Egyptians Good Readers discussion
مجتمع الجود ريدرز
>
ايه اللي ناقصك؟؟؟
افتكر احسن شكل ل موقع هيساعد فى القراءه هيبقى فيه كل كاتبو اعماله حتى لو مش موجودة pdf نبذة عنكل عمل و كمان الكتب و القصص القصيرة لو اتعمل بنظام و فن هيبقى احسن موقع ومن جو الاعلانات الرخيص اللى بيبقى فى المواقع التانية و مش شرط اشتراك فى الموقع علشان اعرف حاجة
كتب صوتيه للكتب النادره او تسجيل صوتي لملخصات الكتب دي اعتقد هتكون مفيده ومحفزه على القراءه اكتر خصوصا الناس اللي بتكسل ساعات تقرا او معندهاش وقت
Mod
كلام هايل ..
يعني قصدك زي فهرسة لاشهر واهم الاعمال مش شرط يكون لينك تحميل او ان الكتاب موجود ع النت ..
او يكون طريقة نساعد بيها كمان اللي حابب يقرأ بس مش عارف يبدأ منين .. او يقرأ ايه ؟ او اللي بيقرأ بس محتاج يجرب كتب اكتر ..
تمام كدا؟
موقع بيتكلم عن الكتب اللي تم نقلها للسينما ; اسم الكتاب و مؤلفه و اسم الفيلم المأخوذ عنه و السيناريست و الكاست و لو حصل على جوايز معينة ; و يكون في نقد متخصص للفيلم و ايه مدى التزامه بالنص الاصلي او اختلف عنه في ايه ; و هل وفق في نقل الفكرة و لا الكتاب هو اللي اكثر تأثيرا ; و يا حبذا لو يكون في لينك لتحميل الكتاب بي دي اف و لينك تاني لمشاهدة الفيلم اون لاين
Mod
حلو اوي فكرة الكتب الصوتية .. بس محتاجه شغل كتير وفريق قوي .. وممكن فعلا تبقي ملخصات زي ما قولتي .. دي حلوة اوي واي حد يقدر يشغلها في العربية مثلا او الموبايل ويعرف اكتر
السؤال ؟
تفتكري دا موجود ع النت في المحتوي العربي ولا لا ؟؟ ولو موجود هل كافي ؟؟
ثانيا .. تقدري انت نفسك تشاركي في فكرة زي دي؟؟
مستني اجابتك
هي المواقع فعلا موجودة الفكرة انك تنشر ثقافة استخدامها بين العرب ازاي تعرفهم بموقع كويس وازاي تستفيد منه ، وانا شخصيا مش شايف اني اعمل موقع عربي هيبقى مفيد للدرجة كبيرة لسببين الاول برمجة المواقع والخوارزميات لازم تبقى ذكية وبتطور مع الوقت والسبب التاني انك تحرم العرب من التواصل مع ثقافات مختلفة .المواقع اللي نفسي اننا نركز عليها
stumblupon
quora
Mod
ياعيني ع الافكار الجامدة :)
هسألك نفس السؤال اللي سالته لزوما .. تقدري تشاركي في الفكرة دي وتجمعي الداتا؟؟ ولا نفسك تشوفيها موجودة وبس ؟
لا طبعا مستعدة اجمع معاكو الداتا ان شاء الله :)
اولا يا اخ زياد مش كل الناس متمكنة من اللغات الاجنبية ; ثانيا لازم نحاول نطور نفسنا ; نعمل حاجة مستقلة بنفسنا ; و اعتقد اننا عندنا مبرمجين كويسين يقدرو يصممو مواقع بشكل جيد ; يعني ; نحاول مش هنخسر حاجة ; و بعدين ما احنا ممكن لو الموضوع تحمس له ناس كتيير يقدرو يعملو نسخة انجليزي او فرنساوي للموقع ; يا سيدي نحلم ; يعني هو الحلم حرام؟ :D
بالنسبة لزوما و اقتراح الاوديو بووك في حاجة اسمها ”اقرا بودنك” اعتقد اللي قائمة عليها اسمها اماني عيسى و هي مشكورة عاملة اكونت فايس بووك و اكونت تويتر و ساوند كلاود و تشانل يوتيوب كمان ; بس طبعا مجهود فردي و مش كافي ; بس نقدر نعمم الفكرة ; و اكيد في ناس كتيير تحب تتطوع زي الاستاذة اماني :)
Ahmed wrote: "ZǿǾmẫ wrote: "كتب صوتيه للكتب النادره او تسجيل صوتي لملخصات الكتب دي اعتقد هتكون مفيده ومحفزه على القراءه اكتر خصوصا الناس اللي بتكسل ساعات تقرا او معندهاش وقت"حلو اوي فكرة الكتب الصوتية .. بس م..."
