ازاي تقرر وتشتري كتاب مناسب؟

[Ahmad]

ازاي تقرر وتشتري كتاب مناسب؟

الروايات والشعر والادب وكدا ترجع لزوقك الشخصي انما باقي انواع الكتب وخصوا الكتب العلمية والتنمية البشرية وغيرها بترجع لكام معيار .. انت بتتصفح الكتب في دقيقة او اتنين وبتاخد قرار بعدها تشتريه ولا لا ...

* عنوان الكتاب ..
اكيد هيدلك .. بس احذر جدا من العناوين البراقة خصوصا في كتب التنمية الذاتية ... كيف تصبح ملكش حل في 5 دقايق والجو العبيط دا ...
ومتشيش ورا كلمة "اكثر الكتب مبيعاً" لانها بفرض صدقها فممكن يكون اكتر الكتب مبيعاً في الجيزة مثلا هههههههههه
وهي بتبقي غالبا احصائيات جرايد زي نيوزويك ودورية .. مش اكتر الكتب مبيعا علي الاطلاق ابدا .. فهي جملة خداعه وفكك منها ..

* دار النشر ..
استحاله كتاب لدار نشر تحت السلم يبقي بجودة كتب الشروق العبيكان او دار جرير او بن راشد ال مكتوم مثلا .. مش جودة اخراج وبس .. انما جودة المادة نفسها وبيبان دا خصوصا في الكتب المترجمة ...

* اسم المؤلف ..
دا عامل مهم جدا .. انت لقيت كتاب مهم ودار نشر محترمة .. ناقص المؤلف فلو فيه اكتر من كتاب اختر اكتر مؤلف بتثق فيه او سمعت عنه ..
وساعات بنشتري الكتاب اصلا لمجرد انو لمؤلف معين ..

* سنة النشر ... والطبعة
مهم اوي خصوصا في الكتب العلمية والكمبيوتر ... الخ او اللي بتعتمد علي معلومات بتتحدث دايما .. فدايما هات احدث طبعة .. لانو مفروض المؤلف بيطور ويضيف ويشيل من مادته في كل طبعة لو احتاج ..

باقي اجراءات تصفح الكتاب ..

*ضهر الكتاب ..
بص عليه هتعرف معلومات مهمة عن الكاتب والكتاب واراء ناس عنه ساعات .. وطبعا هي جايز مبالغ فيها شوية احيانا .. بس بتديك فكره عامة عن الكتاب ..

* الفهرس ...
دا مهم اوي .. جايز يكون عندك كتاب لنفس الموضوع .. فتشوف في الفهرس هل فيه جديد ولا لا .. وكمان هتاخد فكرة عن الكتاب وموضوعاته كلها ..

* واخيرا قلب في الكتاب ككل لو عايز تطمن اكتر وهتقابلك جمل من جواه تشدك او تنفرك منه ..

وع البركة .

[Esraa]

شكرا جزيلا .. بس انا كنت عايزة معلومات اكتر عن الكتب التاريخيه .. لو حبيت اقرا في التاريخ ابدأ منين؟؟ من التاريخ الفرعوني ولا التاريخ المعاصر؟؟ تاريخ مصر ولا اوروبا؟؟ التاريخ الاسلامي ولا تاريخ الاديان كلها ؟؟
محتارة جدا في الموضوع ده ونفسي اقرا تاريخ ومش عارفة ابدأ منين ولا اشتري لمين؟؟
لو تعرف عن الموضوع ده يساريت تفيدني .. وشكرا مقدما :)

[Ahmad]

Esraa wrote: "شكرا جزيلا .. بس انا كنت عايزة معلومات اكتر عن الكتب التاريخيه .. لو حبيت اقرا في التاريخ ابدأ منين؟؟ من التاريخ الفرعوني ولا التاريخ المعاصر؟؟ تاريخ مصر ولا اوروبا؟؟ التاريخ الاسلامي ولا تاريخ الا..."

بصي يا اسراء ... القراءة المنهجية في التاريخ مفيدة طبعا بس لو قيدتي نفسك بيها هتتعبي شوية .. زي ما انتي محتارة كدا (ابدأ منين ؟) وهتأجلي كتير ..

بس نصحيتي ليكي هي
اعتبري التاريخ خريطة .. لازم تبصي علي خريطة العالم كلها من فوق وتعملي زووم بالتدريج لحد ما توصلي للشارع في البلد في الدولة ف القارة اللي عايزاها .. وتبعدي تاني وترجعي تعملي زووم وهكذا ..

فأنتي محتاجة الاول تاخدي النظرة الشاملة دي لفترات كبيرة من التاريخ .. وبعدين هتتعمقي ومهما اتعمقتي هتلاقي لسه فيه كلام اكتر محتاجه تعرفيه ..

