جر ناعم
discussion
عمر طاهر
date
newest »
newest »
صحونى و صحيت من نومىمش عارف ليه مش متطمن ؟
اليوم ده شكله مش يومى
انا صاحى قافش و مخون ..
وانا فاتح قلبى على البحرى
والغلطه
بعشره امثالها
مش خايف من حد و لكن
خايف من نفسي و امثالها ..
انا فاتح قلبى على البحرى
و الحجه ان انا انسان
ندمان على ايه مش عارف
انا خايف اكون مولود ندمان يا قمر فى العتمه مونسنى
انا من نفسي هيحرسنى ؟
دعوه اهاليا ام عملى ؟
نظريا
لازم اكون عملى
وافوق من الكاس المتشبر
من فتره
باحاول انى اكبر
واتدمر
كل ما تلمسنى
حاجه فى ضميرى بتوجعنى
لا سايبنى ضميرى استطعم ذنبى .. ولا قادر يمنعنى
ريحتك فى هدومى مخيلانى
مين فينا الاول للتانى ؟
مش شايف ازاى شايفانى
قلقانه صورك ف دماغى
قلقانه لدرجه قلقانى ...
تعبان
حاسس ف قلبى حِمل جبل
سهران
وازاى انام وانا عندى ملل
عندى صحيح حاجات كتير
لكن ناقصنى حاجات أكتر
ناقصنى إنى اقدر أطير
وانا عارف إنى فى يوم هاقدر.
عندى قمر باسهر وياه
عندى ميعاد وحبيبى لغاه
و عندى أفكارى لحياة
ممكن تغير طعم الكون
واجمل ما عندى إيمان بالله
وباقول يارب تكون ف العون.
أصل الحياة أصعب حاجة
ع اللى ماعندوش غير أحساس
الناس لبعضها محتاجة
وأنا لسه عندى أمل فى الناس.
يتورط الإنسان في كثيرين ، و يتورط فيه كثيرون لتبدأ متاهة تحتاج لخريطة أو لمعجرة للخروج منها،الحب كائن ابدي لا يموت ،لكنه قد يأخد أشكالاً تتغير بمرور الوقت،والدليل على أنه أبدي أنه في يوم القيامة (يحشر المرء مع من يحب).ساعات بنستهتر بحاجات صغيرة ومابنبقاش عارفين ان وراها حاجات عظيمة جدا.
زى صديقى الغنى ابن الناس الاغنيا اللى كان معايا فى الكليه.
كنا كل يوم بتعدى على معرض عربيات جنب الكليه
كان فى المعرض ده عربية فخمة جدا
كانت عاجباه و هيموت عليها.
أبوه قال له خلص انت الكليه و خد البكالوريوس و انا هاجيبلك العربية دى هدية النجاح.
الولد ماكدبش خبر و موت نفسه فى المذاكرة و نجح و جاب تقدير كمان.
وراح لابوه قال له انا نجحت يا بابا يالا نفذ وعدك.
الاب بعد يومين نده عليه فى اوضة المكتب...
الولد راح
لقى باباه بيقدم له حاجه ملفوفه و محطوطه فى شنطه
و بيقول له مبروك النجاح و دى هديتك.
الولد قال له بس انت كنت واعدنى بهدية تانيه ..العربيه.
الاب قال له طيب شوف الهديه دى..
الولد فتح حته من اللفه و اكتشف ان اللى جوه اللفه مصحف.
الولد قال لنفسه مصحف؟
استغرب و لانه شويه متربى مرضيش يقفش على ابوه و قال له شكرا.
ورايح سايب اللفه فى اوضة المكتب و مشى.
سافر بعدها الولد يحتفل مع اصحابه بنجاحه.
غاب عن بيته شهرين تلاته...
وبعدين لقى مامته بتكلمه بتقول له تعالى علشان باباك فى المستشفى...
رجع له و قضى معاه اليوم فى المستشفى وكانت حالته خطيرة...
روح الولد بيتهم و اتوضى و صلى و قعد يدعى لأبوه.
وبعدين قرر انه يقرا له قرآن كتير علشام ربنا يشفيه.
دور الولد على مصحف فى اوضة المكتب..
و شاف الشنطه اللى رماها زمان وافتكر ان جواها المصحف اللى ابوه جابهوله هدية..
الولد عينيه دمعت و مد ايده يفتح اللفه علشان يطلع المصحف..
بيفتح المصحف لقاه جوه ظرف مكتوب عليه ربنا يحميك...