موجود بنسبه قليله اوي اوي اوي اوي وهتبقى افيد فعلا لو شغلناها في العربيه او الموبايل بدل الاغاني
وعندي استعداد طبعا اشارك فيها بس الموضوع عاوز مجموعه كامله يشتغلوا سوا في الموضوع ده عشان يبقى جاد ومفيد ومحترم
Mod
كدا محتاجه مجهود خرافي وعدد كبير .. وبالتدريج تكبر الموسوعة
فيه فكرة في دماغي هتساعد كمان ..
الموسوعة بتاعت ماذا اقرأ لطارق سويدان .. اللي فيه ترشيحات عملها خبراء للقراءة في جميع المجالات وحسب السن والنوع .. دي مجتاجه تبقي متاحه للكل او فكرة زيها .. ايه رايك؟
وياتري هتقدري تساعدي في فكرتك دي ولا لا؟
في كتب كتير pdf مش متوفرة و كمان المعلومات و ميزة المواقع الاجنبية انها سريعة بمعني تكتب اللي انت عايزة تلاقيه علي طول عكس العربي
Mod
اتفق معاك جدا يا زياد اننا محتاجين نتواصل مع ثقافات تانية .. بس دا بجانب اننا يكون عندنا ثقافة احنا كمان نتواصل بيها ..
يعني اعتمادنا ع المحتوي العالمي هيعمقه اكتر وجود محتوي عربي قوي نقدر احنا كمان نشارك بيه سواء بالعربية او بلغات تانية ..
وزي ما قالت داليا .. مش كل الناس متمكنه من اللغة .. بس انا علي سبيل المثال كتير لما بدور علي حاجه مش بلاقيها في العربي وبضطر اقراها في مواقع اجنبيه او لان المعلومة موثقة اكتر وموجوده اكتر ..
ليه بقا مالاقيش المعلومة دي في المحتوي العربي !!
خلاصة كلامي
المحتوي العربي كله مدونات ومنتديات ... ونادر اوي المواقع المتخصصصة .. ودا اللي نفسي اشوفه كتير
وميغنيش عنه المحتوي العالمي
Mod
كويس اوي .. واماني عيسي زي ما قولتي مجهودها فردي محتاجه حد يساعد اكتر وكمان يبقي فيه موقع يجمع الداتا اللي عملتها واللي هتعملها هي وباقي الناس
Mod
و ميزة المواقع الاجنبية انها سريعة بمعني تكتب اللي انت عايزة تلاقيه علي طول عكس العربي"
عشان كدا بنحاول نفكر سوا في اللي ناقصنا في المحتوي العربي .. لانو ناقصوا كتيييييييييير في كل المجالات ..
لو سمحتو يا جماعة اللى عنده نسخة من وحى القلم للرافعى بصيغة pdf....يبعته
اكيد هشارك بس انا مصممة على ان يبقى كل اعمال الكاتب
ياريت يبقى في تقييم و نقد للترجمات، و خصوصا الكتب اللي المترجمين بيحذفوا منها اجزاء كاملة عشان "لا تتماشى مع ثقافتنا" و الهبل دا
Mod
اكيد في كل الاحوال هنحتاج نعرب ونترجم من المواقع المتخصصة .. بس دا لازم يتعمل صح
لان فيه بلوجات ومواقع عربية كتيييييير بتاخد كوبي وبست من المواقع الاجنبيه بعد ما يترجموا في جوجل ... وبتبقي المقالات فضيحة ..
وكمان مش كل اللي ينتشر صحيح عشان بلغة اجنبية .. الموضوع محتاج مراجعة وانتقاء ...
شكراً على اهتمامك ومبادرتك اخ زياد، واتمنى ان يكون طلبنا ضمن استطاعتك ومقدورك..مواقع كهذا الموقع ولكن بالعربي..
حملات موجهة بجميع المواقع لنشر مبادئ معينة كالصدق الالتزام بالوعد الاهتمام بالقراءة الهادفة..
على الصعيد الشخصي..
اتمنى توفير رواية المرأة والوردة لمحمد زفزاف..
وكذلك رواية الرجع البعيد لفؤاد التكرلي.. كنسخ الكترونية..
