Egyptians Good Readers discussion

505 views
استفسارات واقتراحات القراء > قراءه كتابين في وقت واحد

Comments Showing 1-27 of 27 (27 new)    post a comment »
dateDown arrow    newest »

message 1: by Mohammed (new)

Mohammed Ali El Menady (aboalimenady) | 12 comments انا بعملها ساعات
واحد بيبقى pdf
والتانى بيبقى كتاب عادى بقراه ف المواصلات :)


message 2: by Alaa (new)

Alaa Ezzeldin | 13 comments مش فيها اى مشكلة انا بقرا حاليا في 4 كتب


message 3: by Sarah (new)

Sarah Chan | 34 comments كتير بعمل كده لما الاقي كتاب تقيل ومش بخلصه بسرعة فباخد واحد معاه تاني ..واحيانا بقرا في البيت البي دي اف والورقي اخليه في خروجاتي ..

نصيحتي الشخصية لو لسة مبتدأة في القراءة بلاش تقري كتابين في نفس الوقت كنت بعمل كده ولا اخلص ده ولا ده واقعد اقرا في كل كتاب شوية والنتيجة إحساس عام بعدم الإنجاز ومهام غير مكتملة ربما كانت بتقفلني لمدة كبيرة أرجع أقرأ الكتاب الي سبته ويمكن أسيبه للابد =) !


message 4: by Light (last edited Mar 20, 2013 02:28PM) (new)

Light | 10 comments انا رائى لو انتِِ مبتدئة فى القراءة
اختارى كتاب تكونى بتحبى نوعه اوى يعنى مثلا لو بتحبى القصص اختارى رواية وهكذا وركزى فيه حتخلصيه بسرعة ودا حيشجعك تقرأى اكتر
انا بقرأ كتابين مع بعض بس المهم يكونوا الاتنين شدنى


message 5: by Mohamed (new)

Mohamed Fares | 11 comments لو كتاب كبير و محتاج تركيز ممكن أقرا معاه رواية ,.


message 6: by Salma (new)

Salma (sally-7) | 3 comments اه عادى أنا بعمل كده عشان أكسر الملل


message 7: by [deleted user] (new)

لو بتقري كتاب كبير ومحتاج تركيز أو ممل يبقى ينفع تقري رواية أو كتاب تاني محبب ليكي
انا بقرا حالياً 4


message 8: by Mohammad (new)

Mohammad Ali Takashi (takashi) | 11 comments احيانا بعمل كدا واحيانا لا
الكتاب اللى في ايدي هو اللى بيجبرنى انى اركز فيه هو وبس او اكسر الملل بكتاب تانى


message 9: by Salah (new)

Salah (darkscar) | 23 comments الكتاب الطويل حتى لو كان ممتع بيحتاج جنبه كام كتاب صغير لحد ما يخلص ، او كتاب تاني طويل


message 10: by [deleted user] (new)

انا لما اكون مستعيرة واحدة ممكن اقرا التانى pdf ولا مشكلة


message 11: by Sara (new)

Sara | 1 comments حسب الكتاب لو طويل الواحد ساعات بيمل ف بيقرأ كتاب تانى معاه


message 12: by Shimaa (new)

Shimaa | 33 comments ممكن طبعا تقرأي كتابين او اكتر في نفس الوقت وخصوصا لو الكتاب طويل .. انا علي طول بعمل كده


message 13: by Sarah (new)

Sarah (sarahadel) | 28 comments و الله على حسب انا مابفضلش مثلا جمع روايتين مع بعض انما لو كتاب عادى فانا بقرا 3 دلوأتى و كل واحد ليه موضوع محتلف بس بالنسبه لكونك مبتدأه قراءة اكتر من كتاب فى نفس الوقت بتكون ابطأ من انك تخلصى كتاب كتاب ده بيديكى حافز انما لو بدأتى بأكتر من واحد مع بعض ناهيكى عن كونك ممكم تتوهى انما كمان هتملى و مش هتحسى بانجاز


message 14: by Sara (new)

Sara Ali | 21 comments أنا بعملها كتير بس يكون الكتابين مختلفين عن بعض
يعنى مثلاً ابقى بقرأ رواية كبيرة شوية ومعاها كتاب مقالات بسيطة أو شعر
وقتها هتعرفي تسمتعي وأنتي بتقرأي مثلاً رواية تكون 500 صفحة أو أكتر ومش هتزهقي منها :)


message 15: by Panseih (new)

Panseih Gharib | 4 comments أنا أما بعمل كده بوصل لحاجة من 2 يا مخلصش الكتابين أو أسيب واحد فيهم...فرآي لا صعب جحدا 


message 16: by Asmaa (new)

Asmaa Atef | 4 comments ينفع بس تبقي نوع الكتب اللي هتقرايها مختلف يعني مثلا تاخدي روايه مع كتاب سياسي او طبي عشان ميبقاش في ملل


message 17: by Mayada (last edited Jun 20, 2013 03:13AM) (new)

Mayada Aref | 19 comments عادي على فكرة انا كتير بعمل كدة لاكتر من سبب
انا بحب اعيش الكتاب بكل لحظاته و احاسيس
فصعب جدا اقرا رواية في المواصلات و لا انا في حالة انتظار في بنك او غيره لازم يكون ليها وقت معين و حالة معينة غير كدة لازم يبقى في كتاب تاني للاوقات دي

