الوشيجة
discussion
مناقشة رواية الوشيجة
message 1:
by
Wafa
(new)
-
rated it 4 stars
Dec 21, 2015 10:42AM
ماذا نقرأ في هذه الرواية
reply
|
flag
Wafa wrote: "ماذا نقرأ في هذه الرواية"ايه الاخبار؟
Yehia wrote: "Wafa wrote: "ماذا نقرأ في هذه الرواية"ايه الاخبار؟"
ليا ملحوظتين اولا نفسى اعرف هنرى ميللر بيقابل الشخصيات الغريبة دى ازاى
التانية هو اول ماتكلم عن ديستوفيسكى انا اندمجت خالص اى حاجة او مناقشة عن ديستوفيسكى بتشدنى جدااااا
فعلا يايحيىكانت الفكرة طول ماأنا بقرأ في الجزء الثاني أن من جعل هنري ميللر بهذه الشخصية هم أصدقاؤه بالدرجة الأولى ومونا بالدرجة الثانية ثم حس الحذلقة الذي يمتلكه خلال حديثه حتى لو كان يتحدث عن أتفه الأمور
للأسف أنا ماقريتش أي حاجة لدوستوفيسكي لغاية دي الوقتي لكن أسلوب ميللر السردي ممتع جدا
استغربت جدا إن ميللر بدأ هذا الجزء من حيث انتهى الجزء الثاني تماما لكن عجبني الموضوع ده جدا وخلاني استبشر إن الجزء ده يمكن يكون بمتعة وعظمة الجزء السابق
p.s. قدرت تعرف مين إلي فور اللي ميللر بيقرا كتابه هنا وفي الضفيرة؟؟ بالنسبة لي دورت كتير ومالقيتش
Wafa wrote: "فعلا يايحيىكانت الفكرة طول ماأنا بقرأ في الجزء الثاني أن من جعل هنري ميللر بهذه الشخصية هم أصدقاؤه بالدرجة الأولى ومونا بالدرجة الثانية ثم حس الحذلقة الذي يمتلكه خلال حديثه حتى لو كان يتحدث عن أت..."
انا قريت لديتسوفيسكى اعمال كتير وهو يستاهل كل كلمة قالها عنه هو فعلا الادب بيتسمى قبل وبعد ديستوفيسكى اقريله هيعجبك جدااا وفعلا انا بدات استمتع بالجزء ده هو هنرى ميللر سر جماله فى شذوذ حكاياته ومواقفه وفلسفته الغريبة لكل شىء فى حياته
Wafa wrote: "فعلا يايحيىكانت الفكرة طول ماأنا بقرأ في الجزء الثاني أن من جعل هنري ميللر بهذه الشخصية هم أصدقاؤه بالدرجة الأولى ومونا بالدرجة الثانية ثم حس الحذلقة الذي يمتلكه خلال حديثه حتى لو كان يتحدث عن أت..."
