Egyptians Good Readers discussion

224 views

Comments Showing 1-25 of 25 (25 new)    post a comment »
dateDown arrow    newest »

message 1: by Omar (new)

Omar Ahmed | 13 comments ثلاثية غرناطة رضوى عاشور
سر المعبد للخرباوي
اللاهوت العربي ليوسف زيدان
ايه رايكم ؟؟


message 2: by Mohamed (new)

Mohamed Essam | 17 comments تعليقي بس على كتاب "سر المعبد" انك هتستفاد اكتر لو عارف عن شخصيات الاخوان القديمة لانه بيكلم عن ناس معظمنا مسمعش عنهم

حاولت اقرأ الكتاب بس عشان معرفش شخصيات كتير واسماءهم توهت في النص ومكملتش الكتاب ,, لكن أكيد مهم خاصة في وقت زي ده :)

بــالتــوفـيـق


message 3: by Sarah (new)

Sarah Chan | 34 comments الأولى بدأت فيها وأجلتها عشان كانت في الدراسة =)
سر المعبد كتاب ممتع جدا وغرضه الاساسي من وجهة نظري الشخصية ليس التشهير بالإخوان ولكن دراسة لنفسيتهم بأسلوب أدبي بعض الشيء قد تختلف مع بعض ما فيه لكن مؤكد به الكثير مما يستلفت النظر إليه =)
اللاهوت العربي كتاب ممتاز ودراسة تاريخية ليس لتفاصيل كل دين ومبادئه ولكن هي مناقشة لفكرة يقوم عليها الكتاب إن الأديان الرسولية ( السماوية ) هي في الأساس دين واحد تطور عبر الزمن .. ويتطرق إلى مواضيع أخرى مهمة ..الكتاب كالعادة فيه حاجات كتيرة ممكن تقف عندها وتفكر ..وفيه غيرها حتعترض عليه وتختلف معاه بس ممتاز جدا =)
بالتوفيق والكولكشن حلو جدا على فكرة =)


message 4: by Sarah (new)

Sarah (sarahadel) | 28 comments ثلاثية غرناطه هى اعظم روايه قرأتها فى حياتى
سر المعبد كتاب جميل جدا معلوماته كتير بيتكلم عن ناس كتير لو ماتعرفهومش و حاولت تفهم الكتاب كفكره عامه هيكون اسهل عليك الكاتب اسلوبه الأدبى رائع الكتاب فعلا مفيد جدا
اما اللاهوت العربى فانا ماقرأتوش قبل كده خالص :D
بالتوفيق


message 5: by Omar (new)

Omar Ahmed | 13 comments شكرا لكل الناس ع الردود والتعليقات اللي فادتني جداا
انا دلوقت وصلت لنص كتاب سر المعبد وعاجبني جدا بصراحه وشايف انه بيستعرض مشاكل وعيوب الاخوان باسلوب جيد ليس هدفه التجريح فقط

اما ثلاثية غرناطه فانا قريت فيها ٢٠ صفحه بس عشان اخد فكره انما واضح انها هتكون روايه رائعه انصحك يا محمد انت وساره تبدأوا فيها


message 6: by Omar (new)

Omar Ahmed | 13 comments شكرا يا ساره شجعتيني جدا اقرا اللاهوت العربي خصوصا ان يوسف زيدان كاتب وباحث رائع كمان
:)


message 7: by Ahmed (new)

Ahmed Elrahman | 4 comments Omar wrote: "ثلاثية غرناطة رضوى عاشور
سر المعبد للخرباوي
اللاهوت العربي ليوسف زيدان
ايه رايكم ؟؟"


ثلاثية غرناطة رائعة مبكيةتضرب لنا من خلالها رضوى عاشور المثل للمثقف العربى كما يجب أن يكون
سر المعبد تخاريف من الخرباوى وهو أقرب إلى الخيالات المريضة منه إلى الحقائق


message 8: by Marawan (new)

Marawan Awad | 3 comments مقرأتش ثلاثية غرناطة و لا سر المعبد ... و لكن قرأت اللاهوت العربي و ده الreview اللي كتبته عليه:
(أربع نجوم)
طيب هو كتاب جميل و مفيد ... بدأ الكاتب عرضه للكتاب بمقدمات كان شايف ان لا بد منها لعرض وجهة نظرة و انتها بنفس المقدمات ....

كان عايز من خلال الكتابإنه يأصل مصطلح محدثه (مصطلح اللاهوت العربي) و إنه يأصل ما بين الديانات الثلاثة اليهودية و المسيحية و الإسلام كديانات تختلف عن غيرها في انها ذات مصدر واحد و ان ما هي إلا تجليات لهذا المصدر ....

