اريد حلا :D

[Sarah]

انا من هواة القراءه فى التاريخ و السياسه و خصوصا الاقتصاد السياسى و لست من المهتمين بالروايات قرأت ثلاثية غرناطه و الاسود يليق بك فقط و لكن هذه الايام حيث تجد السياسه متاحه فى كل زاويه من زوايا يومك فى المواصلات مع الاصدقاء بين الاهل مللتها و مللت القراءه فى المؤامرات و غيره مما يصيبنى بالكأبه اتجهت الى التاريخ بشده و لكنه خذلنى فأغلب تاريخ امتنا أسود سواد العسل :D
اريد ممن يهتمون بالروايات و يجيدون اختيارها ترشيح روايات ذات طابع لطيف لا اريدها ملحميه كثلاثية غرناطه اريدها تأخذنى بعيدا عند قراءتها تشغلنى عن كل العك اللى انا بقراه :D
لا اريدها رومانسيه غارقه فى العاطفه لانى مش بحب النوع ده بصراحه و لكن اريدها روايه لطيفه اجتماعيه و اذا كانت رومانسيه فياااااريت تكون روايه متعقله بلاش نظام احمد و منى :D

[Ghada]

الفيل الأزرق تحفة.. و صندوق الدمى حلوة جدا

[Mohamed]

لو رواية فأنا شخصيًا بفضل الكتب الواقعية (كئيبة) بس حصلت في الواقع وطبعا عصام يوسف بروايتين ربع جرام و2 ضباط من الحاجات الحلوة أوي بس طويلة

ولو على حاجة واقعية بس كئيبة جدا فرواية القوقعة وأحداثها في سوريا بس مش مسئول عن كمية الألفاظ اللي فيها

لو روايات ومحصلتش في الواقع فأحمد مراد وشخصيًا بحب جدًا تراب الماس وبقية أعماله حلوة طبعا

[Fatma]

Sarah wrote: "انا من هواة القراءه فى التاريخ و السياسه و خصوصا الاقتصاد السياسى و لست من المهتمين بالروايات قرأت ثلاثية غرناطه و الاسود يليق بك فقط و لكن هذه الايام حيث تجد السياسه متاحه فى كل زاويه من زوايا يوم..."

عزازيل يوسف زيدان او البؤساء اواولاد حارتنا

[Eman]

شيفرة دافنشى لدان براون &ذهب مع الريح مارجريت ميشيل

[Heba]

مئة عام من العزلة , ان تكون عباس العبد .. تراب الماس , باسيكاليا , صانع الظلام و الليلة الثانية و العشرون :D

[أسماء]

ثلاثية احلام مستنغمانى (ذاكرة الجسد وفوضى الحواس وعابر سرير)

العمر لحظة ليوسف السباعة (اجتماعية وجميلة جدا )

روايات الفضيلة وماجدولين للمنفلوطى

رأيت رام الله لمريد البرغوثى

[Sarah]

ايه ده كله :) شكرا جدا على كل الروايات الحلوه دى هبدأ فيهم واحده واحده ان شاء الله
ثانك يو فيرى ماتش :)

[Samy]

إضافة من الروايات الأجنبية العالمية المترجمة
الخيميائى لباولو كويلو
للعبيد ضمير -والحرب والسلام لتولستوى
رسول القيصر-80 يوم حول العالم لجول فيرن
سنوحى المصرى لمايكا ولتارى"عجبتنى جدا"
لو رومانسية يبقى لدانييل ستيل زى "المعجزة" مثلا

[Esraa]

اقرا اي حاجه ليوسف السباعي - حتهدي اعصابك .. والطنطورية حلوه بس تاريخية
وقواعد العشق الاربعون بيقولو عليها تحفه بس لسه مقرتهاش

[Nm_badr]

قواعد العشق الاربعون ,تراب الماس ,سأكون كما اريد لحمدى عبد الرحيم ,نحن لا نزرع الشوك

[dina]

انا حرة يوسف ادريس ..تراب الماس ..الطنطورية