Egyptians Good Readers discussion

276 views
استفسارات واقتراحات القراء > مقارنة بين تصميمات كتب مكتبة الأسرة 2012 وماقبلها

Comments (showing 1-12 of 12) (12 new)    post a comment »
dateDown arrow    newest »

message 1: by Mohamed (new)

Mohamed Elshawaf (mshwf) تصميمات أغلفة مكتبة الأسرة قبل كده كانت مبدعة. كان مفيش كتابين شبه بعض لأنهم بيحطوا على غلاف كل كتاب لوحة لفنان تشكيلى مختلف بحيث إنها تدى انطباع مختلف لكل كتاب وفى نفس الوقت تشجيع للفنانين التشكيليين.
ده مثال لكتب من سلسلة الأدب قبل 2012







دى بقا تصميمات 2012 !!







ــــــــــ

كان الواحد يقرا كتاب الأول نص ذكرياته معاه بتبقى على شكل الغلاف.. كان بمجرد إنى أشوف الغلاف أفتكر ذكرياتى معاه بحلوها ومرها
..
اللى عايش قوى فى جو القراية هيعرف ازاى شكل الكتاب بيأثر معاه ..
الغريب إن دى تصميمات مابعد الثورة... كأن تفكيرنا بيرجع لورا!!



message 2: by Hala (new)

Hala (Helwaya) | 1 comments ادا دي بقت وحشة اوي ،، هي الدنيا بتمشي للأمام ولا للخلف

أنا من الناس اللي الغلاف بيفكرني بالكتاب لإني بنسى الاسامي والعناويين جدا

ماينفعش الواحد يعمل شكوى للموضوع ده


message 3: by Mohamed (new)

Mohamed Elshawaf (mshwf) Hala wrote: "ادا دي بقت وحشة اوي ،، هي الدنيا بتمشي للأمام ولا للخلف

أنا من الناس اللي الغلاف بيفكرني بالكتاب لإني بنسى الاسامي والعناويين جدا

ماينفعش الواحد يعمل شكوى للموضوع ده"



والله انا برضو فكرت ف موضوع الشكوى دا....
بس اللى اعرفه إن كل الجهات المساهمة فى المشروع انسحبوا بعد الثورة.. لما صورة سوزان مبارك اتشالت حاجات تانية كتيرة اتشالت!!!


message 4: by Sasssa (new)

Sasssa khalil | 22 comments اي مشروع مبيشهدش تطور بعد فترة بيبدا الفتور و الفشل يظهر عليه لو عايزين تتاكدوا شوفوا الانستركتورز لتوع الكورسات وصل مستواهم لحد فين مش بس اغلفة الكتب و مع كامل احترامي الثقافة لا يمكن ان تستمر بالمساهمات . لابد من مواجهة ازمة جهل شعب و دعمها لابد ان يكون من الدولة و ذلك لحماية الدولة و عشان مبقاش زي الامعه و عشان ابقى قادر اناقش و يبقى ليه راي و اخد حقي مش بالطوب و الخناق و الصوت العالي وده اللي اسمه بناء الفرد و ده سبب نهضة كل الدنيا و ده اللي فطن اليه محمد علي و يارب اللي يحكم مصر يفهم ان العلم مش هو الثقافة


message 5: by Ahmed (new)

Ahmed Mansour (Ahmed88) | 2 comments الموضوع دا خنقني اكتر لما عرفت ان الاغلفه دي هتستمر للسنه التالته على التوالي 2014 كمان
وليد طاهر قرر يعاقبنا بالتصميم الي ملهوش معنى دا


message 6: by Mohamed (new)

Mohamed Elshawaf (mshwf) Ahmed wrote: "الموضوع دا خنقني اكتر لما عرفت ان الاغلفه دي هتستمر للسنه التالته على التوالي 2014 كمان
وليد طاهر قرر يعاقبنا بالتصميم الي ملهوش معنى دا"


الواحد بيستنى كل سنة على أمل إنهم يغيروها بس مفيش فايدة برضو!


message 7: by Salah (new)

Salah Ibrahim بيوفروا


message 8: by Eman (new)

Eman | 14 comments لا انا شايفه ان التصميم الجديد عملي اكتر انه بيصنف كل نوع كتب بلون مختلف بالاضافه ان الاصدارات اللي نازله في المجال العلمي مؤلفات متميزه جدا زي سيرة حياة البرت اينشتاين لوالتر ايزاكسون بتتباع بالظبط بعشر اضعاف السعر في مكتبات فيرجين حتي الروايات اغلفتها عجبتني في انها بسيطه وعصريه لكن صراحة الاغلفه القديمه كانت السبب اني ما كنتش بشتري من مكتبة الاسره كنت بحس الكتب عتيقه وحتي نوعية الورق احسن بكتير !!


message 9: by Ahmed (new)

Ahmed Mansour (Ahmed88) | 2 comments الروايات اغلفتها؟
حضرتك هو غلاف واحد لونه اخضر زي عصير الانانس بيلف عليهم كلهم
وايه علاقة ان الكتاب رخيص بالموضوع
قصور الثقافة كتبها متميزة جدا ورخيصه ولكل كتاب غلاف


message 10: by Eman (new)

Eman | 14 comments اغلفة الروايات اه موحده بس مع اختلاف بسيط لكل روايه مخليه شكلهاابسط كتيييير بس اللوحات التشكيليه اه شكلها حلو بس في النهايه دي كتب مش لوحات في معرض !!


message 11: by محمدتيتو (new)

محمدتيتو اسماعيل الشافعى | 2 comments اغلفة الروايات تعبر بشكل ما عن ماتحويه الروايه


message 12: by Mohamed (new)

Mohamed Elshawaf (mshwf) Eman wrote: "اغلفة الروايات اه موحده بس مع اختلاف بسيط لكل روايه مخليه شكلهاابسط كتيييير بس اللوحات التشكيليه اه شكلها حلو بس في النهايه دي كتب مش لوحات في معرض !!"

1- مفيش علاقة بين توحيد شكل الأغلفة وبساطتها، البساطة ملهاش علاقة أبدا.
2- الشكل القديم كان بيصنف برضو كل سلسلة، أعلى الغلاف كان فيه شريط سميك، بلون معين لكل سلسلة.
3- وجود لوحات تشكيلية على الغلاف يمكن تعمل ثقافة تشكيلية، بجانب المظهر الجمالي، ودا لأن ثقافتنا التشكيلية صفر، ومحدش بيروح معارض أصلا، ففرصة لطيفة إن الغلاف يبقا لوحة تشكيلية.


back to top