كتب كتير بنقراها من كتر ما سمعنا عنها وبعدها مش بتكون مفيدة عايزين ملخص لكل كتاب قبل ما نقراه يكون بيناقش الكتاب بموضوعية بعيدا عن اى شئ
أنا عاجبني فعلا فكرة الaudio books in Arabic عشان فعلا احنا ينقصنا وجود الكتب بالعربي مسموعة ذي الكتب الأجنبي ، أما عن اقتراح Neno فا موجود أصلا هنا في good reads أنا الصراحة ما شفتش موقع مجمع كم الكتب بالشكل المنظم دا وكمان في بعض الكتب ليها link تحميل ، وكمان من خلال الapp تقدر تعمل scan لل barcode بتاع الكتاب و تقرا reviews وانت في المكتبة بتشتري الكتاب
الموقع ده للكتب المسموعة و ليه تطبيقات اندرويد و ابل .الكتب العربى عليه قليلة بس هو مفيد للى بيدرس لغات او بيقوى لغته .
https://librivox.org/search?primary_k...
اللى ناقص بقى ان المواقع الحكومية تبقى تضيفة شوية user friendly و تقدر تقضى مصالحك من على النت مش لازم مشاوير و فرهده و تمغات
انا حابب اشوف الأمازون كيندل او الإي ريدرز عموما بالعربي و كمان ألاقي كتب عربي بصيغة موبي
Dalia wrote: "موقع بيتكلم عن الكتب اللي تم نقلها للسينما ; اسم الكتاب و مؤلفه و اسم الفيلم المأخوذ عنه و السيناريست و الكاست و لو حصل على جوايز معينة ; و يكون في نقد متخصص للفيلم و ايه مدى التزامه بالنص الاصلي ا..."فكرة ممتازة خصوصا مع وجودالعديد من الأفلام التي تحمل شارة (قصة حقيقة) بينما هي في الحقيقة تزيف الواقع و تدمر التاريخ هذا بالطبع ألى جانب ما ذكرتيه عن الأختلاف بين العمل الأدبي و العمل السينمائي
أنا شخصيا بحب اقرأ الكتب بلغتها اﻷصلية لكن أكيد مش كل الكتب هقدر اقراها كده.. بس مشكلتي مع الكتب المترجمة إن للأسف أنا معرفش مين مترجمين موثوق فيهم.. ف يا ريت يكون في موقع يجمع دور الترجمة و المترجمين الكويسين و نبذة عن أعمالهم و ريفيو عنهم..
Neno wrote: "افتكر احسن شكل ل موقع هيساعد فى القراءه هيبقى فيه كل كاتبو اعماله حتى لو مش موجودة pdf نبذة عنكل عمل و كمان الكتب و القصص القصيرة لو اتعمل بنظام و فن هيبقى احسن موقع ومن جو الاعلانات الرخيص اللى بي..."خدي كدا لفة في الويبسايت دا ممكن ينفعك كتير
http://www.trustious.com/
عن نفسى كل اللى اتمنيته لاقيته الحمد لله .... الشىء الوحيد عايزة ترجمة الكتب الاجنبية تكون اكتر فيه كتاب حلوين جداااااااا ملهمش غير كام كتاب بس مترجمين للاسف
الكتب العلمية المترجمة فى شتى مجالات العلوم فيها نقص شديد بيخلى الدارس يلجأ للكتب الأجنبية أو يتكاسل فى دراسته :\
انا عن نفسى كنت عاوزه يكون فيه كتب انجلش ب levels مختلفه ..يعنى ساعات بلاقى الروايات الانجلس القديمه دى intermediate فبتكون سهله اقراها بدل ما اقراها مترجمه واهو منها تنمى الانجلش بردو
انا عايزالى قاموس عشان اعرف اقرا كتاب مترجم غير بياخد وقت كبير :)
مش عارفة من كتر ما فى كتب مش بيبقى عندى وقت اقراها وأكيد حعيش وأموت مش حخلص كل اللى نفسى فيه بس بيبقى نفسى حد يلخص الكتب على هيئة نسخة مليئة بنفس الأسلوب بس أقصر
الموضوووع صعب
او مستحيل بس دعونى أحلم
انا نفسى كمان أفتح حاجة زى الساوند كلاود أسمع الكتاب مقروء بلغة سليمة ومشاعر واضحة وجدال محتدّ
بجد نفسى ألاقى حاجة كدة
بالنسبة ليا اللي بحتاجه و فعلا مبالاقيهوش خالص قراءة صوتيه للقصائد .. حسب دراستي للغة العربية بدرس قصائد كتير جدا و ببقى محتاجة احفظ كم هااائل من الابيات في وقت بسيط .. و اللي بيسهل ده و كمان بيدلنا ع القراءة الصحيحة للابيات هيه قراءة صوتية لحد محترف ميغيرش تشكيل و لا اعراب و ميغيرش نطق كلمة .. قليل اول لما بلاقي مثلا ع اليوتيوب قصيدة حد قارئها بصوته و حاططها .. و ياااه بقه لو ملحنها عشان تسهل الحفظ يبقى ساعدنا جدا و الله .. لكن ده مش موجود خالص الحقيقة
Mod
شوفي الديوان الصوتي لموسوعة ادب .. وان شاء الله يفيدك ..
