sila bilang may ethical rights sa tao. Yon ang kwento nong mag-asawa. In the end, parang sinabi ni Yapan na isa itong secret organization na funded ng mayayaman kakabili ng sisiw sa kanila. Katawa. Pero interested pa akong makabasa tungkol sa prganization na 'to.

Pagkaintindi ko don sa komiks, may narrator ang kuwento. At yon ang dalawang tao sa bangka. Feel ko nga ay hell iyon kasi madilim at doon nagtapos ang kuwento... sa hell.

Naguluhan nga ako, kasi ama ang nakalagay. Babae si Oryol diba? (hide spoiler)]

[Led]

@kwesi,
(view spoiler)[- Good to know na may reference pala sa iba pang mga akda yung segmentation liban sa baywang.

- Binalikan ko yung bahagi na may nasabing ilegal. Allegation pala yun: "May mga nagsasabi ring dahil iligal naman ang ginagawang operasyon ng mga Sociedad Cientifica, nawawala na rin ang kahingiang palukob sa mga etikal na usapin ng human experimentation."

- Oo, babaeng ahas Si Oryol. S'ya yung nagsabi nung 'Ama' (hide spoiler)]

[Led]

@Vianca, nahabol mo na yung mga aswang? :))

[Led]

Day 3. Isang Galeriya ng mga Aswang sa Komiks

(view spoiler)[Silip sa mga aswang sa komiks ng iba't ibang manlilikha sa nagdaang mga dekada. Unang beses ko makabasa ng gawa ni Samar pero nakikita ko na yung mga pamagat ng iba pa n'yang mga aklat. Para magsaliksik s'ya nang ganyan, baluarte n'ya nga ito. Ang galing! Naalala ko nung bata pa ako, palasak ang komiks sa amin sa paaralan, hiraman.

Pagkabasa nito, gusto kong makita yung [1] Pagsunog sa Mangkukulam, [7] May Dugong Demonyo, [11] Mga Banal na Aswang, [12] Pag-aalay ng Sarili. Kayo, anong nagustuhan n'yo? May nabasa na kayo d'yan? (hide spoiler)]

[Ingrid]

Sana di kayo makatulog sa gabi, haha charot lang.
Good luck at enjoy sa pagbabasa!

[Led]

Day 4. Aling Lilay ng Luzon Avenue

Ito, sa mga nakaraang kwento, yung tipikal na kwentong aswang na naririnig natin (o ako man lang) noon.
(view spoiler)[
- Sa isang lugar, may pinaghihinalaang aswang at nagiging laman ng usapan, dahilan ng kamalasan o kaguluhan. Lahat ng 'di kagandahang nangyayari sa lugar s'ya ang may kagagawan. Pero dito, base sa pagkakalahad, walang duda na aswang si Aling Lilay kung sa bukol at bukol na tinamo n'ya lang habang nasa bubungan s'ya, resulta ng pagbato sa kanya ng lola ni Boyet. Pero kung sa dahilan ng pagkamatay ng mga tao sa Purok 4, tulad ng mga naninirahan dun, palagay lang rin ang meron ako bilang mambabasa. Walang konkretong katunayan. Tingin n'yo ba si Aling Lilay nga ang may kagagawan nun?

- Talagang ang kwentong aswang mas maingay pag nasa kasagsagan ng gulong-pulitika. Dito, sa pagpapatalsik kay Marcos at Erap. Para ilihis ang atensyon ng mga tao. Panig si Aling Lilay kay Marcos at Erap. Anong sinasabi nito sa tingin n'yo?

- Nagustuhan ko yung paghalo ng salitang Bisaya sa pagkukwento ni Boyet; tulad ng 'adlaw.' Pero Waray ang lola ni Boyet. 'Adlaw' din ba ang araw sa Waray? Gusto ko talagang matuto ng iba pang mga salitang Filipino.