غي كدة اوقات بكون اقرا كتاب تاريخي او مهاري و الاقيني محتاجة اركز فيه عشان افهم و احتفظ بمعلوماته يبقى لازم يكون في كتاب تاني خفيف للقراية بتاعة قبل النوم او في اي وقت احس موودي فيه مش مايل للتركيز و تجميع معلومات

فمتقيديش نفسك بفكرة كتاب واحد ولا اتنين و لا حتى 5
كل كتاب ليه وقته و ليه حالته و ليه مووده و صدقيني كدة هتلاقي نفسك دايما في حاجة تقريها و دايما مشتاقة للقراية
ده اكتر من كدة كمان في كتب معين بتبقى لحالتي النفسية السيئة بتتفتح بس و انا مضايقة و اوصل فيها لحد ممعين لحد مبقى كويسة و مرتاحة اني اقرا في كتب تانية و ارجع اكملها لما حالتي تبقى مكتئبة تاني

خليكي بالمرونة دي يعني
بس زي مقالتلك سارة و اسماء ملوش معنى بقا انك تفتحي كتابين تاريخ في نفس الوقت او روايتين في نفس الوقت او كتابين تنمية بشرية او مهارات في نفس الوقت مش هتستفيدي حاجة و هتتشتتي بين الاتنين
فانا بضم صوتي لصوتهم اختلاف نوع الكتاب مهم جدا لان الغرض الاساسي وجود كتاب او شيء تقريه في كل وقت و في كل حالة و ده ممكن ميوفروش كتاب واحد ..
و نصيحة مني للكللل ... كتاب بي دي اف عالموبايل اسااااسي
عشان انقطاع النور او في مكان صعب تتطلع في كتاب و تقرا او في مواصلات زحمة او ضلمة
البي دي اف عالموبايل فعلا رااائع
انا اوقات ابقى مع اصحابي والاقي الحوار دخل في موضوع مش عاجبني او مليش فيه ببدأ اقرا عالموبايل و هم بيبقوا فاكرين اني بشوف حاجة بس و بعدين برجعلهم ذهنيا لما الموضوع يعجبني
تخيلوا لو طلعت كتاب بقا هبقى بعزل نفسي عنهم تماما و طبعا هيضايقوا
عشان كدة القراية عندي ادماااان و متعة


message 18: by Mahmoud (new)

Mahmoud Galal | 5 comments هذا يحدث دائما عندما تكون عندك كتب جديدة وجميلة اشتريتها وتريد الانتهاء منها, المشكلة انك تتعجل الانتهاء من الكتاب وقلب الصفحة اكثر من اهتمامك بتشرب الكتاب والاستمتاع بالاسلوب والقصة


message 19: by Neveen (new)

Neveen Elmasry | 33 comments اها طبعا عادي جدا


message 20: by Ahmed (new)

Ahmed Mokhtar (ahmedmokhtar) | 6 comments لو كتاب علمي أو سياسي محتاج تركيز يبفي عادي لو معاه رواية خفيفة


message 21: by Omar (new)

Omar Ahmed | 13 comments ايوه عادي جدااااا طبعا هتمسكي كل كتاب ف ايد وربنا يعينك بقى بس لو جالك حول انا ماليش دعوه


message 22: by Hamed (new)

Hamed El Waseif | 2 comments دا المتعة انك تقرأ كتابين مع بعض :)


message 23: by Mahmoud (new)

Mahmoud Adel | 5 comments انا ديما بقرا 3 مع بعض بس كل واحد مختلف عن التانى
يعنى ديما بقرا رواية و كتاب عن التنمية البشرية و كتاب عن حاجة فى شغلى


message 24: by Haidy (new)

Haidy Mohamed | 4 comments I'm reading two books now and both of them are hard copy not PDF bs el afdal tkon el categories mo5talefa


message 25: by Soha (new)

Soha | 2 comments حاليا اقرأ اكثر من كتاب لكن كل منهما مختلف عن الأخر حتى لااشعر بالملل لأن حاليا الكتب التي اقراها فيها القليل من التطويل والمط..حاليا اقرا الأمير وتويا وانا عشقت


message 26: by أســامة (new)

أســامة أحمد معوض (ousamaa7mad) | 26 comments امامك قراءة كتابين لو حاسس ان كتاب فيهم طويل او ممل ومحتاج تخلصه فتستعين بالكتاب الثاني ليسهل لك قراءة الأول وحتي لا تمل من القراءة وأحيانا الكتاب الثاني دائما ما يكون من الكتب الساخرة التي تمتع النفس وتعتبر راحة للقارئ من ممل الكتاب الأول او كتاب من كتبك المفضلة.


message 27: by Amany (new)

Amany Mojahed | 2 comments انا عن نفسى شايفه ان لو حد مبتدئ ف القرايه وكدا مينفعش لان لسه عقله ف مرحله التاهيل للقرايه خصوصا انك لسه مش متعوده وكدا
لكن لو مثلا مختاره كتاب للشعر وكتاب تانى روايه كبيره
هتلاقى الموضوع ممتع ولطيف
لكن كل واحد وعلى حسب قدرته على التركيز وانو يطلع ب اكبر استفاده من الكتب دى
بس انا عن نفسى اخرى كتابين بس وف الاخر باخر واحد عشان اخلص واحد


back to top