تناقضات

[Mohanad]

برغم ان السيد احمد مراد رائع جدا فى كتاباته وفى تدرج الافكار وفى العرض المحترف الا انى مختلف معاه فى سوء اختيار الالفاظ الملائمه كأنه ولا مؤاخذه بيحكى قصه جنسيه قصيره بين الحين والاخر من الروايه وده بيثير غريزه بعض الشباب الا انه مش مفيد نهائى ولو اتشال من الروايه مش هينقص من اهميتها شىء ثانيا هو النهايه هل فعلا يجب علينا الصمت والهرب من الواقع من كل الاخطاء لازم نهرب !! اما طه يهرب بعيد وساره كمان تهجر الجريده وبكده .. يبقى كأن الحل الوحيد هو " ترك الحال على ما هو عليه " !!!

[Hager]

اصلا تراب الماس دي فيلم عررررررررربي -_-
نهايتها غاظتني اوووووي

[Zahor]

انا كمان معجبتنيش النهايه فعلا حسيتها فلم عربي قديم الفيل الأزرق اقوي

[Princess]

فعلا مش حلوه

[Renad]

طيب مبدئيا انا مش مع وجه النظر دي بس مثلها عشان هيا نسبيا بتجاوب عليك اولا ردا علي القصص الجنسي دي حقيقه جداً بس لحب أقولك ان احنا ك شريحه من القراء معجبتناش بس في ناس تانيه بتبقي شايفه الروايه ناقصه لو مفيهاش 'حبه تحابيش' ده غير انها بسم الله ما شاء الله بقت تقريبا ف كل الروايات ف انا شايفه انه الجزء ده مش بيعتمد بس علي الكاتب لا و كمان علي القراء سواء كانوا اللي بيستهواهم الموضوع ده او الpassive اللي مبيعترضوش او مبيعبروش عن رأيهم زي ما اتقال فوق ثانيا بقي علي موضوع النهايه انا شخصيا مش عجباني النهايه بس حاولت اجيبها يمين او شمال عشان أطلعهم زي الشعره من العجين و ملقتش ده غير انه لو كان ساب اي حاجه مفتوحة عشان ساعده القراء مكنش هيعجبهم برضك! ف هوه صحيح مش رهيب و ملوش حل بس ماشي قافلكوا القصه علي الأقل ولونه انا شايفه انه لو كان عصر علي نفسه لمونه أكيد كان هيطلع ب نهايه حلوه ب اقل الخساير بس و كان سد عيب من اكبر العيوب ف روايته بس واضن كده انه كان زهق ولا شركه النشر كانت بتزن علي دماغه عشان يخلص ف النهايه اتكروتت!

[DONIA]

الايحائات فيه كتيره جدا وده ممكن يخلى كتير من القراء ما يحبوش يقرائوها مكانش هيحصل حاجه لو قلة او تكون ميش موجوده خالص

[Eng.]

حتى لو الرواية ديه بالتحديد موش قوية لكن لازم نعترف انه مشروع اديب كبير

[د.]

اقل روايات أحمد مراد فى رأيى
الحبكة فيها عادية ومش قوية .. جريمة قتل عادية جداااااا

[Eng.]

فعلا هيه عادية بس انا بتكلم عن موهيته عموما من مجمل اعماله

[DONIA]

فعلا عندك حق هو كاتب عبقرى بيشد لروايه الى ممكن يخليك تخلصها فى يوميها وكل لما تقرها تانى تكتشف فيها حاجات مكنتش واخد بالك منها

[Mohanad]

ملمستش العبقريه ..
بس لمست انه كاتب كويس ..
جايز لاننا فقدنا احساس بالادب وجايز لانى قريت لناس كتير