- Napansin ko rin ang diskriminasyon at esterotipo ng mga taga-siyudad sa mga Muslim na napapadpad sa Maynila. Si Boyet:"At ayaw naman namin sa kanila dahil gusto rin nilang kunin ang Mindanao at awayin ang gobyerno e pare-pareho lang naman tayong mga Filipino."
(hide spoiler)]

Ang daming paksa na magandang pag-usapan dito. Anu-ano ang nakakuha ng atensyon n'yo?

[Led]

Day 5. Ang Felicidad Project

(view spoiler)[Bagoong! Di ko type 'to. Labo e. Bye. (hide spoiler)]

[Led]

Ingrid wrote: "Sana di kayo makatulog sa gabi, haha charot lang.
Good luck at enjoy sa pagbabasa!"

Salamat, Ingrid! :)

[Led]

Day 6. Aswang + Masahista

(view spoiler)[Romance story ng dalawang taong magkaiba ang kalalagayan sa buhay habang umiiral sa Kamaynilaan. Isa lang ang literal na aswang pero parehong may mga suliraning hindi maisiwalat sa isa't isa sa kagustuhang isalba ang sariling dangal, at panindigan ang kakayahan. Ano't ano pa man, aswang o hindi, parehong tumataya, parehong naghahanap ng masasandalan. (hide spoiler)]

[Vianca]

Led wrote: "@Vianca, nahabol mo na yung mga aswang? :))"
@Led Kahit papano'y nakaka tatlong aswang na ang nahabol ko ahaha

[Vianca]

Aswang vs. Gugurang

@Led
'gahum' = great; big; can't grasp, ganyan namin ginagamit ang word na ito "Di ko magahum, an pangyayari"
'gagamban' = init, Mainit na lugar;as much as I can remember pwedeng hell

- Ang mga karakter kasi sa istoryang ito ay napapaloob sa Bicolano Myth na Ibalong.
- I think ang bangkero ang nag sasalayasay lang nung kwento ni Aswang at Gugurang dun sa sakay nya.
- Gusto ni Aswang ang Kapangyarihan ni Gugurang (Much greater nga naman yung apoy ni Mayon);
- Bakunawa is parang creature ng dragon sa Myth ni Ibalong

[kwesi 章英狮]

Update lang. Ha-ha. Doon na ako sa gawa ni Eli Guieb. Wala lang akong time mag-update kasi may mga hinahabol akong deadline. Ngayong weekend siguro makapag-share na ako ng mga hanash ko regarding sa libro. Ingat kayo.

[Led]

Day 7. Kyawtibel

(view spoiler)[Natawa ko sa ideya ng aswang na hindi mapanakit at nang-aamoy lang. Sa sobrang talas ng pang-amoy hindi yata't fetishism na. Hahaha. Aswang version ng lead character sa Perfume: The Story of a Murderer. (hide spoiler)]

[Led]

Day 8. Tatlong Dagli

Nagustuhan ko ang istilo ni Popa sa pagsulat ng kwento n'ya lalo na yung 'Imbentaryo.' Hindi buong isinasalaysay ang kaganapan. Nasa mambabasa ang pagbuo ng nilalarawan.

Day 9. Ang Aking Sinta

(view spoiler)[Unang tula sa koleksyon. Naaliw ako. Nangharana samantalang Semana Santa. Sabi-sabi nga naman noon, 'pag patay si Hesus at saka naglalabasan at bumabagsik ang mga maligno. (hide spoiler)]

Day 10. Ang Aswang at ang Tiktik

(view spoiler)[Nakakausisa na 'Hindi Kilala ang Awtor' ng kwento at isinalin ito sa Tagalog mula sa Cuentos Filipinos, 1917. Pero kalaunan, naging katawa-tawa para sa akin na kwento ito ng stalker sa kabilang pampang ng Ilog Pasig. Bigla-biglang pumihit yung kwento mula katatakutan papuntang pag-iibigan. Ano daw? (hide spoiler)]

[Led]

Kumusta ang pagbabasa n'yo?

[Led]

Day 11. Aswang ng C.I.A.