لا الحقيقة ماعرفش مين الى فور
طبعا لازم أقرأ لدوستوفيسكي بس كل ما أقرر أبدأ له رواية ييجي قدامي كاتب جديد ماكنش في الخطة نهائيا ويخليني أحيد عن الطريق اللي أنا مخططة له يعني السنة دي وقعت في الأدب الأمريكي مع أوستر وميللر والصراحة كانت رحلة جميلةالحاجة الغريبة في كتابات ميللر هو إن أنت بتصدق كل كلمة هو بيقولها ومابتحسش نهائي إن المواقف اللي بتحصل معاه في حياته غريبة طول ما أنت بتقرا لكن بمجرد ماتقفل الكتاب تبدأ تفكر هي قد ايه حكايات ميللر خيالية ولا يمكن انها تحدث في حياة شخص خلال حياته اليومية
Wafa wrote: "طبعا لازم أقرأ لدوستوفيسكي بس كل ما أقرر أبدأ له رواية ييجي قدامي كاتب جديد ماكنش في الخطة نهائيا ويخليني أحيد عن الطريق اللي أنا مخططة له يعني السنة دي وقعت في الأدب الأمريكي مع أوستر وميللر والصر..."انا برضه كل كاتب بيعرفنى على كاتب تانى بس دى حاجة حلوة لان كمية الكتاب المفضلين بتزيد السنة دى فعلا اتعرفت على كتاب ماكنتش اعرفهم
هو حياته عجيبة فعلا وبالذات لما تكون سيرة حياة فالواحد بيتوقف ويسال نفسه ازاى حصل كده غير لما يكون عمل خيالى يعنى هو الشخصية اللى قابلها وقعد يتكلموا عن ديستوفيسكى شخصية غريبة ومواقفها غريبة بس انا مش بستغرب لانه الراجل ده فعلا عامل زى المغناطيس بيجذب شخصيات عجيبة
معروف عن ثلاثية الصلب الوردي إنها سيرة ذاتية روائية .. هل هذا يعني إن جزء من أحداثها متخيل ؟؟ ياترى الحوارات الفكرية دي حدثت فعلا أم أن المعالجة الروائية من قبل ميللر أضافت لها الكثير؟؟ ماذا تظن؟؟
Wafa wrote: "معروف عن ثلاثية الصلب الوردي إنها سيرة ذاتية روائية .. هل هذا يعني إن جزء من أحداثها متخيل ؟؟ ياترى الحوارات الفكرية دي حدثت فعلا أم أن المعالجة الروائية من قبل ميللر أضافت لها الكثير؟؟ ماذا تظن؟؟"انا قريت لهنرى ميللر برضه مدار السرطان وكان فيها احداث غريبة برضه اعتقد هى حقيقية فى اغلبها بس هو بيعالجها وبيضيف عليها فلسفته وسواء ايه حقيقى وايه خيال هو انطبع فى ذهنى بشخصية معينة مش هتفرق معايا بس انا مابحثتش فى الموضوع ده وان كنت اظن انها حقيقية اوى لانها فجة جداا ووقحة وصريحة بطريقة غريبة
Yehia wrote: "Wafa wrote: "معروف عن ثلاثية الصلب الوردي إنها سيرة ذاتية روائية .. هل هذا يعني إن جزء من أحداثها متخيل ؟؟ ياترى الحوارات الفكرية دي حدثت فعلا أم أن المعالجة الروائية من قبل ميللر أضافت لها الكثير؟..."انا بحب السير الذاتية وماقرتش حد شبه هنرى ميللر فى النقطة دى غير سيرة ذاتية لكاتب مغربى اسمه محمد شكرى
قرأت الجزء الأول والثاني من سيرة شكري .. من وجهة نظري أن سيرة شكري لا تلتقي مع سيرة ميللر في شيء سوى في كم البوح القاسي الذي ألقياه في وجهنا دون تمهيد ولا مواربة ولا تورية لكن سيرة شكري كانت تفتقر إلى الجانب الفكري الذي يكتب ميللر من أجله
Wafa wrote: "قرأت الجزء الأول والثاني من سيرة شكري .. من وجهة نظري أن سيرة شكري لا تلتقي مع سيرة ميللر في شيء سوى في كم البوح القاسي الذي ألقياه في وجهنا دون تمهيد ولا مواربة ولا تورية لكن سيرة شكري كانت تفتقر..."
تمام انا ده اللى اقصده كميه الصراحة دى مش موجودة عند كتاب كتير
Yehia wrote: "Wafa wrote: "قرأت الجزء الأول والثاني من سيرة شكري .. من وجهة نظري أن سيرة شكري لا تلتقي مع سيرة ميللر في شيء سوى في كم البوح القاسي الذي ألقياه في وجهنا دون تمهيد ولا مواربة ولا تورية لكن سيرة شك..."