بيفتح الظرف لقى جواه عقد العربيه اللى كانت عاجباه باسمه ..
بيبص فى الكيس من تحت لقى ميدالية و فيها مفتاح العربية اللى كان بيحلم بيها.
الأمير قرر إنه يتجوز...
وقال أنا هاعمل مسابقة..
طلب الأمير من الوزير إنه يجمع له كل بنات المملكة.
اتلمت البنات كلها وكان معظمهم بنات أغنيا و فى وسطهم بنت فقيرة راحت المسابقة عشان امها فضلت تزن عليها.
ظهر الامير وقال لهم أنا هادى كل واحدة منكم بذرة تزرعها...
وبعد ست شهور اللى هتجيبلى أحلى و اكبر زهرة هيه اللى هاتجوزها...
اللى هتراعى البذرة دى و تتعب عليها و تصونها و تكبرها هيه اللى تستاهل تبقى الأميرة...
ودلوقتى اتفضلوا و اشوفكوا بعد ست شهور.
البنت الفقيرة أخدت البذرة و غرستها فى قصرية فخار
قعدت تراعيها كل يوم بس البذرة ماكنتش بتكبر.
سألت جيرانها الفلاحين فقالوا له تعمل ايه عشان البذرة تطرح وردة..
البنت مشيت على النصايح دى بس مافيش فايدة .
بعد ست شهور كانت البنت مضطره تروح الميعاد اللى حدده الأمير ووقفت بالبذرة زى ما هى مغروسة فى الطين.
طبعا بقية البنات كل واحده كانت شايلة وردة لونها أحلى من اللى جنبها و بمقاسات مرعبة.
البنت أحبطت..
ظهر الأمير علشان يختار اللى هتفوز...
فضل ماشى لحد ما وقف عند البنت الفقيرة وقال لها انتى اللى هتبقى الاميرة...
بقية البنات انزعجوا و بصوا للورد اللى معاهم وبصوا للأمير باندهاش..
الامير قال لهم... البنت دى هى الوحيدة اللى ممكن تبقى أمينة عليا لأنها حقيقية و نضيفه..
لأن..
البذور اللى وزعتها عليكم كلكم كانت عقيمة ومستحيل تطرح فى أى يوم من الأيام.
أخيراعرفت إيه المطلوب منى بالضبط على الارض
مطلوب احكى لكم حكاية
كل واحد مننا حكاية
ومافيش حاجة اسمها فلان ده حكايه وفلان ده لأ
وكمان مافيش حكايه احلى من التانية.
لازم اسيب ورايا حكاية وانا ماشى وسايب الكوكب
حكاية تأكد إنى كنت موجود فعلا
الحكاية اللى انتوا هندولها إسم.. غالبا إسمى
ولما يجى إسمى يتقال بعد كده
كل واحد منكم هيفتكر مع نفسه الحتة الأجمل بالنسبة له فى الحكاية
مش هابقى متضايق غير من الناس
اللى مصرة تفتكر الحتت السخيفة.
اسمى هو الحكاية
اللى كل واحد هيطلع منها بحكمة
بجد
كل واحد ماشى على الأرض هيبقى فى يوم حكمة
الحكمة اللى هيا ..فى نهاية الحكاية.
شجرتين و بينهم الصحرا الصفرا
وجمال واقفه بتراقب المسافة المرعبة.
شجرتين مكشوفين
بس فى أبعد حتة تحت الأرض
تحت مستوى النظر
جذورهم بتحضن بعض.
فستان السهره المتعلق جوه الدولاب
بقاله كام سهره ماراحشى ويا الرايحين
لونه بيبهت م الضلمه و من الغياب
و حن قلبه للوقفه فى نور الفتارين.
الفستان كان اسود ليل
ضيق لكن ديله طويل
ياما بنات عدوا وحبوه
وحبوا عشانه قصر النيل
نجمة سينما حلمت بيه
وماعرفتش تدخل فيه
زعلت طول العمر عليه
لحد ما بطلت التمثيل
ماتبعاش الفستان ف العيد
وبقى موديله بجد بعيد
دخل الفستان ف التخفيض
واتباع للى ماقدرهووش
عادى الغالى ف لحظه يهون
لبسه وتانيه وبقى مركون
واللى زمان كان بيه مجنون
بقى بيشوفه مايعرفهوش
بقى متعلق ولوحده جوه الدولاب
وخد مكانه ف السهره فساتين تانيين
لونه بيبهت م الوحدة ومن الغياب
وحن قلبه للوقفه ف نور الفتارين
في أي حته في الدنيافي أتنين بدأو حياتهم
في بيت ناقصه حاجات كتير..