Ito sa mga akda dito ang pinakamahaba sa mga nabasa nang iba. Marapat lang din siguro dahil ito ay kay Derain na patnugot ng aklat. Ito rin ang may kongkretong ugnay sa kasaysayan. (view spoiler)[Ang paggamit ng huwad na balita bilang mabisang pyschological warfare. Kung paano ginamit ng Amerika sa pamamagitan ni Col. Lansdale ang katutubong paniniwala, ang aswang, bilang propaganda sa pagpuksa sa huk o mga guerilla na kontra-piyudalismo at namumugad sa kanayunan at kabundukan ng Pampanga.

Pareho ba ang pagkakaintindi ko na ayon ang pamahalaang Magsaysay (1953-1957) na ipagtanggol ang karaniwang Pilipinong mahihirap at biktima ng piyudalismo pero kailangang gapiin ang Huk, na pareho man ang paniniwala ngunit sa paraang marahas o rebelyon? Masalimuot 'tong paksa ng lupa at panginoong maylupa sa bansa. (hide spoiler)]

[kwesi 章英狮]

Led: Ha-ha. I am not doing well. So, baka sa Sunday pa ako magbabasa ulit. Daming deadlines. Hu-hu. Habol ako. Swear.

[Led]

Okay lang, no pressure sa pagbabasa. Walang deadline. :))

[kwesi 章英狮]

Kahapon lang natapos ang mga deadline ko. Ha-ha. Finally, balik reading na ulit ako ng Tiktik. Nasa spoiler yong mga hanash ko before ako nag-stop.

(view spoiler)[Aling Lilay, nagustuhan ko ito. Nong una ay naguluhan ako kung ano ang punto ng may akda. Kasi parang hate niya si Lilay pero ginagawang tao si Lilay bilang si Lilay na product lang din ng sistema. Pero na-realize ko na pinapakita lang ni Braga na ang mga taong may pakay talaga na i-emancipate ang mga mahihirap ay sila pa mismo ang hindi nakakaalam sa danas nila. Reason na mabilis silang kontrolin ng mga elites (presidente for example) sa pamamagitan ng mga false promises.

Felicidad Project, ang labo nga nito. Ha-ha. Twice kong binasa. Basta pagkaintindi ko, gumawa ng game ang magjowa. Umalis sila sa grad school at focus in their career. Tapos based yata sa ninuno ni ate gurl ang aswang na based doon sa game. Yon lang.

Aswang + Masahista, hindi ko bet ito. Erotika feel ko ang focus ng writer. Pero halatang lalaki ang nagsulat dahil instead of passion na iyot, more of objectifying physical characteristic. Ha-ha. Hindi steamy. Di ko man lang feel yong mga isyu nila sa isa’t isa. Puro pa stereotype at ang sexist ng dating.

Kyawtibel, ang cute nito. Haha. Hindi ko ini-expect. Pero di rin ako sure kung totoo ang mga kyawtibel. Chill lang ang kuwento.

Tatlong Daglo & Ang Aking Sinta, hindi ko alam pero tula ang sinulat ni Popa, di naman dagli. Dahil hindi naman ito naka-focus sa plot o tauhan man lang. Mas focus pa rin ang imagery. Ang abstractness nong image. Which is nasabi mo na nga na “nasa mambabasa ang pagbuo ng nilalarawan.” Yong Sinta naman, cute. Wala na akong ma-say kasi hindi naman ako ma-form sa tula.

Ang Aswang at ang Tiktik, Ang ganda nong atmosphere ng kwento na ito. Haha. Hindi ko lang gusto ang ending kasi hindi na build iyon. Sana ginawa na lang na horror. Pero wow pa rins a pag-build ng terror. Parang gothic ang dating. Kinalibutan din ako para sa kanilang dalawa. (hide spoiler)]

[kwesi 章英狮]

From Agta sa Pagatpat to Si Melfa...

(view spoiler)[Agta sa Pagatpat, Na-confuse ako kung fiction ito o totoo. Pero interesting ang gamit, ethnography. At hindi lang na-build ni Guib na apat pala sila na sakay nong bangkang demotor. Ha-ha. Wala rin akong masabi kasi parang nagkwento lang siya ng experience tungkol sa mga agta at don sa pinakamatandang mangrove. Interesting.

