Egyptians Good Readers discussion
استفسارات واقتراحات القراء
>
قراءه كتابين في وقت واحد
date
newest »
newest »
مش فيها اى مشكلة انا بقرا حاليا في 4 كتب
كتير بعمل كده لما الاقي كتاب تقيل ومش بخلصه بسرعة فباخد واحد معاه تاني ..واحيانا بقرا في البيت البي دي اف والورقي اخليه في خروجاتي ..نصيحتي الشخصية لو لسة مبتدأة في القراءة بلاش تقري كتابين في نفس الوقت كنت بعمل كده ولا اخلص ده ولا ده واقعد اقرا في كل كتاب شوية والنتيجة إحساس عام بعدم الإنجاز ومهام غير مكتملة ربما كانت بتقفلني لمدة كبيرة أرجع أقرأ الكتاب الي سبته ويمكن أسيبه للابد =) !
انا رائى لو انتِِ مبتدئة فى القراءة اختارى كتاب تكونى بتحبى نوعه اوى يعنى مثلا لو بتحبى القصص اختارى رواية وهكذا وركزى فيه حتخلصيه بسرعة ودا حيشجعك تقرأى اكتر
انا بقرأ كتابين مع بعض بس المهم يكونوا الاتنين شدنى
لو كتاب كبير و محتاج تركيز ممكن أقرا معاه رواية ,.
لو بتقري كتاب كبير ومحتاج تركيز أو ممل يبقى ينفع تقري رواية أو كتاب تاني محبب ليكي
انا بقرا حالياً 4
انا بقرا حالياً 4
احيانا بعمل كدا واحيانا لا الكتاب اللى في ايدي هو اللى بيجبرنى انى اركز فيه هو وبس او اكسر الملل بكتاب تانى
الكتاب الطويل حتى لو كان ممتع بيحتاج جنبه كام كتاب صغير لحد ما يخلص ، او كتاب تاني طويل
انا لما اكون مستعيرة واحدة ممكن اقرا التانى pdf ولا مشكلة
حسب الكتاب لو طويل الواحد ساعات بيمل ف بيقرأ كتاب تانى معاه
ممكن طبعا تقرأي كتابين او اكتر في نفس الوقت وخصوصا لو الكتاب طويل .. انا علي طول بعمل كده
و الله على حسب انا مابفضلش مثلا جمع روايتين مع بعض انما لو كتاب عادى فانا بقرا 3 دلوأتى و كل واحد ليه موضوع محتلف بس بالنسبه لكونك مبتدأه قراءة اكتر من كتاب فى نفس الوقت بتكون ابطأ من انك تخلصى كتاب كتاب ده بيديكى حافز انما لو بدأتى بأكتر من واحد مع بعض ناهيكى عن كونك ممكم تتوهى انما كمان هتملى و مش هتحسى بانجاز
أنا بعملها كتير بس يكون الكتابين مختلفين عن بعضيعنى مثلاً ابقى بقرأ رواية كبيرة شوية ومعاها كتاب مقالات بسيطة أو شعر
وقتها هتعرفي تسمتعي وأنتي بتقرأي مثلاً رواية تكون 500 صفحة أو أكتر ومش هتزهقي منها :)
أنا أما بعمل كده بوصل لحاجة من 2 يا مخلصش الكتابين أو أسيب واحد فيهم...فرآي لا صعب جحدا
ينفع بس تبقي نوع الكتب اللي هتقرايها مختلف يعني مثلا تاخدي روايه مع كتاب سياسي او طبي عشان ميبقاش في ملل
عادي على فكرة انا كتير بعمل كدة لاكتر من سببانا بحب اعيش الكتاب بكل لحظاته و احاسيس
فصعب جدا اقرا رواية في المواصلات و لا انا في حالة انتظار في بنك او غيره لازم يكون ليها وقت معين و حالة معينة غير كدة لازم يبقى في كتاب تاني للاوقات دي
غي كدة اوقات بكون اقرا كتاب تاريخي او مهاري و الاقيني محتاجة اركز فيه عشان افهم و احتفظ بمعلوماته يبقى لازم يكون في كتاب تاني خفيف للقراية بتاعة قبل النوم او في اي وقت احس موودي فيه مش مايل للتركيز و تجميع معلومات
فمتقيديش نفسك بفكرة كتاب واحد ولا اتنين و لا حتى 5
كل كتاب ليه وقته و ليه حالته و ليه مووده و صدقيني كدة هتلاقي نفسك دايما في حاجة تقريها و دايما مشتاقة للقراية
ده اكتر من كدة كمان في كتب معين بتبقى لحالتي النفسية السيئة بتتفتح بس و انا مضايقة و اوصل فيها لحد ممعين لحد مبقى كويسة و مرتاحة اني اقرا في كتب تانية و ارجع اكملها لما حالتي تبقى مكتئبة تاني
خليكي بالمرونة دي يعني
بس زي مقالتلك سارة و اسماء ملوش معنى بقا انك تفتحي كتابين تاريخ في نفس الوقت او روايتين في نفس الوقت او كتابين تنمية بشرية او مهارات في نفس الوقت مش هتستفيدي حاجة و هتتشتتي بين الاتنين
فانا بضم صوتي لصوتهم اختلاف نوع الكتاب مهم جدا لان الغرض الاساسي وجود كتاب او شيء تقريه في كل وقت و في كل حالة و ده ممكن ميوفروش كتاب واحد ..
