Egyptians Good Readers discussion
مجتمع الجود ريدرز
>
ايه اللى حببك في القرايه ؟
من وأنا صغيرة ماما وبابا كانوا دايماً يجبولنا قصص .. فسحتنا الجميلة كانت لدار المعارف ... ويا سلام بقي لو كان في معرض للكتاب . هدية بابا ليا ف عيد ميلادي الثاني عشر كانت (أعجب الرحلات في التاريخ ... أنيس منصور).... ربنا يجازيهم عني أنا وأختي خيرا.
بابا الله يرحمه ؛ كان راجل محترم و قارئ عظيم ؛ هو اللي عودني اني اقرا ؛ لما كان بيخرج بدل ما كنت بقول له عاوزة شكولاتة و شيبسي ، كنت بقوله متنساش تجيب لي كتاب :)
من الصغر بابا كان يقرالنا كليلة و دمنة لما كبرنا شوي خالي اخذ يشجعنا على المطالعة و كان بيزعل منا اذا ما قرانا و بيجبلنا دايما كتب و لما ننهي لكتاب كنت اتناقش معو مع دعم ماما الدائم طبعا بقدر احكي انهم ورثونا حمى المطالعة :)
اول كتاب قرأته ... لعنة الفراعنة ... كان الكتاب ال فتح خيالي على عالم كان مجهول تماما بالنسبالي و هو عالم الفراعنه لما كنت في 4 ابتدائي .... لكن حبي للقرأة سببه احمد خالد توفيق بروايات د.رفعت اسماعيل و اولها و حتي الان بقرأها رواية الكاهن الاخير ...
طول عمري بحب اقرا.. بس افتكر اني اتعلقت قوي بفاروق جويدة بالذات
من الصغر.. أبي وأمي كانا حريصان على أن يحضرا لي الموسوعات المبسطة لشغفي بالعلوم وأخي كان يحضر لي القصص المصورة كـ مجلة علاء الدين ومجلة ميكي إنتاج دار الهلال التي تعلمت من ترجمتها لقصص ميكي كيف تنتقل الفكاهة من الثقافة الأمريكية إلى العربية مع الإبقاء على روحها المرحة.فقط القراءة تبدأ بالاهتمام بموضوع ما مع إرادة البحث والاستزادة فيه ثم هي تسحبك تدريجياً إلى بحورها العميقة وقد تجد نفسك في موضع غير الذي كنت تقصده أصلاً مع اتساع أفقك وشعورك باللذة التي لاتوصف كلما زادت معلوماتك.
لما دخلت جروب كلية الالسن ولقيت واحد منزل بوست بعد الاجازة كاتب فيه ( ياتري مين. قرا في الاجازة وقرا ايه ) بصراحة لما الناس علقوا وكتبوا اتكسفت ان الناس دي بتقرا وانا لا. المهم قررت اقرا وحفظت البوست عندي وشوفت ايه اكثر كتاب الناس قراوه ومعجبين بيه جدا لقيته رواية تراب الماس وبالفعل اشتريتها وقراتها وكانت بداية موفقة وهي اللي حببتني في القراءة
حبيت القرايه من وانا فى ابتدائى لما بابا كان كل فترة يشترى كتاب ويحطه فى المكتبه لحد ماكبرت وبقت مكتبه كبيره شكلها فىالاول عجبنى بس بعد كده لقيت ايدى بتتمد واحده واحده واقرا بس اول مابتديت اقرا قريت رجل المستحيل حاجه صغيره على قدى
مش عارفه..بس غالباً حالة جميلة بتأخدك من مكانك لاى مكان انت تحبه...وحبيت بالاكتر فى ثانوى من روايات الادب الانجليزى والفرنسى على حد سواء ...