Aswang ng CIA, isa sa mga paborito ko ito sa anthology kasi binigyan niya ng context ang mga next na kwento kung bakit niya pinili. Ito rin ang pinakamahaba at masasabi kong publishable na essay para sa isang journal. So far, hindi ko masabing weird na may academic journal sa anthology kasi binuild ito ng unang kuwento. Dami ko ring nakuhang historikal demystification tungkol kay magsaysay at sa mga Huk. A must read!

Mga Aswang, Nabasa ko na itong reprtage sa English year ago. Ang weird nong pangyayari at siguro isa sa mga nagpauso ng investigative journalism nong panahon niya. Ha-ha. Hindi ko lang gusto ang salin. Wala yong flow ni Nick Joaquin at choppy.

Pakikipagtuos sa Aswang, isa sa mga di ko bet na kuwento. Ha-ha. Paranoia ng asawang lalaki sa aswang at panganganak ng kaniyang asawa. Di ko rin gets saan hugot niya bakit may takot siya sa asawa niya.

Chico Rd., kung di ako nagkakamali nabasa ko na ito sa ibang anthology. Sa short-short something keme yata. Ito ang matatawag na dagli compare doon sa gawa ni Popa. Pero masyadong nag-build doon sa twist. Ayaw ko ng mga twist na hindi naman na-build sa kwento. Parang niloko ako. Pero gusto ko yong concept na ipapakain sa aswang yong baby... siya lang iba, aswang ang makakasagot sa mga problema ng mga karakter. Naging masama kasi ang aswang sa mga kwento.

Si Melfa, Cute in a depressing way. Ha-ha. At ang ganda ng last line. "Takang nakikinig ang lahat sa ingay at gulo ngunit walang umaatim na gumambala sa kanilang mundo." (hide spoiler)]

[kwesi 章英狮]

Para kay Led:

Tungkol sa Aswang ng CIA:

(view spoiler)[May dalawang objective si Derain: 1. Ipakita na ginamit ni Lansdale sa kaniyang psywar ang katutubong kuwento at kuwentong kutsero against sa mga Huk. Gumamit siya ng fear and awe para tuntunin ang mga kasapi sa gubat ng Central Luzon. 2. Ipakita na instrument si Magsaysay ni Lansdale na i-push ang American control sa Pilipinas. Kung sa baga, puppet si Magsaysay ni Lansdale in a form of tutelage... tatay-tatayan si Lansdale at si Magsaysay yong masunuring anak.

Ang weird no kasi kilala si Magsaysay sa mga lumang textbook na the people's (farmer's) president, eh, yon pala siya ay conspirator ng mga Kano esp ng CIA under Lansdale. Nong umalis na si Lansdale sa bansa, ginamit rin niya ang teknik sa iba pang mga bayan na malakas ang pag-alsa against American control: Vietnam at Cuba.

At kasama rin naman sa plano ni Lansdale ang mga haring-uri. Sinuportahan nila ang psywar kasi sila rin naman ang apektado kung mananalo ang Huk against feudalism. Kasama rin yong mga malalaking international company tulad ng Coca-Cola at Standard Oil dahil nga aside from alisin ang Huk, kinakailangan rin palakasin ng America ang control nila sa konsyumerismo sa Pilipnas by putting international companies as core component sa economic growth.

Maganda nga ang academic journal na i-compare ang situation natin ngayon. Gumamit pa rin ng psywar ang current admin gamit ang drugwar at pagpipeke ng mga bilang ng nasawi. Meron din yong bibigyan ng trabaho o bagong buhay kung mag-surrender sa gobyerno. Nabanggit nga na maging effective lang ang psywar kung ipasok ito sa current context ng bansa. Eh, takot kasi mga Boomer sa droga. Ginamit ang droga as aswang para sa pagtitiktik ng bagong rehimen.

Hindi rin malayo na si Duterte ay puppet lang din ng malaking political system: America o Tsina. (hide spoiler)]

[Led]

Happy holidays, @kwesi!