و نصيحة مني للكللل ... كتاب بي دي اف عالموبايل اسااااسي
عشان انقطاع النور او في مكان صعب تتطلع في كتاب و تقرا او في مواصلات زحمة او ضلمة
البي دي اف عالموبايل فعلا رااائع
انا اوقات ابقى مع اصحابي والاقي الحوار دخل في موضوع مش عاجبني او مليش فيه ببدأ اقرا عالموبايل و هم بيبقوا فاكرين اني بشوف حاجة بس و بعدين برجعلهم ذهنيا لما الموضوع يعجبني
تخيلوا لو طلعت كتاب بقا هبقى بعزل نفسي عنهم تماما و طبعا هيضايقوا
عشان كدة القراية عندي ادماااان و متعة
هذا يحدث دائما عندما تكون عندك كتب جديدة وجميلة اشتريتها وتريد الانتهاء منها, المشكلة انك تتعجل الانتهاء من الكتاب وقلب الصفحة اكثر من اهتمامك بتشرب الكتاب والاستمتاع بالاسلوب والقصة
لو كتاب علمي أو سياسي محتاج تركيز يبفي عادي لو معاه رواية خفيفة
ايوه عادي جدااااا طبعا هتمسكي كل كتاب ف ايد وربنا يعينك بقى بس لو جالك حول انا ماليش دعوه
انا ديما بقرا 3 مع بعض بس كل واحد مختلف عن التانى يعنى ديما بقرا رواية و كتاب عن التنمية البشرية و كتاب عن حاجة فى شغلى
I'm reading two books now and both of them are hard copy not PDF bs el afdal tkon el categories mo5talefa
حاليا اقرأ اكثر من كتاب لكن كل منهما مختلف عن الأخر حتى لااشعر بالملل لأن حاليا الكتب التي اقراها فيها القليل من التطويل والمط..حاليا اقرا الأمير وتويا وانا عشقت
امامك قراءة كتابين لو حاسس ان كتاب فيهم طويل او ممل ومحتاج تخلصه فتستعين بالكتاب الثاني ليسهل لك قراءة الأول وحتي لا تمل من القراءة وأحيانا الكتاب الثاني دائما ما يكون من الكتب الساخرة التي تمتع النفس وتعتبر راحة للقارئ من ممل الكتاب الأول او كتاب من كتبك المفضلة.
انا عن نفسى شايفه ان لو حد مبتدئ ف القرايه وكدا مينفعش لان لسه عقله ف مرحله التاهيل للقرايه خصوصا انك لسه مش متعوده وكدا لكن لو مثلا مختاره كتاب للشعر وكتاب تانى روايه كبيره
هتلاقى الموضوع ممتع ولطيف
لكن كل واحد وعلى حسب قدرته على التركيز وانو يطلع ب اكبر استفاده من الكتب دى
بس انا عن نفسى اخرى كتابين بس وف الاخر باخر واحد عشان اخلص واحد
واحد بيبقى pdf
والتانى بيبقى كتاب عادى بقراه ف المواصلات :)