لكن.. مليان.
وبمرور الوقت..
بيتملى البيت..
بس ساعتها بيكون ناقصه حاجات كتير
متهيألي اننا هنسيب بعض قريب جدا
علشان كده
رجعت أوضتي النهارده بدري علشان ارتبها..
من ساعة مابدأت علاقتنا
والأوضه غرقانه في الفوضى
حبات الشاي الغرز نشفت في الكوبايه
واخر شفطة نسكافيه اتحجرت في كوبايه تانيه
وبعدين اتشققت زي ارض عطشانه
كتب في كل حته
ماخلصتش منهم ولا واحد
والطفايه لقيتها فين؟
خمني..لقيتها في ايدي...
دش خفيف شال الملح اللي اتحجر حوالين ابتسامتي
ورحت فارد نفسي في سريري
وسبت المزيكا تلف في سقف الأوضه
وأنا حاطط التليفون جنب راس المخده..
مستني مكالمة
تزرعي فيها ألغام مابينا
ألغام تسمح لكل واحد فينا
انه يبعد بثقه
ومن غير أي خوف من عذاب الضمير
ارجوكي.. اتصلي دلوقتي
انا الليلادي باحلم بنوم عميق.
ملك ..مبدئيا الله ينور عليكى...مختاره افضل الاجزاءبس ليا استفسار .. بما انى قريت اكتاب زز ودلوقتى اكتشفت انك منزله كلام مكانش فى كتابى؟؟! ازاى دا؟
طب انا لو سمحتوا جديد على الموضوع دا فمحتاج اعرف ازاى اقدر أقرأ الكتاب ؟
all discussions on this book
|
post a new topic
الغياب بيقتل قصص الحب الصغيره و بيقوى قصص الحب الكبيره ... زى الرياح ما بتطفى شمعه على الترابيزه و بتزود حريقه فى الغابه .
الواحد لو ملقاش واحده يحبها .. هيحب اى واحده يلاقيها
كل بنى ادم سؤال ... و اجابته " بيحب ازاى ".
الناس اللى بتخاف من الموت .... مسيرها تموت من الخوف.
مر الملك و حاشيته على رجل عجوز فقير يجلس على حجر كبير ,فالقى الملك بالسلام على الرجل , لكن الرجل لم يرد عليه , فانزعج الملك و ذهب اليه و سأله " لماذا لم ترد السلام " فقال له الرجل " لا ارد السلام على من هم اقل منى شأنا "
فقال له " فكيف اكون اقل منك شانا و انا ملك البلاد " فقال العجوز " انت ملك البلاد .. ماذا ستصبح فى المستقبل ؟! " فقال له " ملك البلاد و البلاد المجاوره " فقال له العجوز " ثم ماذا ؟! " فقال " ملك الارض كلها " فقال العجوز " ثم ماذا "فقال الملك " ثم ولا حاجه " فقال له العجوز " اهو انا بقى ولا حاجه " .
هناك فراغات يتركها الراحلون , فراغات لا يمكن ان تملؤها بشخص اخر , فالفراغ الذى يتركه رحيل الام لا تملؤه حبيبه , والفراغ الذى تتركه الحبيبه لا يملؤه صديق , و الفراغ الذى يملؤه صديق لا يملؤه صديق اخر
الاشخاص كالالوان , اذا رحل عن حياتك اللون الاحمر قد يهون عليك اللون الاخضر بعض الالم , لكنه مهما كان مخلصا لن يصبح احمر فى يوم من الايام
وطن المرء ليس مكان ولادته و لكنه المكان الذى تنتهى فيه كل محاولاته بالهرب
كام جرح فى طريقي اللى جاى جايين؟
كام فرحه؟
كام امل ماعرفش سعره بكام ؟
انا حاسس ان اللى عشته يادوب ايام
كام خطوه باقيه ع اللى ياما حلمت بيه
ومين اللى واقف بالسلاح هناك قدام؟
كام حاجه جايه فى الطريق الجاى تخوفنى؟
كام بوسه ؟
كام قلم ع الوش على سهوه؟
وكام سيجاره هتتطفى فى فنجان قهوه؟
كام مره هاقتل
واتقتل بهدوء
كام حد جنبى من البشر فاضلين ؟
كام مره هاصحى
او انام مخنوق
و كام حكايه حب لسه مش باينين؟