Egyptians Good Readers discussion
مجتمع الجود ريدرز
>
مناقشة مفتوحة: مين الكاتب اللي شجعك تقرأ باقي أعماله ومين الكاتب اللي عمل العكس؟
مش عارفة انا حاسة انى قفلت من احمد العايدى بتاع ان تكون عباس العيدالى اتحمستلهم بقى كتير و خصوصا احمد مراد و عز الدين شكرى فشير
Reham wrote: "مش عارفة انا حاسة انى قفلت من احمد العايدى بتاع ان تكون عباس العيدالى اتحمستلهم بقى كتير و خصوصا احمد مراد و عز الدين شكرى فشير"
أيوة أحمد مراد برضة من الناس اللي تحمست لهم بشدة قرأت تراب الماس قبل فيرتيجو وبعدين حجزت الفيل الأزرق قبل ما تنزل في الأسواق ورأيي انه يزداد نضجا وتألقا مع كل رواية جديدة (:
wait a minuet!ظل الأفعى كبوة تحت أي معيار؟ النبطي إيقاعها بطيء ومش كل الناس ممكن تفهم رسالتها لكن ظل الأفعى؟!
Salah wrote: "wait a minuet!ظل الأفعى كبوة تحت أي معيار؟ النبطي إيقاعها بطيء ومش كل الناس ممكن تفهم رسالتها لكن ظل الأفعى؟!"
حسيتها سخيفة جدا واقرب لتحليل أكاديمي منها لرواية علشان كده لم تعجبني بأي حال من الأحوال
حبكة الرواية ضائعة تماما فيها واظن انه كتبها بعقلية الباحث لا بعقلية الروائي
قارن بينها وبين عزازيل في الأسلوب وتناول الموضوع هتفهم ما اقصده.
الكتاب اللي قفلوني منهم:توفيق الحكيم: الورطة.
رواية ساذجة إلى حد كبير
فرج فودة: الحقيقة الغائبة
لأي حد علماني بالفعل لا يمثل أي إضافة. حسيت انه مناظر اكتر منه كاتب
أجاثا كريستي: جريمة في الفضاء.
كبرت على الكلام دة
مصطفى محمود: رحلتي من الشك للإيمان
لا تعليق
يوسف السباعي: قصص قصيرة
اسلوبه كوميدي وطريف وبس. مفيش إضافة
جوش ماكدويل: الشاهد
رواية تبشيرية مع محاولة فاشلة لتقليد دان براون
ليو تولستوي: آنا كارنينا
لا أهوى القصص الاجتماعية
كتاب اتمنى احصل على أعمالهم الكاملة: يوسف زيدان (عزازيل)، دان براون (شيفرة دافنشي)، سيغموند فرويد (الموجز في التحليل النفسي)، كارل ساغان (الكون)، فردريك إنجلز (أصل العائلة والدولة والملكية الخاصة)، نجيب سرور (ال**ميات) مراد وهبة (ملاك الحقيقة المطلقة) حازم الببلاوي (دليل الرل العاد في تاريخ الفكر الإقتصادي)
يوسف زيدان في عزازيل خلاني اقرا ظل الافعي اللي خلتني مش ناوي اقراله تاني رضوي عاشور في ثلاثية غرناطة طبعا تخليك لازم تقرالها تاني
احمد مراد في تراب الماس خلتني اقراله فيرتيجو والفيل الازرق اللي مكانوش علي نفس المستوي
احلام مستغانمي ذاكرة الجسد تشجعك انك تقرالها تاني
المشكلة دايما بتبقي في مقارنة الmasterpiece
اللي كتبها مع اي عمل تاني ليه فطبعا بتبان مش علي نفس المستوي علي الرغم انك لوقريتها تحت اسم كاتب تاني هتلاقيها احلي بكتيير
جوزيه سارماجوا بقرأ ليه دلوقتي رواية العمي و عجباني أوي ..... أظن أني هبدأ أدور علي كتبه..... كمان بحب جدا مصطفي محمود و طريقة تفكيره الفلسفية .قريت لأحمد مراد تراب الماس و لسه بادئ في الفيل الأزرق ..... كاتب كويس مش بطال أبدا :)
أنا جديد شوية في موضوع القراية دا ..... مفيش حد أقدر أقول أني كرهت كتبه لدرجة أني مش هقرأ ليه تاني
كتاب كالنهر الذى يجري لـ باولو كويليو جعلنى أصصم علي قراءة بقية أعمالهكاتب قفلنى أسلوب كتابة العقاد المملة
خلتنى ناوى أننى لا أقرأ له مجدداً
كتاب كالنهر الذى يجري لـ باولو كويليو جعلنى أصصم علي قراءة بقية أعمالهكاتب قفلنى أسلوب كتابة العقاد المملة
خلتنى ناوى أننى لا أقرأ له مجدداً
توفيق الحكيم فتح نفسي على القرايه نفسهايوسف ادريس قفلني
ممممممم...فتح نفسى للقراية "مصطفى محمود" و "محمد حسين كامل" و "عبد الوهاب المسيرى" و الغزالىو قفلنى أووووووى "أنيس منصور" و "سلامة موسى"
قرأت أولاد حارتنا وميرامار لنجيب محفوظ وإتقفلت جامد منه.... قرأت عودة الروح لتوفيق الحكيم ...عجبني جداً جداً وانشالله اقرأ كل اعماله!