جميلة جدا المناقشة دى فعلا القراءة الجماعية بتحمس وتدى بعد تانى للكتاب
فعلا القراءة المشتركة تفتح أفقا عديدةإلى لقاء الغد إن شاء الله
مثل هذه الحوارات هي ما يقيدني إلى روايات ميللر فلا أستطيع منها فكاكاهذا الجون ستيمير مجنون حقا
Wafa wrote: "مثل هذه الحوارات هي ما يقيدني إلى روايات ميللر فلا أستطيع منها فكاكاهذا الجون ستيمير مجنون حقا
انتى وصلتى لصفحة كام ؟
"
61الفصل الثالث جنوني بحق
Wafa wrote: "61الفصل الثالث جنوني بحق"
هو جنونى بس ماوصلنيش المعنى بتاعه حسيته بيهذى من غير سبب هو الفصل التانى كانت فلسفته رائعة
فعلا الفصل الثاني كان فلسفيا كثيفا رائعا وأغلب الاقتباسات اللي أنا اقتبستها منهالفصل الثالث فيه الكثير من الحكمة بس مبعثرة بين هنا وهناك .. الفصل بيتحدث عن الرؤى التي رآها بعد تعاطيه لنوع من حبوب الهلوسة وتفكيره الدائم بستاسيا ومونا لكنه لا يخلو من بعض الأقوال التي تطرق رأسك بين حين وآخر
Wafa wrote: "فعلا الفصل الثاني كان فلسفيا كثيفا رائعا وأغلب الاقتباسات اللي أنا اقتبستها منهالفصل الثالث فيه الكثير من الحكمة بس مبعثرة بين هنا وهناك .. الفصل بيتحدث عن الرؤى التي رآها بعد تعاطيه لنوع من حبوب..."
Wafa wrote: "فعلا الفصل الثاني كان فلسفيا كثيفا رائعا وأغلب الاقتباسات اللي أنا اقتبستها منه
الفصل الثالث فيه الكثير من الحكمة بس مبعثرة بين هنا وهناك .. الفصل بيتحدث عن الرؤى التي رآها بعد تعاطيه لنوع من حبوب..."
Wafa wrote: "فعلا الفصل الثاني كان فلسفيا كثيفا رائعا وأغلب الاقتباسات اللي أنا اقتبستها منه
الفصل الثالث فيه الكثير من الحكمة بس مبعثرة بين هنا وهناك .. الفصل بيتحدث عن الرؤى التي رآها بعد تعاطيه لنوع من حبوب..."
هو من الواضح انى جالى تشبع من هنرى ميللر فعلا انا حاسس انه حد اعرفه من زمان وعايز اطمن عليه قبل نهاية الجزء الاخير
Wafa wrote: "تقصد ايه؟"اقصد ان السيرة الذاتية بتاعته اثرت فيا جدا وعشان حجمها كبير استمتعت بيها جدا كانه حد من المحيطين بيا اللى اعرفهم من زمان
في حد كان كاتب في مراجعة ليه لكتاب لميللر إن ميللر هو الكاتب الوحيد اللي القاريء بيرغب بشدة إنه يكون صديق ليه يعيش معاه ويخالطه أفكاره المجنونة هذه بشكل يوميالكلام ده بيمثلني جدا .. بجد مافيش ناس بغرابة ميللر حوالينا أبدا
Wafa wrote: "في حد كان كاتب في مراجعة ليه لكتاب لميللر إن ميللر هو الكاتب الوحيد اللي القاريء بيرغب بشدة إنه يكون صديق ليه يعيش معاه ويخالطه أفكاره المجنونة هذه بشكل يوميالكلام ده بيمثلني جدا .. بجد مافيش ناس..."
فعلا اغرب سيره حياه وجالى نفس الشعور انى اقابل الشخصية دى وكان عندى شعور مماثل لما قريت رواية زوربا اليونانى لكزنتزاكس
Yehia wrote: "Wafa wrote: "في حد كان كاتب في مراجعة ليه لكتاب لميللر إن ميللر هو الكاتب الوحيد اللي القاريء بيرغب بشدة إنه يكون صديق ليه يعيش معاه ويخالطه أفكاره المجنونة هذه بشكل يوميالكلام ده بيمثلني جدا .. ..."
