Quotes - محمد السيد (Egypt) Showing 1-17 of 17

#1

“الحلم بوابة أمل علي بكرة جى _ ما هو بكرة دنيا مضلمة والحلم ضي _ عكاز بيسند خطوتك لو يوم تميل _ الحلم ده اكبر دليل ان انت حي”
― محمد السيد

163 likes

#2

“الموت مسكن اسئلة وماهوش جواب ____ الإمضا بس بس بتتنقل .. من خانة الحاضر وجع لخانة الموجوع غياب”
― محمد السيد, التلت الأسود في العلم

17 likes

#3

“ولا ابوكي كان محتل .. ولا باشا عثمانلي __ ولا عمره داق الذل .. لو حتي متحلي __ معرفش يوم الأنا مع انه كان فرعون __ ولا عمر ضهر انحني غير لما بيصلي”
― محمد السيد, التلت الأسود في العلم

16 likes

#4

“لو كنتى فين.. بقدر اشوفك كل وقت وكل حين.. بقدراحسك بالإيدين... واسمع غناكى وهو بيشق السكوت.. بقدر افوت من اى لحظة تغرّبك.... بُعد المسافة مقرّبك قرب الرموش للعين”
― محمد السيد, التلت الأسود في العلم

69 likes

#5

“وراح قلبي في دمعة عين ..وكلمة كل شئ قسمة .. نصيب وصلنا للقسمة.. بقينا اتنين .. وجايز كل شئ بيننا ما عدا الجمع”
― محمد السيد, التلت الأسود في العلم

24 likes

#6

“تغيير ابوس رجلكم من قبل شوط تاني كل اللي مات منكم جايز يموت تاني”
― محمد السيد, التلت الأسود في العلم

14 likes

#7

“الناس في بلدي اغنيا _ بالركعتين والادعيا_ مبيتزاروش لكنهم _ بيزورو كل الاوليا”
― محمد السيد, التلت الأسود في العلم

19 likes

#8

“لما جناح القلب يرفرف
سيبه يطير...
اوعى تضيـّع طعم اللحظة بالتفكير”
― محمد السيد, التلت الأسود في العلم

60 likes

#9

“الكلمة اللي بتعصي اوامرك
مش بتعمّر أي قصيدة..
قشّة بتقسم جوه دماغك ضهر لآخر فكرة جديدة...
أزمة شاعر كان بيدوّر ع الحدوتة المش تقليد...
لسه الشوف في عيونه عنيد...
لكن برضه الكلمة عنيدة”
― محمد السيد

7 likes

#10

“انا بين ايدكى بتولد..
انسان بيدخل دنيته من غير ذنوب...
ومالوش مطالب فى الحياة غير يبقى شايفك...
يتوضى من ريق الملايكة بين شفايفك...
ويصلى فرض الشكر على نعمة وجودك...
ويطوف فى دوامة عنيكى بالسنين”
― محمد السيد, التلت الأسود في العلم

22 likes

#11

“لو كنتى فين...
قلبى بيسمع كل خطوة فى مشيتك..
وينظم الدقات عليها ويهتدى...
واليوم باسمك يبتدى اعلان وجود”
― محمد السيد

16 likes

#12

“حلمك لوني..
قلبك ابيض حتة ف كوني...
وفين ماتكوني بكون وبعيش...
راضي معاكي بحتى.. مفيش”
― محمد السيد, التلت الأسود في العلم

70 likes

#13

“ياللى صالحتي العمر عليا..
وصالحتيني علي الايام..
انا مهما اكتب اي كلام...
مش هيكفي..
يا مخليا الفرح ف صفي..
يا مخليا الدنيا في كفي وتحت الطوع...
ومنسيه عيوني تجرب اي دموع”
― محمد السيد

16 likes

#14

“الضحك هاجر م الوشوش بقى ع الدقون....
شر البليه مخلانيش حتى ابتسم”
― محمد السيد

18 likes

#15

“انا مش هامننى الجراح والألم ... ولا مين بيظلم ومين اتظلم ... انا بس خايف عليك لما تبعد ...تجّرح عيونك دموع الندم”
― محمد السيد

25 likes

#16

“نصيبنا ان احنا نتفارق... هنعمل ايه مع القسمة... ماهى الدنيا تبكينا ..... وتفضل هى مبتسمة”
― محمد السيد

42 likes

#17

“على السادة اللى مش عشاق ...يراعو الفرق فى التوقيت...حبيبى لما اكون جنبه... بيبقى الوقت فيه عفريت”
― محمد السيد

38 likes

محمد السيد > محمد's Quotes