رامي سعد شرف الدين > رامي سعد شرف الدين 's Quotes

“ثم إني شفت طير
لم تبح بيه النبوءة
الغضب في عنيه ملاني
قالي إن الكل فاني
حتى واجهات المباني
والمشاعر والمروءة
إني معدوم الحضور
إني رائي للحدث صورة
يا طاعة النشوة
برغم مهابة المشهد
هذا اللسان يشهد
إن الغنا أذكار
يا عالم الأسرار
بالملغي في المنهج
سبحان من ألهم
الرؤية شكل الغيب
طوبى لمن علم
العبد فعل العيب
يا زائرين الحلم
يا مكملين الفيلم
في الجنة باب للعلم
بيدخلوه بالعشم”
― رامي سعد شرف الدين

“الصحاب زايلين
والكلام أبدي
بيطوف حواري البلاد
يسأل عن المحتاج
والسائلين الرب
ألف رحمة ونور
على رفاق الدرب
معرفش ليه كرهوني
مع إني كنت اتحب
أو هكذا ظنيت
والظن إثم القلب.”
― رامي سعد شرف الدين

“على فكرة انا ممكن ألعب بيك
بكلام معسول يعجب معاليك
ويعلي مزاجك ع الآخر
ويرجع زمنك لو سافر
ويشد في حيلك شد عنيف
تصبح حريف هداف دوري
أو بارز في الصف الثوري
أو نجم كبير شبه الفنان سامي مغاوري
وابنيلك شقه في جاردن لوز
مع باركن تركن فين ما تعوز
وهاروق روحك ع الهادي
كل المحاذير هاتصير عادي
علشان الصدق ما عادش يجوز في الدنيادي !!!”
― رامي سعد شرف الدين

“ولا تمُدَّنَّ عينيكَ
إلى شباك
يجوز في بنت بتغير
ملامح عيشة الوحدة
بوَصلة رقص تفرحها
فتجرحها
ولا تمُدَّنَّ أفكارك
لبيت جارك
ولا تمُدَّنَّ آمالك
لفص العاج
ولا إيدك
لجيب محتاج
ولا عشمك
في صاحب كيف
ولا تصدق في وقت الزيف
ولا تستني من يستر
في دنيا إزاز
ولا تستنظر الراحة
في عمر معبي بالألغاز.”
― رامي سعد شرف الدين

“طب عارفه تاريخي اللي كتبته
على ورقة بتقسم كراستي
كان شبه الحرف اللي رسمته
على طوبة في حيطة مدرستي
وسط البرواز اللي بيجمع كل التايهين”
― رامي سعد شرف الدين