Marwa wrote: "توفيق الحكيم فتح نفسي على القرايه نفسهايوسف ادريس قفلني"
قرأتي عودة الروح؟ تحفة بقى!!
كان اول كاتب قراتله وهو مصطفى لطفى المنفلوطى وكان كتاب النظرات الجزء الاول وهو عبارة عن مقالات مجمعة للكاتب وبعد كدة قراتله العبرات وماجدولين والشاعر
والكتاب اللى قفلنى منه
العادات السبع للناس الاكثر فاعلية
استيفن أر كوفى
الكاتب اللى خلانى اقرأ كل كبه تقريبا / احمد خالد توفيق والكاتب اللى قفلنى منه برغم براعة اسلوبه بلال فضل
عبد الوهاب مطاوع وعلى احمد باكثير شجعونى اقرأ كل اعمالهم اما محمد المنسى قنديل صد نفسى عن كل اعمالهم
اللي شجعني أقرأ له كل أعماله:nicholas sparks
ومندمتش
احمد مراد وعمر طاهر وبلال فضل واحمد خال توفيقالي شجعونيوالي كرهني في القراءة كلها السيد الحراني
نجيب محفوظ طبعا و من الأجانبPaul Sussman
Kathy Reichs
كلاهما رائعان
اول ماقرأت كان ليوسف السباعي وشدني جدا بس لقيته بيكرر نفسه ..بهاء طاهر بعد الحب في المنفي مابقتش بقدر افوتله روايه ...يوسف زيدان مبدع في كل اعماله ..وعز الدين شكري ..محمد المنسي قنديل ..احلام مستغانمي..رضوي عاشور...دان براون مجنون وبيجنني طه حسين والعقاد قفلوني...احمد مراد ده بره الموضوع اساسا...عبدالرحمن المنيف..بن سالم حميش..عبده خال..ميرال الطحاوي كتاب لكتب اخدت جوايز قريتلهم وكانت اول واخر مره
كريم الشاذلي...كم حياة ستعيش و افكار صغيرة لحياه كبيرةو ما لم يخبرني به ابيمصطفي محمود ...من اول كتاب اصبحت مدمنة
نجيب محفوظ لسبب غير معروف مكنتش طيقاه و ببص لكتبه بقرف بس هي رواية "ميرامار" الي جننتني بيه و دمنه قريبا
قفلي مركيز 100 عام من العزلة
I think Jane Austen and Ahmed Murad are nice and you don't get bored, but a boring writer no one YET...
طبعا الكاتب اللي شدّني اني اقرا كل كتبه هو نجيب محفوظ .. بس عامة انا فيا الطبع ده لو قريت لكاتب بقرأ كل اعماله الا لو قفلت منه :Dاللي قفلت منهم طبعا هو طه حسين في رواياته و أنيس منصور بس برضه مازلت مصممة اني احاول معاهم تاني :))
نجيب محفوظ ثم نجيب محفوظ ثم نجيب محفوظثم.. علاء الأسوانى، أحمد مراد، يوسف زيدان
........................................
واللى قفلت منه يمكن أحمد خالد توفيق
........................................
واللى اتصدمت فيه إبراهيم عيسى ف رواية مولانا
........................................