يمكن عشان الاتنين عندهم نهم غريب للحياة يعنى هنرى ميللر فى اسبوع واحد ممكن يعيش تجارب وحيوات عمر انسان عادى عنده زخم غريب ده اللى شاددنى ليه
أنا ماقريتش زوربا لغاية دي الوقتيأنا ماقدرش أفسر إن خبرات ميللر الحياتية سببها نهمه للحياة .. أنا ماحستش
إن عنده شغف أو نهم للحياة .. بالعكس كانت مونا دايما تقول له انه يجب عليه أن يتحرك نحو الحياة ويعيشها كما يجب
يمكن الزخم في تجاربه الحياتية سببه أنه قرر أن يحيد عن الخط ويستقيل من وظيفته وأغلب الخبرات التي يمر بها الآن تكون في سبيل حصوله على طعام يقيم أوده وشراب ليقيم مزاجه أو في سبيل الحصول على مطارحة فكرية مع أحد المجانين الذين يحيطون به
Wafa wrote: "أنا ماقريتش زوربا لغاية دي الوقتيأنا ماقدرش أفسر إن خبرات ميللر الحياتية سببها نهمه للحياة .. أنا ماحستش
إن عنده شغف أو نهم للحياة .. بالعكس كانت مونا دايما تقول له انه يجب عليه أن يتحرك نحو الحي..."
وممكن الحياة هى اللى عندها زخم ليه ماعرفش يعنى ايه بس هو فعلا بحس انه عاش حيوات مش حياة وانه بيتصرف على غريزته يمكن ده اللى اقصده الانسان ممكن ياخد فترة عقبال مايقرر هو لا الواضح انى ابتديت اهذى زيه
فعلا .. الحياة عندها زخم ليه .. لكن أرجع وأقولك أن كل زخم الحياة تجسد في مجموعة الأصدقاء الغريبة غير المتوالفة التي يمتلكها هنري فمن الطبيب إلى الرسام إلى المحامي إلى اللص لا يجمعهم رابط سوى هنري ذاته وإيمانهم جميعا أنه يجب أن يكون كاتبا
Wafa wrote: "فعلا .. الحياة عندها زخم ليه .. لكن أرجع وأقولك أن كل زخم الحياة تجسد في مجموعة الأصدقاء الغريبة غير المتوالفة التي يمتلكها هنري فمن الطبيب إلى الرسام إلى المحامي إلى اللص لا يجمعهم رابط سوى هنري ذ..."صح اتفق معاكى تماما هو كالمغناطيس شخصية غريبة تجذب شخصيات اغرب
87 - 142الفصل الخامس كان غرائبيا .. لم أستطع التأقلم معه أو فهمه أو التقاط أي من إشاراته
أما الفصل السادس فكان أقل كثافة من جميع الفصول السابقة لكنه كان ممتعا إلى أقصى حد خصوصا خلال زيارة عيد الميلاد وشغف ميللر عن السفر إلى أوروبا
Wafa wrote: "87 - 142الفصل الخامس كان غرائبيا .. لم أستطع التأقلم معه أو فهمه أو التقاط أي من إشاراته
أما الفصل السادس فكان أقل كثافة من جميع الفصول السابقة لكنه كان ممتعا إلى أقصى حد خصوصا خلال زيارة عيد الم..."