Aswang ng CIA. Tungkol sa sabi mong historical demystification kay Magsaysay at sa mga Huk, sang-ayon ako sa napansin mo. Sa mga textbooks noon nilalarawan si Magsaysay bilang maka-mamamayan, makabayan. Yun pala, pinakinabangan lang din s'ya ng Amerika.

Sa mga Huk, kinailangan silang labanan ng pamahalaang Magsaysay (at Amerika kasama ang mga panginoong maylupa) hindi dahil mali ang paglaban nila sa piyudalismo, kundi dahil sa vested interests ng Amerika. Kung babalikwas si Magsaysay, Amerika na ang kalaban n'ya.

Chico Rd. Hindi ako pamilyar sa anyo ng dagli. Tulad ba ng maikling kwento? Saka anong twist –yung imbis na aswang, pusa pala?

Kumusta naman ang kabuuan ng koleksyon sa'yo?

[kwesi 章英狮]

Natapos ko na siya finally! Ha-ha. Grabe, ang bigat ng anthology na ito. Aside sa paiba-iba ng genre, halong academic at for general audience ang collection. Feel niyo kaya natagumpayan ni Derain ang role niya bilang editor sa anthology na ito?

(view spoiler)[Ang Prinsipeng Anak, Hindi ako lumaki sa mga kuwento ni Lola Basyang o ng picture book kasi may scarcity ng literature sa probinsya namin. Ha-ha. Natuwa naman ako sa kuwento at the same time, hindi damsel in distress ang princessa. Siya ang nag-save kay Lauro at sa buong kaharian. Akala ko nong una ma-disappoint na naman ako na babae (impakta) na naman ang kontrabida at puksain ng prinsipe dahil may iniibig na damsel in distress. Isa pang pagbasa, hindi ginamitan ng dahas ang pagpuksa sa kalaban. Ginamitan ng brain cells. Charot. Ha-ha.

Mga Aral sa Kulay, Isa sa mga paborito ko sa collection. Ha-ha. Mapilosopo ang kuwento pero ang ganda nong point of view ng true love. Hindi ito superficial o dinidiin ang material ownership. Ang lungkot lang though.

Kung Sino ang Mas Kilabot, Feel ko para dito yong sinulat ni Derain na academic journal. Haha. Mas naintindihan ko ang pakay ng kuwento dahil nabasa ko yong journal before this. Halatang pinag-isipan ni Derain kung paano isunod-sunod ang mga kwento. Though di ako masyadong namangha dito. Feel ko nobela dapat ito o baka part ng sinusulat niyang nobela. Interesting ang paksa at mga tauhan but I want more.

Mga Tanod, Parang action film! Ha-ha. Feel ko kung saan nagtapos ang kuwento doon rin dapat nagsimula. Mukha tuloy prologue. Unsatisfying kasi wala pa tayo doon sa main story. Feel ko part ito sa Gagambeks o sa isang mas malaking libro ni Mark Angeles.

May Aswang, Kung hindi ito nilagay ni Derain masasabi kong unsatisfying ang kuwento ni Mark. Haha. Parang ito ang ending nong kuwento before.

Si Buslak, Nahalata ko pagdating sa kuwentong aswang, laging kuwentong tsismis o kuwentong kutsero. Haha. Wala na rin ako masabi masyado aside sa ang mga aswang ay mga pinaghalaang mga taong lonely sa buhay. Walang espasyo para maglahad ng sarili. Victim ng mapag-judge na society.

Monologo, Dito binuhay yong kulang sa kuwento ni Buslak. Bigyang boses ang mga aswang gamit ang mga internal monologue. Haha. Feel ko mahihirapan ang reader na mag-adjust sa kuwento na ito kasi gumamit si Bayuga ng regional na wika at experimental na grammar para ipakita ang internalization ng mga tauhan. Buti na lang marunong ako mag-Sebwano. Somehow nalagpasan ko ang pangalawa until the end. Yong una lang nahirapan kasi hindi ko alam kung Batangenyo o Cavitenyo ang ginamit na Tagalog. Kilala kasi si Bayuga sa mga stream of consciousness niyang mga gawa. (hide spoiler)]

So far, na-satisfy naman ako kung paano tinapos ni Derain ang buong anthology. At ang galing kasi binild niya ang buong anthology na maintindihan natin ang pagkasunod-sunod. Siguro kung random lang ito na ni-structure, hindi ko magugustuhan dahil ang bibigat ng mga kuwento.