** نييجي للعملي بقا ..
- سيبك من الترتيب ... ابداي من اي حته ... وكل ما تقري هتربطي الدنيا ببعض ..

- لو هتقدري وحابه تستمتعي بالرحلة فعلا من اولها وبالتدريج .. خليكي مع موسوعات زي ...

# قصة الحضارة .. ول ديورانت
# وصف مصر
وغيرها كتير

وبرضو من الحاجات المميزة اوي ..
# فلسطين .. د. طارق سويدان .. ب 90 ج
ممتااااز وبالصور وقصة القدس من فجر التاريخ لحد دلوقتي
# موسوعة اليهود - طارق سويدان
# موسوعة اليهود للمسيري
- بالنسبة للتاريخ الاسلامي ... فيه موسوعة مختصرة وممتازة جدا من جزئين بس ... مراجعة د. راغب السرجاني

اسمها : الموسوعة الميسرة في التاريخ الاسلامي
ب 60 جنية هتلاقيها ف مكتبات الكتب الاسلامية .. مؤسسة أقرا للنشر والتوزيع
(لو هتنزلي الحسين هتلاقيها هناك لو مش لاقياها )

- ابدأي باللي شادك اكتر في مراحل التاريخ او نفسك تعرفي عنه او معلومات ناقصة فيه جدا..

- اخيراً
موسوعات التاريخ وكدا .. استعيريها من المكتبات احسن

[Eman]

حلوه اوي المعلومات دي ,جزاء الله خيرا :)

[Ahmad]

Eman wrote: "حلوه اوي المعلومات دي ,جزاء الله خيرا :)"

وجزاكي كل خير يا ايمان .. :)

[Esraa]

ميرسي يا احمد .. انا كررت الموضوع مرتين :D

[[deleted user]]

جزاك الله خيرا على الموضوع ،،بس عامة انا بحتار بين الكتب لو شفت كل الكتب اللى انا عاوزاها قدامى والميزانية بقا :(

[~ ديــدى ~]

شكرا أحمد موضوعك ثرى جدا بالمعلومات
دمت بخير يارب

[Esraa]

Amll wrote: "جزاك الله خيرا على الموضوع ،،بس عامة انا بحتار بين الكتب لو شفت كل الكتب اللى انا عاوزاها قدامى والميزانية بقا :("

نفس مشكلتي يا أمل .. احيانا كتير بحتار قدام الكتب وابقى مش عارفة اشتري ايه .. بس انا حاولت احل المشكلة دي باني قبل ما اروح اشتري كتاب لازم اكون مقررة انا عايزة ايه .. عشان مروحش هناك اتشوش :)

[Marwa]

حلو الموضوع فعلا . جزاك الله كل خير

بس ده كله لو كتب عادية . لكن اوقات بتبقى فى كتب قيمة سواء قديمة او جديدة تستحق الاقتناء فعلا

تقدر تنصحنى بايه . معلومات عامة وثقافة وممكن تاريخ اسلامى فاى مجال يعنى مش محدد ؟

[Ahmad]

Marwa wrote: "حلو الموضوع فعلا . جزاك الله كل خير

بس ده كله لو كتب عادية . لكن اوقات بتبقى فى كتب قيمة سواء قديمة او جديدة تستحق الاقتناء فعلا

تقدر تنصحنى بايه . معلومات عامة وثقافة وممكن تاريخ اسلامى فاى مج..."

اكيد يا مروة ودا وضحته في بداية كلامي ....

بصفة عامة ..

اهم المعايير بتختلف في ترتيبها حسب نوع الكتب .. وهجاوبك ع السؤال حسب ما فهمته ..

الكتب المترجمة :
الكتاب نفسه مهم - يبقي ركزي اوي في دار النشر الي ترجمته

كتب التاريخ والكتب الاسلامية :
المؤلف من اهم المعايير - عشان المصداقية
كل ما الكتاب التاريخي يكون اجدد هيكون نظرته اشمل للاحداث
طبعا كتب التراث هتحتاجي بس دار نشر تبقي محترمة عشان جودة الطباعة

الكتب العلمية :
هاتي احدث الكتب دايما ...
المؤلف (متخصص) - دار نشر محترمة

الكتب الادبية والروايات:
دي مش مهم فيها طبعا تاريخ النشر والكلام دا ..
وبترجع لزوقك الشخصي زي ما سبق وقلت


كتب الفلسفة :
المؤلف نفسه ..... اهم معيار

كتب التنمية البشرية :
ينطبق عليها كلامي ف الموضوع فوق هي والكتب العلمية

كتب السياسة :
المؤلف - الموضوع - سنة الاصدار

كتب علم النفس :
زي الكتب العلمية عموما ..