الجميل و المفيد في الكتاب انه عرض بشكل لطيف المراحل التاريخية و النصوصية و أحيانا الفكرية اللي مرت بيها الديانات خاصة المسيحية و الإسلام ...
ده الجزء اللي كان مفيد بالنسبالي

أما بالنسبة للفكرة فأنا مش موافقه عليه لعدد من الأوجه ....
وقع في نفس خطئ عباس محمود العقاد في كتاب الله .... و هو إن الديانات مرت بتطور تراكمي بينها و بين بعض ... و مع تحاشي فكرة أن الأديان تم تحريفها من أهلها مع تعاقب الازمان ... حرفا و معنى




و أظن أن السبب في ده هو إن الكتاب كتب بعد نجاح رواية عزازيل لنفس الكاتب .... و اللي كان عند بعض المسيحيين تحفظات عليها .... و أعتقد إنالدكتور يوسف زيدان كان بيحاول يدي صورة حيادية أو يظهر حياديته كنوع من استعطاف الجمهور منهم ... و تبرير لفكرة الرواية التي تكلمت عن حقبة شائكة في التاريخ المسيحي


أنا لا أنكر التأثير في التحريف الحرفي و التأويلي للدين بناء على تأثير المجتمع و السياسة و التاريخ .... ولكنه ادعى أن الدين نفسه تأثر زي مثلا مسائل علم الكلام في الإسلام .... ولكن غفل عن توضيح أن علم الكلام أصلا ليس أصل في الدين إنما هو نتاج فكر بشري... مصدره ليس الكتاب و السنة إنما مصدره المنطق العقلي لتناول مسائل الإلاهيات خاصة الوجودية .... فنسبتها إلى الدين هي نسبة غاية و ليست نسبة مصدر...


بدأ الكتاب بتناول قضية إن الأديان الثلاثة لا يجوز تسميتها بالسماوية ... لأسباب معينة ...
و بدأ بتسميتها بالديانات الرسالية ...
أنا معه تماما بأن تسمية الأديان السماوية تسمية محدثة خاطئة لأسبابه و أسباب أخرى
ولكن التسمية البديلة التي وضعها ليست صحيحة ... حيث أن هناك أديان أخرى تدعي وجود رسول لها خارج هذه الديانات الثلاثة ... كما أنه رفض إدخال البهائية في الديانات الرسالية مع أن البهائية تؤمن بالديانات الثلاث و تدعي أنها جاءت برسول أيضا .... و بدون إبداء أسباب واضحة .... و هذا ماأكد لدي أنه كتب الكتاب لغرض معين و الشكل الحيادي الذي مثله كان لغرض معين ....

و ختم بعلاقة الدين بالسياسة بالعنف ... وكان رأيه فيه لي تحفظات عليها و أجزاء حسنة ...

ولكن بشكل عام الكتاب حسن ....

لا أنصحه بع لغير المتخصصين ...

أنصح به لدراس علم العقيدة و علم الكلام و اللاهوت و مقارنة الأديان و الفلسفة و التصوف و تاريخ الفكر


message 9: by منـار (new)

منـار عبدالمولى (manarmabdelmawla) ثلاثية غرناطة رائعة جدا


message 10: by Omar (new)

Omar Ahmed | 13 comments والله يا اخ احمد بالنسبه لكتاب سر المعبد انا وصلت لحد الان لاكتر من نصه وشايف انه كتاب كويس وبيعرض مشاكل الاخوان اللي طالما تسببوا فيها ف المجتمع
وعموما انت بحترم رايك جدا بس يا ريت يكون رايك معاه دليل من كتاب او مقالات بيكدب الخرباوي


message 11: by Omar (new)

Omar Ahmed | 13 comments اخ مروان ما شاءالله عليك شكلك متعمق ربنا يوفقك الي الخير
انا مستني بس اقرا الكتاب واديك رأيي لان شكله كتاب جدلي ومحتاج تركيز


message 12: by Omar (new)

Omar Ahmed | 13 comments طب والطنطوريه يا منار ؟؟


message 13: by منـار (new)

منـار عبدالمولى (manarmabdelmawla) الطنطورية جميلة جدًا .. أسلوب رضوى عاشور فى صياغه قضيه فلسطين ومشكله اللاجئين و معيشة الفلسطنين فى البلاد المختلفة ... لا فعلا تستحق القراءة ..


message 14: by Omar (new)

Omar Ahmed | 13 comments ان شاء الله هبقى اقراها يا منار بحب الروايات اللي بتناقش مواضيع حيويه زي كده
شكرا ع الرد :)


message 15: by Gehad (new)

Gehad | 23 comments Omar wrote: "طب والطنطوريه يا منار ؟؟"

الطنطورية جميل والاحلى منه كمان ثلالثية غرناطة بجد عالم تاني خالص


message 16: by Omar (new)