http://www.adab.com/modules.php?name=...
كتب صوتية عربي وانجلش .. مش عارفة بيجيبوها من ين دى !!!
موقع يكون بيتكام تحديدا عن اخر الاصدارات من الكتب سواء عربي او اي لغة تانبة مع محولات التﻻجمة و دور النشر التي تترجم هذه العمال في حالة الكتب الانجليزية ... و كذلك ترجمة اخبار الكتاب و ابمؤلف و اي حوارات تمت عنه
Mod
حلوة الفكرة دي .. يعني يبقي زي مجلة او جريد اخبار للكتب
Mod
ومنتدي من خلال اقسامه نطرح كل الافكار اللي قولناها هنا ونقدر كلنا نشتغل فيه بشكل اسرع ..
وصفحة موقع رئيسية وتبويبات فيها اهم المنشور في المنتدي او مواضيع للكتاب النشطاء مننا ومحررين الموقع .. وفيه الاقسام اللي طرحتوا افكارها ؟
ايه رأيكم؟؟
موقع شامل يكون فيه جزء لاهم الكتب للمبتدئين فىقراءة وكمان يكون فيه جزء خاص للكتب العلمية
احيانا بعمل ابحاث خاصة بى فأجد المعلومات مستقاة من مراجع قديمة جدا و اظل ابحث عن نسخة من هذة المراجع على النت لا اجد و اذا وجدت اجدها بالانجليزية او احيانا باللغات القديمة كاليونانية القديمة المشكلة ان الكتب الأجنبية اكتفت برتجمة اجزاء من النص اليونانى و لم تكمل بقية الكتاب و هكذا ام لا تجد المرجع على الانترنت او تجدة مترجم ترجمة ناقصة و احيانا تكون كتب حديثة نسبيا مثل التى طبعت فى اوئل القرن الثامن عشر لكنك لا تجد عنها معلومات سوى اسماءها
موقع بيقدم فهرسة للكتب العربية و الأجنبية باللغة العربية. معلومات عن كتاب معين ، ملخصه و معلومات عن الكاتب و تعليقات من القراء عليه و تقييمه.طبعا لو تحميل PDF هيكون كويس لكن قراءة الكتب الورقيه فى حد ذاتها متعة مختلفة.
شايف برضه لو فيه أمكانية أنى أعرف أقدر أشترى الكتاب منين و بكام هتكون أضافة كويسة.
لو سمحتو يا جماعة اللى عنده رواية بضع ساعات فى يوم ما pdf ممكن ينزل اللينك
دورت على السيره الذاتيه للمهاتما غاندى و السيره الذاتيه لجاك أشواك :( ومش لاقياهم خالص
عاوزة رواية هيباتا pdf أرجوكوووووووووووووا
اكيد وانت بتعوم في بحر النت يوم بعد يوم .. بيبقي نفسك في حاجه ومش بتلاقيها .. مع انك اصلا جاي النت تدور ع اللي مش لاقيه بره ..
وواضح برضو ان المحتوي العربي ع النت رغم انك زاد .. بس للاسف مش كفاية ابدا ولا زي المحتوي الانجليزي .. واغلبه مجرد مدونات او منتديات ..
==== قولنا
- ايه اللي محتاجه يكون موجود ع النت ..
- او الحاجه اللي نفسك تلاقي ليها موقع متخصص بالعربي
- ايه افكار المواقع اللي ممكن تساهم في نشر القراءة او التواصل بينا كقراء اكتر ؟ او بتبقي محتاجها ومش بتلاقيها ؟؟
مستني ردك ... ويمكن من كلامنا نوصل لحاجات ناقصانا فعلا ونقدر نحققها .. .
تحياتي :)