انا لسه فى بداية الفصل السادس بس استمتعت جدا بالفصل الخامس وشخصية ريكاردو ونظرة هنرى ميللر ليها
نعم مقابلة ريكاردو هي ما أعجبني وفهمته في الفصل الخامس لكنه كان ضبابيا عدا ذلك بالنسبة لي
Wafa wrote: "نعم مقابلة ريكاردو هي ما أعجبني وفهمته في الفصل الخامس لكنه كان ضبابيا عدا ذلك بالنسبة لي"هو فى فصول بتكون وتيرتها هادية وفى فصول بتكون سريعة والفلسفة الخاصة بهنرى فيها مكثفة بس انا مستمتع حتى الان بالجزء ده غير الجزء اللى فات كان اول 150 صفحة بالنسبالى مملين وبلا معنى غير مقتطفات صغيرة فيهم وبعد كده الاحداث تسارعت هنا هو محافظ شوية على رتم وتسلسل الاحداث
فعلا الجزء ده مختلف جدا عن الجزئين السابقين في الجزء الأول والتاني كانت الأحداث تطلع فوق وتنزل تحت وكانت أفكاره الفلسفية غير مكثفة وتأتي بلا مناسبة فجأة ودون تخطيط مسبق
هنا الأحداث تسير برتم واحد لا طلوع لا هبوط والفلسفة جد مكثفة
إلى الآن يعجبني أكثر من الجزئين السابقين
Wafa wrote: "فعلا الجزء ده مختلف جدا عن الجزئين السابقين في الجزء الأول والتاني كانت الأحداث تطلع فوق وتنزل تحت وكانت أفكاره الفلسفية غير مكثفة وتأتي بلا مناسبة فجأة ودون تخطيط مسبق
هنا الأحداث تسير برتم واحد ..."
صفحة 180 عجبنى جدا وصق هنرى ميللر لعملية خلق الكتابة
وانها بالنسبة للكاتب شىء طبيعى لا ارادى وعجبنى الفصل اللى بدا يكتب فيه مسرحية وحصلتله تجربة روحية غريبة اثناء الكتابة مهمتم انى اعرف اكتر عن مسيرته مع الكتابة
ماوصلتش لصفحة 180 لسهتقصد الفصل السادس .. الفصل اللي بدا يكتب فيه المسرحية بعد زيارة ستانلي ليه؟؟
فعلا ميللر هو شخص مثير للاهتمام حتى لو تحدث عن أتفه الأمور وأعجبها
Wafa wrote: "ماوصلتش لصفحة 180 لسهتقصد الفصل السادس .. الفصل اللي بدا يكتب فيه المسرحية بعد زيارة ستانلي ليه؟؟
فعلا ميللر هو شخص مثير للاهتمام حتى لو تحدث عن أتفه الأمور وأعجبها"
اه عجبتنى التجربة والوصف وانهماكه فيها لدرجة ان كل حواسه بتقف وبينقطع عن اللى حواليه
الفصل الثامن يايحيى جميل بحق .. من أروع الفصول بعد الفصلين الثاني والثالثتساؤلاته المستمرة عن جدوى أن يكون كاتبا وعن مقدار ماسيكون مختلفا عن مئات قبله ممن سطروا حياتهم وأفكارهم يبين كم أن ميللر شخص عاقل على عكس ما تبينه سيرته من أنه إنسان لامبال بوهيمي إلى حد كبير
Wafa wrote: "الفصل الثامن يايحيى جميل بحق .. من أروع الفصول بعد الفصلين الثاني والثالثتساؤلاته المستمرة عن جدوى أن يكون كاتبا وعن مقدار ماسيكون مختلفا عن مئات قبله ممن سطروا حياتهم وأفكارهم يبين كم أن ميللر ش..."
فعلا انا قريته وعجبنى تساؤلاته عن الكتابة وعملية الخلق هو كان متبرمج انه يكون كاتب ومايعرفش يكون غير كده طريقة وصفة رائعة فعلا
قريت حصة النهارده؟
Wafa wrote: "قريت حصة النهارده؟"انا خلصت الفصل التامن برضه وبكره هاكمل ان شاء الله
الفصل العاشر محزن جداتفاصيل شعوره عندما تركته مونا الى باريس والسرد التفصيلي لكل ماخالجه يوصل لك الوجع تماما كما مر به ميللر
أما عن تفاصيل بدايته في كتابة الصلب الوردي فهي تعكس كيف أن ميللر خلق ليكون كاتبا
Wafa wrote: "الفصل العاشر محزن جداتفاصيل شعوره عندما تركته مونا الى باريس والسرد التفصيلي لكل ماخالجه يوصل لك الوجع تماما كما مر به ميللر
أما عن تفاصيل بدايته في كتابة الصلب الوردي فهي تعكس كيف أن ميللر خلق لي..."