Omar Ahmed | 13 comments انا بقرا في غرناطه دلوقت في الصفحه ٢٠٠ بس روايه رائعه عالم تاني فعلا


message 17: by Mona (new)

Mona Hussien | 4 comments كتاب رائع جداا و يستحق القراءة ..بيتكلم عن قصه الاندلس وبالتحديد عن ثلاث مدن اللى الرواية او معظم الاحداث فيها وهى غرناطه ودى الاساس فى القصة.
القصة بتبدا حين دخول الاسبان الى غرناطه ثم تتوالى الاحداث وهنا تبدا القصة و الماساة التى تمر بها الشخصيات على مدار ال ١٥٠ او ٢٠٠ سنه و الافعال الغريبه و الاحكام الاغراب التى يتم تطبيقها على اهالى غرناطة المسلمين والتى يتم من خلالها تجرديهم من كل شئ يميز دينهم و اسلامهم و عروبتهم ولكن مع كل هذا الالم و الماساة التى يمروا بها الا انهم لم يفقدوا الامل ودائما ما ينتظروا النصر القريب و الذى طالما انتظرته معهم ولكنه لم ياتى .
انها حقاا رواية اكثر من رائعة


message 18: by Omar (new)

Omar Ahmed | 13 comments روايه تستاهل ٧ نجوم
تاريخ ودراما واحداث تهز وتحرك المشاعر كأنك تعيش مع البلد وفي قلب الاحداث


message 19: by Omar (new)

Omar Ahmed | 13 comments الامل هيجي منين يا منى ازا كان الاندلس سقطت فعلا في يد الاسبان ؟؟
ده روايه تاريخيه مش خياليه


message 20: by Mona (new)

Mona Hussien | 4 comments احيانا نامل ان تتغير هذه الحقيقه و نتمنى ان تنتهى هذه الاحداث المؤلمة بنهايه تحلم بها حتى وان كونا نعرف النهايه .
هى مجرد امنيه اردت ان تتحقق فى خيالى ، لا مانع بان نحلم نحلم بنهايه اردنا جميعا ان تتحقق.


message 21: by Ahmed (new)

Ahmed Elrahman | 4 comments Omar wrote: "روايه تستاهل ٧ نجوم
تاريخ ودراما واحداث تهز وتحرك المشاعر كأنك تعيش مع البلد وفي قلب الاحداث"


وأنا أقرأ هذه الرواية شعرت بشعور غريب..شعور من شاهد مباراة خسر فيها فريقه المفضل وهو يشاهد المباراة مسجلة ويتمنى أن تتغير النتيجة عما علمه من قبل لكنها لا ولن تتغير..
أمر اّخر..على الرغم من أن رضوى عاشور ليست من التيار الإسلامى السياسى -بالمفهوم الضيق المظهرى- لكنها تضرب المثل للمثقف العربى والمسلم كيف يجب أن يكون وليس كمثقفى اليوم ممن غرقوا فى خدمة الفساد والاستبداد السياسى والانبهار بالغرب الذى يصل لدرجة العمالة فى كثير من الأحيان..تجلى لى هذا عندما أراد بعض الشباب إحياء ذكرى سقوط الأندلس ورأيت بعض من يطلق عليهم "مثقفين" يسخرون من هذه الفكرة وكنت للتو أنهيت قراءتى لهذه الرواية الرائعة فأدركت الفرق بين المثقف و دعى الثقافة


message 22: by Ahmed (new)

Ahmed Elrahman | 4 comments Omar wrote: "والله يا اخ احمد بالنسبه لكتاب سر المعبد انا وصلت لحد الان لاكتر من نصه وشايف انه كتاب كويس وبيعرض مشاكل الاخوان اللي طالما تسببوا فيها ف المجتمع
وعموما انت بحترم رايك جدا بس يا ريت يكون رايك معاه ..."


أنا شاكر ليك جدا أدبك الجم فى الرد والذى يعكس مستوى عاليا من الأخلاق يرفع ثقافتك إلى مستوى لا تتعالى فيه على الغير..أحييك حقيقة على هذا..
أما عن رأيى فى كتاب "سر المعبد" فرأيى فيه مطعون فيه لأمرين أولهما ارتباطى بالإخوان والثانى هو عدم قراءتى للكتاب واعتمادى على الثقات-من المثقفين الذين لا ينتمون للإخوان- فى رأيهم
سبب عدم قراءتى للكتاب هو أنه من موتور خادم للاستبداد وفى رأيى لا تزيد قيمة كتابه عن كتاب مكرم عبيد الأسود عن النحاس باشا عليه رحمة الله..
مرة أخرى أحيي أخلاقك العالية فى الرد على مخالفك وشكرا


message 23: by Ahmed (new)

Ahmed Emad | 31 comments بقرأ حالياً كتاب مالوش اسم لأحمد العسيلى


back to top