محتار بين الكيندل بيبر وايت والتابلت

[Ahmed]

ياجماعه انا دلوقتي محتار بين اني اشترى كيندل بيبر وايت او اشترى سامسونج جلاكسى تاب 4 سبعه بوصه خصويا ان الفرق فى السعر مش كبير وكمان التاب شاشه اكبر غير مميزات الاندرويد وقوته وهيوفرلى قرايه ممتازه عشان حجم الشاشه عكس الكيندل اللي متصمم للقرايه بس بدون اغاني او سيستم زي الاندرويد وباقى المميزات وبروسيسور اضعف طبعا غير اني عرفت ان التجربه الممتازه فى القرايه فى كيندل مش متوفره فى الكتب العربى وبنضظر نشغل بى دي اف وحتي فيه مشاكل وبيسطب سيستم تاني فانا بقول طالما بى دي اف يبقى التابلت احسن مستني رأيكم لاني فعلا محتار جدا بين الاتنين

[Bushra]

أتفق معك بالعيوب.. لكن أصلاً اللي عاجبهم الكندل مخصصينه للقراءة فقط.. أما النت والأغاني بالجوال والكمبيوتر..
الكندل يتميز انه مريح للعين كأنه ورق.. وكمان لما تشحنه الشحن يطول شهر تقريباً!!
أما بالنسبة انه ما يقرأ عربي لاحظ أن صيغ الكتب العربية أغلبها أو تقريباً كلها بي دي اف مصورة بالسكنر فالعيب هذا غير مؤثر وما له أهمية..

[Mohamed]

بص هو لو انت عايزه للقراءة بس يبقى الكيندل بطاريته بتقعد اطول بكتير واخف بكتير من الجلاكسى ..ورائع للقراءة ، اما بقى لو عايز استخدامات متعددة يبقى خليك فى جلاكسى ونزل تطبيق كيندل ..بيخلى شاشته قريبة من كيندل .. بس نصيحة لو عايزة قراءة بس اشترى كيندل ..اكتر من رائع .

[Mohamed]

قراءة البى دى اف مافيهاش اى مشاكل وفيه برامج بتظبط البى دى اف لو حجم الصفحة كبير بتقسمها على صفحات متعددة مناسبة لحجم الكيندل

[Mohamed]

بالمناسبة فى مؤسسة اسمها هنداوى للتعليم والثقافة بتنزل كتب عربى كتير جدا كل شهر بصيغة موبى للكيندل .. بتخليك تستخدم كل مميزات الكيندل .. وكتب الموبى هتبتدى تنتشر

[Amr]

ايه البرامج اللي بتظبط الصفح علي مواصفات الكيندل؟ انا جربت cloud convert و الصيغة اسمها بس اللي بيتغير بس النسخة نفسها بتفضل زي ماهي

[Mohamed]

http://www.willus.com/k2pdfopt/

البرنامج ده بيظبط الصفح على مواصفات الكيندل .. بتحط البى دى اف فيه وبعدين تختار من اليمين نوع الجهاز بتاعك عشان مقاساته ..هتلاقيه فيه كيندل بيبر وايت واجهزة تانية تختار جهازك .. وبعدين تدوس عالشمال علامة صح على left to right text
لو كتابك عربى وتدوس convert
هيطلع معاك زى الفل غالبا لو البى دى اف نفسه مسحوب سكان كويس .. بيقسم الصفحة نفسها لأكتر من صفحة بطريقة عجيبة كده .

[Niledaughter]

Mohamed wrote: "انا جبيت kobo touch رائع
بفكر اجيب كميه ممكن 10 قطع و ابيعهم فى مصر
هيكون حوالى 750 جنيه
هو يبانى وارد امركيا
6 بوصه تاتش بدون ضوءخلفى
ايه رئيكم
https://www.kobo.com/kobotoucha"

مش حجمه صغير 6 ؟
أنا نزلته علی الأندرويد و الآيباد
ميزة الكوبو عن الكيندل أنه سوقه مفتوح لشراء الكتب في مصر بس معرفش نظامه ايه في تحميل كتب من بره عليه و بيقرا
pdf , epub and mobi ?

[Adham]

لو بتقرأ اقل من ساعة يوميا بلاش كانديل و خليك ف تابلت.. فكر بردو ف حاجات غير السامسونج.

مشاكل الكانديل اغلبها دعم العربي و ان ف ناس عايزة تابلت جواه

[Ahmed]

مفيش مقارنة بينهم خالص التابلت لا يصلح للقراءة ابدا

[Haffoudhi Mehdi]

إنشاء مجموعة قراء يتشاطرون حب القراءة بإستخدام القارئات الإلكترونية، وذلك من أجل إنشاء مكتبة للكتب الإلكترونية بصيغة:
(Mobi & ePub & azw3)

https://www.facebook.com/Kindle.Tunis...

[amr]

الكندل كتاب حقيقي ... وكتب الموبي منتشرة والبي دي اف ممتازة علي الكندل بعرض الشاشة

[Amr]

السلام عليكم
للبيع جهاز كيندل بيبر وايت استعمال 5 سهمر الجهاز كالجديد لا يوجد به خدش واحد به اسكرين لحمايته من اول ما جه وكمان الجهاز معاه الجراب بتاعه سمارت ومعاه الكرتونة ومعاه اسكرينة تاني لم تستخدم

كلمني لو عايزه ولمزيد من المعلومات
01022971550

[Mậħmüǿđ]

نسخة من القرآن الكريم معدلة لتناسب أجهزة كيندل
مأخذوة عن تطبيق القرآن العظيم .
أحد مشروعات شركة الدار العربية لتقنية المعلومات https://www.arabia-it.com
النسخة تعديل الناشر و الشركة غير مسؤولة عنها .
مميزات النسخة :
* الصفحات بجودة عالية - تستغل مساحة الشاشة بالكامل .
* كل صفحة تحتوي معلومات ( الجزء - الحزب -اتجاه الصفحة - رقم الصفحة - اسم السورة).
* فهرس مقسم بالأجزاء كل جزء يحتوي :
* الأحزاب داخل الجزء . ( الآية في بداية الحزب ) .
* السور التي تبدأ داخل الجزء . ( رقم السورة - آياتها - مكان نزولها).
* النسخة تدعم الغلاف كـ Lock screen
رابط التحميل :
يمكن تحميله على الكندل بشكل مباشر بصيغة mobi
https://cutt.us/ggquran
رابط جروب اقتراح - مناقشة أفكار - تعديلات - حل مشاكل النسخة
https://t.me/+GX_RkgTjj2JjNDU0
#كيندل
#kindle
#مصحف
#المصحف
#الكيندل