قصص نبيل فاروق رجل المستحيل وملف المستقبلاول كتاب قريته ف حياتي كان العدد 28 من رجل المستحيل قلب العاصفه
اخويا الكبير كان بيحب يقرا ويحكيلي اللى قراهكنت صغيرة مكنتش فاهمة هو بيقول ايه بس عجبنى حماسه
لما كبرت وعرفت اقرا بدأت بقصص نبيل فاروق وكوكتيل 2000
أنيس منصور وعموده الشهير فى جريده الأهرام اللى كان بيخلص بسرعه و انا عايزه أقراء اكتر فابتديت اشترى كتبه و بعدين موضه النص الادبى و تحويله الى دراما فى السينما او التليفزيون فكنت استمتع و انا أقراء الروايه قبل عرضها و ألاحظ الفرق و اسمع برامج النقاش حول الدراما ورأى المولف ووجهه نظر السيناريو و المخرج .لحد ما ادمنت وما بقتش اعرف أنام الا لما أقراء اى حاجه حتى لو جرائد تانى يوم .
اخويا الكبيير كان بيفضل يقولى" طول ماكتابك يبقى معاكى خير صديق هيكون وياكى" و بالرغم من انى عمرى ماشفتوا بيقرأ الا انو كان حريص جدا انى استمر فى الفراءه
والدتي الله يحميها ..في البداية ثم جمعتنا الصداقة
ماما كانت تجبرني انام بدري جداااا و انا صغيرة الساعة 5 مساءً و كان صاحب بابا عنده مطبعة لكتب الاطفال فكان عندنا مجموعة ضخمة جدا جدا من الكتب فكنت اقرا تلات اربع كتب كل يوم لحد ما انعس و انام
أغاثا كريستي والشيخ الغزالي مع إصرار بابا إن القراءة مهمة ... وبعدين دراسة الأدب.
زى ما عباس العقاد قاللانى عندى حياه واحده وحياه واحده لا تكفينى
:D
بدأت وانا عندى 8 سنين كنت بحب قرايه الكتب الدينيه
اعتقد انى اتولدت بحبها ...اى ورقة كنت بشوفها فى الشارع وانا ماشية كنت بخدها اقراها ودروس القراءة اقعد اقراها باستمرار ...لما طلبت من بابا حاجة تخلينى ابطل لعب قولتله هاتلى قصص وفعلا جابلى كتب جيب وفلاش وقصص هادفة صغيرة وبعدها مجلات العربى الصغير والتوحيد وبعد كده انطلقت فى الجامعة والى الآن
بابا كان كل يوم وهو جاى من برا يجيبلى قصة ونقعد نقراها قبل ما انام ... تخيلوا قى كمية القصص اللى كانت عندى :)
معرفش انا فجأة لقيت ناس كتير اوى اعرفهم بيقروا و بيحكولى حاجات حلوة قاروها فقولت اجرب
من وانا صغيرة منت بحب القرية و بدأت اقرأ حواديت الاطفال و بعد كدا بدأت الروايات و الكتب الاسلامية
ماما ..كل ما بتروح اى مكان لازم ندخل المكتبة اللى فيه وتشترى كتب :)
عيلتي كلها .. من زمان و هما بيجبولي كتب كهدايا .. و يكفي ان اول هدية كانت مصحف من عمي قالي انتي لسه صغيرة ابدأي بالقرآن و من ساعتها و انا حياتي كلها كتب :)
ماما قارئة نهمة من وهي عنها 6 سنين وبابا بردو بيفضلوا يقولولي أقرأ كل شوبة لغاية ما بدأت أقرأ ,,, أول حاجة قرأتها كانت David Copperfield وكان اختيار موفق فعلا وبعدين حبيت بقي القراءة =D
بابا وانا فى اولى ابتدائى جابلى مجلة ماجد و بدأت الحكاية وهواية القراءة واقتناء الكتب
سلسلة روايات الرجل المستحيل هى اللى حببتنى فى القراءة خصوصا ان فى الفترة دى وانا فى المرحلة الابتدائية كانت وسائل الترفية مش كتير زى دلوقتى .. حتى على الرغم من ان فى هوايات تانية او حتى الدراسة نفسها شغلتنى لفترة كبيرة عن القراءة بس موخرا حسيت انى حابب ارجع اقرا تانى