فعلاً ده اللى حسيته وانا بقراه كمية الوجع اللى جواه برغم ان علاقتهم غريبة ومش مفهومة
الفصل ال 11 نهايته رائعة ووصف هنرى ميللر لعملية موته الروحانية وقيامه من انقاض الخراب كان مذهل بالنسبالى
فعلا يايحيى .. ده تقريبا الفصل الروحاني الأول بعد الفصل اللي تلبسته فيه تلك الروح أثناء كتابته للمسرحيةميللر دقيق الوصف وعميقه .. لا أعرف لم لم يكن ميللر يركز على الجانب الروحاني من قبل في هذه الثلاثية ربما هذه المرة الأولى التي يتكلم بها بهذه الطريقة الروحانية دوما ماكان يتعرض لفلسفة الحياة ونادرا ماتعرض إلى فلسفة ذاته مثلما فعل الآن
p.s.
سأكمل فصلا آخر هذه الليلة
Wafa wrote: " فعلا يايحيى .. ده تقريبا الفصل الروحاني الأول بعد الفصل اللي تلبسته فيه تلك الروح أثناء كتابته للمسرحيةميللر دقيق الوصف وعميقه .. لا أعرف لم لم يكن ميللر يركز على الجانب الروحاني من قبل في هذه ا..."
الصراحة هو مبدع فى الوصف فى برضه الثقة الغريبة اللى عند مونا فى موهبته الشىء ده غريب جداا وانها بتضحى بكل شىء النقطة دى شدتنى جدا النوع ده من العلاقة بينهم بيشدنى جدا هى عندها ايمان غريب بموهبته
مش بس مونا اللي كانت مؤمنة بيه كل أصدقؤه بدرجة أو بأخرى كانوا بيشجعوه وكانوا حاسين إنه عنده حاجة مختلفة .. ده شيء فعلا يثير الاستغراب جدا خصوصا أنه لم يقم بنشر نص ما أو عرض نصوصه على أحد سوى القلة القليلة منهمأعتقد ان ميللر من الأشخاص اللي بتاخدهم الحياة يعني من اللي بتاخدهم الحياة من الحاجات اللي بيحبوها فلولا أن ميللر التقى بمونا بتصور ان عمره ماكنا هنحظى بنص من نصوص ميللر الرائعة
بتصور ان ميللر لو فضل متجوز مود ماكنش هيطلع الكاتب اللي جواه أبدا .. كان فضل في وظيفته وسار المسار المتوقع لأغلب الأفراد في هذا العالم
احنا لازم نحلل الشخصيات تحليل تفصيلي بعد ماننتهي من الرواية .. ايه رأيك؟؟
Wafa wrote: "مش بس مونا اللي كانت مؤمنة بيه كل أصدقؤه بدرجة أو بأخرى كانوا بيشجعوه وكانوا حاسين إنه عنده حاجة مختلفة .. ده شيء فعلا يثير الاستغراب جدا خصوصا أنه لم يقم بنشر نص ما أو عرض نصوصه على أحد سوى القلة ..."ان شاء الله فعلا اصدقاؤه عندهم ايمان بيه بدون اى مؤشرات ولا دلائل بس هى مونا عندهاايمان اعمى بيه ماشوفتوش عند حد غير انها فى اوقات بتلغى وجودها فى وجوده هنرى ميللر تعتبر حياته حياة الناس اللى قابلهم اللى حواليه
all discussions on this book
|
post a new topic