اتصدمت ف ابراهيم عيسى من الناحية الأدبية
عبدالوهاب مطاوعبمجرد مبدأت اشتريله كتب...بعد الاعتماد لسنوات على بريد الاهرام وحده اتشديت له جدا...وحاليا ليه نصيب الاسد ف مكتبتى
وانيس منصور شجعنى شوية ورجعت ندمت انى قريت له اكتر من كتب الرحلات
بهاء طاهر...قريت له واحدة الغروب وعجبتنى
ولما اشتريت شرق النخيل...حسيت انى اتقفلت منه
يمكن اجرب له حب ف المنفى او لا...بس اظنى هشوفها سوفت كوبى الاول
خيرى شلبى...قريت له صهاريج اللولؤ وكانت روعة
وعدل المسامير قفلتنى منه جدااااااا
برضة بعد كدة هبص ع الرواية بى دى اف الاول
مصطفى محمود...قريت له الله ورغم انه مشدنيش قوى قررت اغامر واشترى...زيارة للجنة والنار
واظنى ف طريقى لادمانه قريب
نجيب محفوظ حاولت اقراله بس فشلت...فعلا ممل
المنفلوطى قريت له العبرات ورائع...بس لسة ملقيتش حاجة تانية ليه اصلا عشان اقرر
اون لاين فيه طارق حسن...كتاب هذا مارايت فى دبى
اشتريته ودة شجعنى ارجع لباقى قصصه
ولسة هنشوف
انا بحب اقراء لجلال امين وخصوصا الكتب الى قريبه من تخصصى اقتصاد خرافه التقدم والتخلف كتاب رائع جدا وضح الكتير من من الاسس الى بنحكم عليها فى تقدم وتخلف الشعوب بس كتاب التنوير الزائف صدمنى اسلوبه واعمال دكتور يوسف مبدعه وخصوصا عزازيل ولم اقراء كتب فلسفيه ليه وهبداء بالاهوت العربى صدمتنى روايه الفيل الازرق لاحمد مراد لما فيها من افكار جاهليه ولكن بها الكثير من المجهود على المستوى المعلومه النفسيه وقراءه البشر من لغه الجسد
احمد خالد توفيق و احمد مراد و رضوي عاشور
احمد مراد شجعنى انى اقرأ له الفيل الازرق و فيرتيجو بعد ما قرأت تراب الماس و عمرى ما احكم على كاتب انى مش هقرأ له تانى علشان كتاب كان دون المستوى
اللى شجعنى يوسف زيدان خصوصا رواية عزازيل قريتها مرتين ولسة مكتفتش منها وبقيت بدور على اى حاجة بيكتبها الصراحة واللى مشجعنيش احمد خالد توفيق قفلت منه بعد يوتوبيا معرفش ليه
الدكتور مصطفى محمود الله يرحمه .. أبدع في كتبه و مقالاته و باحب جدا .. رأيت الله و الخروج من التابوت و العنكبوت و إسرائيل النازية و لغة المحرقة و اﻷحلام و لغز الموت .... و كل كتاباته رائعة و غاية في اﻷهمية
و حبيت جدا لتوفيق الحكيم .. أهل الكهف .. حقيقي رائعة
و لمحمد المنسي قنديل تفاصيل الشجن في وقائع الزمن .. سرد تاريخي متنوع يجذب لقراءته دون ملل
لكن روايته .. أنا عشقت بقدر جمالها أحزنني أن لا أجدها في نظافة تفاصيل الشجن .. و لﻷسف هي سمة غالبية الكتاب إن لم يكن جميعهم في كتابة الروايات لﻷسف
رضوى عاشور خلتني عايزة اقرا كل اعمالها بسبب ثلاثية غرناطة .. أنيس منصور بحبه جدا ونفسي اقرا كل اعماله .. راغب السرجاني نفسي اقرا كل اعماله وخصوصا التاريخيةأما الكتاب اللي قفلوني منهم :
احلام المستغانمي بعد رواية الاسود يليق بك
وممكن ماركيز بس احتمال اقراله تاني بعد مئة عام من العزلة
وباولو كويلو يعني احتمال اقراله تاني بعد الخيميائي
أحمد خالد توفيق رائع وبيشدنى أدور على كل كتبه ومقالاته تقريبا حفظت اسلوبه
رضوي عاشوربهاء طاهر
احلام مستغانمى
احمد خالد توفيق
اهداف سويف
الكاتبه احلام مستغمانى كتابها الرائع "الاسود يليق بك"خلانى حبيت اسلوبها وبدات اقرا اعمالها كلها
والكاتبه أثير عبد الله ليها كتابين بس وانا منتظره اى كتاب ليها لان اسلوبها رائع
اما الكتاب اللى خلانى محبش الكاتب هو "بلامس حلمت بك " للكاتب بهاء طاهر
دكتور مصطفى محود ودكتور يوسف زيدان :)
كتاب ظل الأفعى ليوسف زيدان... هناك جدل نفسي دائما في رواياتهأحب هذا وأعشقه.
------------------------
كتاب تراب الماس لأحمد مراد، ايه الهبل ده!!
وكتاب صار بعيدا لإبراهيم عيسى، إيه الللللــــ.... ده!!