معرفش كدا جاوبتك ع السؤال ولا لا .. بس دا حسب فهمي ليه ... وياريت لو محتاجه اي توضيح اتفضلي

[Hagar]

بعمل بحث عن اراء القراء هنا على جود ريدز
دا بقى بيساعدني. جدا

[Ahmad]

Hagar wrote: "بعمل بحث عن اراء القراء هنا على جود ريدز
دا بقى بيساعدني. جدا"

؟؟؟؟؟؟!!!!!!

انتي جاسوسة يا هاجر :D

[Marwa]

انا متشكرة لردك جدا . انا مش اخدت بالى من الرد غير دلوقتى :)

هو تحديدا مش ده قصدى .. انا فاهمة نقطة ان كل مجال ومؤلف ودار نشر بيأثروا بشكل كبير فالكتاب نفسه

لكن انا كنت اقصد . هل حضرتك تقدر ترشح كتب تستحق الاقتناء بشكل عام .

يعنى مثلا مثلا انا شايفة انه لازم فكل بيت كتاب تفسير وفقه تبع الكاتب اللى تفضله .
لازم فى كتاب مثلا عن تربية الاطفال . او معلومات ثقافية

يعنى اقصد حد قرا كتاب شايف انه كتاب مفيد جدا بشكل عام وبينصح الناس باقتنائه

[Marwa]

كتوضيح لكلامى مثلا .. فى كتاب لعبد الرزاق نوفل اسمه اسئلة حرجة .. بيتناول الاسئلة اللى ممكن تدور فذهن كل طفل او كل شخص بشكل عام عن الايمان ووجود الله .

او مصطفى محمود . حوار مع صديقى الملحد

فى كتب فموضوعات مختلفة بقى زى .. كيف اصبحوا عظماء . محمود سعد الكريبانى

[Ahmad]

Marwa wrote: "كتوضيح لكلامى مثلا .. فى كتاب لعبد الرزاق نوفل اسمه اسئلة حرجة .. بيتناول الاسئلة اللى ممكن تدور فذهن كل طفل او كل شخص بشكل عام عن الايمان ووجود الله .

او مصطفى محمود . حوار مع صديقى الملحد

فى ..."

العفو يا مروة ...

وعن الكتب فطبعا فيه كتب اساسية لازم تبقي في كل بيت ومش كفاية تبقي ع الكمبيوتر مثلا ...

وفكرت اننا نعمل موضوعات باقتراحات الكتب في كل مجال الكل يشارك فيها ..

وبسرعه كدا هقولك مثلا كام كتاب في المجال الديني مهمين جدااا لكل بيت

- كتاب تفسير وليكن مثلا : أيسر التفاسير لكلام العلي الكبير
- أسباب النزول - لجلال الدين السيوطي
نزل نسخه منه للهيئة العامة المصرية للكتاب ب 10 ج
- فقة السنة - للسيد سابق
- الرحيق المختوم - سيرة
- هذا الحبيب يا محب
- رياض الصالحين
- حادي الارواح (عن الجنة ووصفها الشامل)
- قصص الانبياء للشعراوي
- انبياء الله : أحمد بهجب
- رجال حول الرسول
- العبقريات للعقاد
- الموسوعة الميسرة في التاريخ الاسلامي
- تلبيس ابليس
- تحفة العروسين


الكتب والموسوعات دي سعرها رخيص رغم قيمتها العالية وانها مجلدات .. وفي معرض الكتاب هتلاقيها ان شاء الله باسعار تحفة

[Marwa]

الحمدلله عندى كلهم . سواء من كتب والدى او كتب اشتريتها انا :D ياريت فعلا تبدا موضوع منفصل ونشوف اقتراحات الكتب لكل مجال .

[Ahmad]

Marwa wrote: "الحمدلله عندى كلهم . سواء من كتب والدى او كتب اشتريتها انا :D ياريت فعلا تبدا موضوع منفصل ونشوف اقتراحات الكتب لكل مجال ."

عملت الموضوع ... ودا اللينك بتاعه

http://www.goodreads.com/topic/show/1...