[kwesi 章英狮]

Para kay Led:

Ang dagli ay mga microfiction o flash fiction. Usually 1000 words and below. Yong ginawa ni Popa ay free verse na tula. Though pwede siya i-mask as dagli dahil naka-paragraph form. Pero may ibang element ang short story na wala sa tula though both naman ay nagkikuwento pero sa ibang medium. Na-mention ko before na mas-imagery (at nabanggit mo nga) ang focus ng tula. Parang painting. Ang kwento ay may focus sa plot at character.

Yong twist doon sa kwento ng Chico Rd ay yong buntis pala ang ate niya. Kasi di natin alam kung bakit binubulabog ng bata ang bahay... dahil kailangan niya ng tulong: yon ay patayin ang bata sa sinapupunan ng ate niya. Ha-ha. Though sinabi naman sa kuwento in the middle na binugbog ang ate... pero di natin alam kung bakit. I guess isa rin itong element ng dagli, dahil kulang sa espasyo, kailangan niyang magmadali. Ha-ha. Pero cute nong pusa. Ha-ha. Pwede yon sa pag-build ng terror.

[Led]

Salamat sa paliwanag sa dagli, @kwesi! Mula sa mga binahagi mong pananaw at kaalaman sa panitikan, may mga bago akong natutunan kung paano magbasa at kilatisin ang binabasa.

Kung napagtagumpayan ni Derain ang pagiging patnugot dito, tingin ko ay oo. Sa nilalaman, malawak ang tema at istilo ng mga akda at kanilang mga kwento. Talagang naging appeal ito ng koleksyon. Sa pagkakasunud-sunod, oo rin. Tulad nga nang nasabi mo, kung random ipinuwesto, magiging mahirap sa mambabasa na baybayin ang kabuuan.

Natuwa at natuto ako sa pagbasa nito sa kalahatan. Binigyan ko ito ng 5 stars noong una pagkabasa dahil natatangi 'to, kaiba sa mga tipikal na nababasa. Binalikan ko ulit ito paglipas ng mga araw, at tulad ng pag-aalangan ko sa ibang mga antolohiya dahil sari-sari at hindi lahat patok sa aking panlasa, ginawa kong 4 stars. Kayo anong rating n'yo?

[kwesi 章英狮]

Para kay Led:

Magandang araw!

OM-! Ha-ha. Salamat. Pero echos lang 'yang mga sinasabi ko. Huwag ka masyadong maniwala dahil flexy naman ang literature.

I gave it 5 stars. Ha-ha. Paborito ko ang anthology na ito. Hindi kasi ako mahilig sa anthology kasi nga, una, hindi consistent ang mga akda kasi iba-iba ang mga writer. Second, madalas na mga anthology hindi pinag-iisipan yong pagkasunod-sunod ng mga kuwento. Pangatlo, parang exhibit ang anthology para makapag-publish. Pero nilagpasan kasi ng libro yong expectation ko.

Oo, tama ka. Hindi pa rin consistent ang mga gawa. May mga akda rin na hindi ko talaga bet. Ha-ha. Pero dahil maganda ang pagkalatag ni Derain, na-appreciate ko sila beyond my personal need na ma-entertain. Naintindihan ko kung bakit siya sinama. Kung bakit siya ang kasunod nong kuwento na yon, o bakit may mga journal. O bakit ganon ang una at last na kuwento. Ang wow lang! Magaling na curator si Derain.

[Led]

Gets, @kwesi. Kung ikukumpara sa ibang antolohiya, angat ito dahil natatangi ang paksa, latag, at laman.

Dito na natin tatapusin ang buddy read. Mukhang naging masyadong abala si @Vianca.

Salamat sa pagbabahagi! Happy New Year!