شكر لكل الناس اللى قرت وحطت ريفيو

[Amr]

بشكر كل الناس الجميلة اللى حطت ريفيو على الرواية
رغم خروج بعض التعليقات عن الحياد وربط شخص الكاتب بعمله بعيدا عن تناول النقد الحقيقى للرواية .. يعنى لقيت ناس بتقول إنها رواية مش كويسة لمجرد إنها رواية مش كويسة .. وده شىء هرميه فى أقرب سلة زبالة لأنه رايه مبنى على آراء أخرى أو لشىء جواه .. النقد إنك تفيدنى .. لأنى والقارىء منظومة لا يمكن أن تعمل وفقًا لهذا المنهج الغريب ..

مش بزعل من أى نقد مهما كان لاذع لكن يكون بناء وليه قيمة على الأقل تنقل أو تعكس ثقافة صاحبه
غير كده بعتبرها كلها آراء مهمشة لا تعبر عن الرواية بالمرة
فكرة تشبيه الرواية بأى عمل آخر .. أو أى شىء آخر أيا كان دى إهانة شخصية ليا .. أو فكرك المحدود صورلك كده .. عيد قراءة تانى بحياد ولو مش عجباك قولى 1 - 2 - 3 مش عاجبنى لكن كن على الأقل عادل بينك وبين نفسك ..

بالنسبة للناس الجميلة اللى حطت رفيوهات وصلت لنجمة مع توضيح الأسباب .. كل الشكر ليهم .. حقيقى لأنهم وضوحولى بعض النقاط اللى أكيد غفلت عنها .. لن ألصق فكرة الإلهوية بأى رواية أو الكمال كما يفعل البعض والبحث عن كل المبررات للكاتب ..

للأسف بعض القراء أصابونى بنوع من التبلد وأخدت فكرة مش كويسة عن بعض القراء المصابين بالعمى أو الأرف الفكرى وسورى لكلمة الأرف .. ربنا يهدينا جميعا

وفى النهاية أتمنى أقدم شىء مختلف فى روايتى الجديدة التى ستصدر قريبا مع الدار المصرية اللبنانية

لكم تحياتى واحترامى ..

[Heba]

استمتعت جدا ياعمرو بالرواية وفي انتظار الروايه الجديدة انت كاتب متميز وانا سعيدة اني قريتلك كمان المبدع احمد مراد اضاف كتير بالغلاف المتميز دعواتي ليك بالتوفيق

[Mohab]

انا مش قادر افهم الأساتذة اللي بيقولوا الرواية مش كويسة بناءا علي إيه ؟؟
اولا الرواية مش مجرد رواية جريمة الرواية تطرقت لجوانب اجتماعية مختلفة وكل شخصية كانت مرسومة بدقة و باعتناء شديد
للأسف الشديد في ناس مش فاهمة يعني إيه نقد ... مش فاهمة ان حتي لو في نقطة مش عاجباك لازم تناقش بحيادية و بتوضيح إيه اللي ما حسيتوش في الرواية او إيه اللي ما عجبكش
عن نفسي رواية ٩ملي من اجمل الروايات اللي قريتها في ٢٠١٢ لما بها من واقعية و تشويق واسلوب كتابي مبهر مع احترامي لكل الاراء الأخري (البناءة) فقط

[Fatma]

اكتر حاجة شدتني اني اشتري الكتاب دة اصلا هوة الاسم الفريب و الغلاف المبتكر..... بس لما قراتها لقيتها فعلا حلوة جدا وتنفع تبقي فيلم اكتر من رائع بس كان بيعبها حاجة وا حدة بس ....... انها متوقعة شوية يعني كنت عارفة ايه اللي هيحصل من قبل ما يحصل .....فاتمني اشوف في رواياتك القادمة -ان شاءاللّة -غموض اكتر

[ياسر]

* وده شىء هرميه فى أقرب سلة زبالة
* فكرة تشبيه الرواية بأى عمل آخر أو أى شىء آخر أيا كان دى إهانة شخصية ليا أو فكرك المحدود صورلك كده
* للأسف بعض القراء أصابونى بنوع من التبلد وأخدت فكرة مش كويسة عن بعض القراء المصابين بالعمى أو الأرف الفكرى وسورى لكلمة الأرف

جمل تعبر عن مستوى فكر وأدب مدعي الفكر والأدب، ناهيك عن الأخطاء الإملائية واللفظية، فليس هذا مستغرباً على كاتب ((تجشأ الحزن وتجشأ البكاء)) !!!