والداي حبباني في القراءة العلميّة منذ صغري لما وجدا لديّ ميلاً للاستكشاف والاطّلاع وأخي كان دائماً في فترة طفولتي ما يأتي بمجلات مصورة بالإضافة إلى بعض الكتب الأخرى بالإضافة إلى امتلاء مكتبة والدي بالكثير من الكتب الدينية مثل رياض الصالحين وفتح الباري في شرح صحيح البخاري والبداية والنهاية والترغيب والترهيب والظلال لسيد قطب وكذا بعض الكتب التي تتناول قصص الأنبياء أو سيرة النبي - عليهم أفضل الصلاة.اتجهت مؤخراً، بعد انقطاع، إلى معاودة القراءة مع التركيز على القراءات الأدبية أو النقدية المعنية بالتراثين العربي والإسلامي
ماما كانت دايما بتقرالى وانا صغيرهوبتشجعنى على القراءه
وبابا سايب الكتب اللى كان بيقراها وهو ف سنى
من حبى انى اكون شبهه حبيت انى اقرا بردو
والدي رحمه الله علمني أن القراءه توسع المدارك وتثقف الإنسان وهي أفضل هوايه نقضي فيها وقت الفراغ بدأت أقرأ مجلات ميكي أول ماتعلمت القراءه
وأحببت الكتب وأتعلم شيئا جديدا من كل ما أقرأ
حاجة لا إرادية كانت بتخليني ادخل مكتبة المدرسة ف ابتدائي وكنت بتخانق لو ملقتش أمين المكتبة موجود ومقعد مكانه بنته اللي كانت مبترضاش تدخلنا :-\.. المكتبة كانت احسن مكان بقضي فيه وقتي. ف اعدادي بقي أمينة المكتبة كانت بتعمل جرد للكتب وكانت محتاجة مساعدة فعرضت عليها مساعدتي عشان اقدر اقرأ براحتي.. بس كنت بعمل كل ده من غير ما اعرف اني بحب القراية
معرفشلاقيت نفسي من وانا صغيره بحب القرايه
عالم تانى خالص
الكاتب بيديك كلمات اه ورواية اه
بس خيالى انا اللى بيرسمها وعمرى ما هشوفها احلى من خيالى
ودا عمرى ما هلقيه الا فـ القرايه
مممم .. من صغري كنت الاقي البيت دايما فيه مجلات علاء الدين و ماجد و ميكي و اللذى منه وكنت احب اكتشف الاشياء وكنت اقرأهم وحدى من اول ماتعلمت اقرأ و كان بابا دايما يقعد يحكيلنا عن مواقف من التاريخ او معلومات جعرافيه او شئ عن الاقتصاد او العلوم عموما .. بحكايات بسيطة يستدعيها اى موقف وسع مداركنا كتير ...
في وقت لاحق وقع ف ايدي كتاب الخالدون مئة من ترجمة انيس منصور .. وجدت فيه معلومات تشبه حكايات ابي الممتعة .. فربطت المتعة بالمعرفة و حب الاستكشاف و القراءة و ظللت اقرأه و اعيد قراءته فترة طويلة.. شيئا فشيئا بقيت اقرا لانيس منصور ثم احمد خالد نوفيق حتى ادمنت اساطير رفعت اسماعيل و روايات هاري بوتر ..و طبعا ع مر السنين الاهتمامات اختلفت.. م الاخر هي حاجه ف شخصيتي
هازرعها ف اولادي كما زرعها ابي في .. جزاه الله خير الجزاء :)
مش عارف بالتحديد...!بس ممكن علشان كنت دايما بحس بالملل وانا قاعد وسَط اصحابي ونادر لما كنت الاقي مرضوع يشدني بيتكلمو فيه..!
فلجأت لبعض الروايات في البدايه..!
كنت بلاقي عالم مختلف ..احسن كتيير من ملل الصحبه
الموضوع بدأ ب(بابا)اللي تقريباً ماكنتش باشوفه إلا وهو في إيده كتاب ،في الأول كنت باقعد اسمعه وهو بيقرأ وبعدين بدأت أمسك الكتب بنفسي وأعيش ...و من هنا كانت الانطلاقة
:)