[Amira]

شكرا جزيلا كلامك وطريقه شرحك عمليين جدا لو عندك معلومه عن كتب خاصه بتارخ الاندلس ياؤيت تقولى عليها

[Marwa]

الف شكر

بالمناسبه طيب كتاب الرجال من المريخ والنساء من الزهرة
اني نسخه احسن الشروق ولا جرير؟؟

[محمد]

Amira wrote: "شكرا جزيلا كلامك وطريقه شرحك عمليين جدا لو عندك معلومه عن كتب خاصه بتارخ الاندلس ياؤيت تقولى عليها"

ليون الافريقي في شوي من الاندلس بيحكي عن كيف بلشت هجرة العرب من هونيك و كتاب ممتع

[Mona]

انا عندى استفسار , انا جديدة شوية فى القراءة (من سنة و نص بس) و اللى كنت بقراه قبل كده كان لكبار الكتاب ذى العقاد و كده , دلوقتى انا عايز اعرف ازاى احكم على الكاتب خاصة الجيل الجديد و الوسط , لانى لما جربت اشوف الكاتب من التاريخ المهنى بتاعه اللى على الكتاب , اتضح ان ده مش مؤشر اطلاقاً ...فمش عرفه اعمل ايه

[Ahmad]

Amira wrote: "شكرا جزيلا كلامك وطريقه شرحك عمليين جدا لو عندك معلومه عن كتب خاصه بتارخ الاندلس ياؤيت تقولى عليها"


تاريخ الاندلس .... للدكتور طارق سويدان ..

معتقدش يا اميرة هتلاقي احسن منه ابدا

[Ahmad]

Marwa wrote: "الف شكر

بالمناسبه طيب كتاب الرجال من المريخ والنساء من الزهرة
اني نسخه احسن الشروق ولا جرير؟؟"

انا مشوفتش نسخة الشروق يا مروة .. بس مادامت كتب تنمية ذاتية فانا بثق في جرير اكتر ... لو كان كتاب ادبي او روايات كنت هقولك الشروق طبعا

[Marwa]

Ahmed wrote: "Amira wrote: "شكرا جزيلا كلامك وطريقه شرحك عمليين جدا لو عندك معلومه عن كتب خاصه بتارخ الاندلس ياؤيت تقولى عليها"


تاريخ الاندلس .... للدكتور طارق سويدان ..

معتقدش يا اميرة هتلاقي احسن منه ابدا"

ولا الاندلس من الفتح الى السقوط لراغب السرجاني؟

[Marwa]

Ahmed wrote: "Marwa wrote: "الف شكر

بالمناسبه طيب كتاب الرجال من المريخ والنساء من الزهرة
اني نسخه احسن الشروق ولا جرير؟؟"

انا مشوفتش نسخة الشروق يا مروة .. بس مادامت كتب تنمية ذاتية فانا بثق في جرير اكتر ... ..."

متشكرة جداً

[Ahmad]

Marwa wrote: "Ahmed wrote: "Amira wrote: "شكرا جزيلا كلامك وطريقه شرحك عمليين جدا لو عندك معلومه عن كتب خاصه بتارخ الاندلس ياؤيت تقولى عليها"


تاريخ الاندلس .... للدكتور طارق سويدان ..

معتقدش يا اميرة هتلاقي ..."

راغب السرجاني طبعا من الناس المتميزة جدااا
بس لو شفتي طبعة تاريخ الاندلس لطارق سويدان هتعرفي ليه رشحتهالك ...

جودة الاخرج والاسلوب والتدعيم بالصور ... الخ فيها هي وبتاع فلسطين ... يخليهم يتميزوا عن اي كتاب تاني . حاجه تخليكي تعيشي التاريخ اكتر واكتر مش تملي منه

[noury]

حلوة المعلومات دى , شكرا

[Mohammad]

Amira wrote: "شكرا جزيلا كلامك وطريقه شرحك عمليين جدا لو عندك معلومه عن كتب خاصه بتارخ الاندلس ياؤيت تقولى عليها"
دولة الاسلام في الأندلس لمحمد عبد الله عنان متوفرة في أكثر من جزء

[Nada]

شكرا جزيلا لحضرتك فعلا انا كنت دايما مش عارفه اشترى كتب ايه وبكون محتاره جزاك الله كل خير

[Ahmad]

Nada wrote: "شكرا جزيلا لحضرتك فعلا انا كنت دايما مش عارفه اشترى كتب ايه وبكون محتاره جزاك الله كل خير"

العفو يا ندا ... :)

[Nedaa]

شكرا جزيلا .... انا بعمل حاجات كتيرة منهم قبل ما اشترى الكتاب :) بس مش كله و فعلا ساعات العناوين بتخدع و حلوة الاكثر مبيعا دى

[Ahmad]

Nedaa wrote: "شكرا جزيلا .... انا بعمل حاجات كتيرة منهم قبل ما اشترى الكتاب :) بس مش كله و فعلا ساعات العناوين بتخدع و حلوة الاكثر مبيعا دى"

:)