كان اول واحد هو بلال فضل مع اول كتاب دورت على كل كتبه الباقية وقراتها ، وامتد الامر الى عمر طاهر ويوسف معاطى واحمد مراد مع انى قرات تراب الماس الاول دورت بردوه على اول رواية ليه وقراتها وكانت فيرتيجو واول ما نزلت تراب الماس قراتها على طول
كان احلام مستغانمي ذاكرة الجسد وقرات كل الكتب بتاعتها بعد كده ومن هنا بدأ الادمان
الكتاب اللى شجعونى انى ادور على كتبهم : رضوى عاشور -يوسف زيدان -باولو كويلو من الناس اللى كرهونى فى حياتى : فؤاد التكرلى"بصقةفى وجه الحياة "
ابراهيم فرغلى "ابناء الجبلاوى"
يوسف زيدان و سحر الموجى واحمدخالد توفيق واهم واحد بقى احمد ملااد
Yassmine wrote: "الكتاب اللى شجعونى انى ادور على كتبهم : رضوى عاشور -يوسف زيدان -باولو كويلو من الناس اللى كرهونى فى حياتى : فؤاد التكرلى"بصقةفى وجه الحياة "
ابراهيم فرغلى "ابناء الجبلاوى""
"بصقةفى وجه الحياة????? هاهاهاها دة كفاية إسم الكتاب أصلاً!
اللى فتحنى أنيس منصور أنا قريتله 30 كتاب لحد دلوقتي
آى نعم فى مواقف بيكررها كتير بس مازلت بستمتع ف كل مره بقراله.
أحمد مراد : مستني روايته الرابعة.
مصطفى محمود ندمت انى مقريتلوش من زمان اسلوبه بسيط جدا و بيوصل الفكره بسهوله.
نجيب محفوظ كان كويس معايا لحد ما قريت ثرثرة فوق النيل قررت بعدها انى مش هقراله تانى
بس رجعت قريت الحرافيش عجبتنى جدا فهقراله تانى .
رضوى عاشور : قفلتنى منها ف أطياف بس هقرالها الطنطورية و الثلاثية
طه حسين : أسلوبه مش عاجبنى بالمره بس هحاول اقراله حاجة كمان.
الكتاب اللى أعجبنى كتاباتتهم و شجعونى على انى اشترى أى كتب ليهم هو مصطفى محمود و بعد كده بلال فضل ( لكن بعد الثورة كتبه بقت تقليدية و ماتشجعش فى رأيى ) و جابريل جارسيا ماركيزو الكتاب اللى خلونى ماقراش اى حاجة تانية ليهم بهاء طاهر لأنى قريت شوية فى واحة الغروب و زهقت و ماكملتهاش و ابراهيم عيسى عشان قريتله كتاب قديم اسمه عمائم و خناجر
محمد فتحي والرائع بهاء طاهر ..كاتب تركي اسمه اورهان باموق ,احلام مستغانمي.
صراحة مصطفى لطفي المنقلوطي عندما قرات له العبرات قرأت كل مؤلفاتهوايضا عندما قرات حديث القمر للرافعي ايضا قرات كل مؤلفاته
ومعنيش مشكلة مع اي كاتب لاني احب القراءة وان لم تعجبني احب الاطلاع عليها لاكون رائي ومفهوم عن مستوى الكتابه
مصطفى محمود وانيس منصور على اعتبار انى كنت طفلة عندى 10 سنين بس دول اللى علمونى يعنى ايه قراءة
اكتر حد حبيت اقرا اعماله د نبيل فاروق و ستيفانى ماير
نفس الشيء حصل مع محمد المنسي قنديل بدأت برواية قمر على سمرقند وتبعها بقية أعماله
وتكرر الأمر مع كتاب آخرين منهم عز الدين شكري فشير وأحلام مستغانمي
لكن بالمثل في كتاب ندمت أشد الندم على متابعة أعمالهم لمجرد أن رواية لهم أعجبتني
والفئة دي شملت يوسف زيدان اللي ابهرتني روابته عزازيل وبالتالي حرصت على اقتناء روايته الثانية ظل الأفعى ولكن صدمت بشدة فيها وندمت على اقتنائها لكن مع ذلك قلت لنفسي ربما تكون كبوة كاتب ولن تتكرر وعلشان كده قررت قراءة رواية النبطي لكن زاد ندمي على قراءة رواية مثيرة بشدة للملل والضجر وده السبب في اني حتى الآن لم افكر أبدا في قراءة رواية محال مع انها بتطاردني على أرفف المكتبات (:
يلا كله يشارك في النقاش ونشوف مين الكاتب اللي دفعك لاقتناء أعماله الكاملة ومين الكاتب اللي دفعك انك تقول حررررررمت اقرب من كتبه تااااااااااااني (: (: