ضي الشمس > ضي's Quotes

“الحب بيخلّي العشاق زي الاطفال و كمان بيخليهم زى الانبياء .. قلبهم ابيض و جواهم غفران و تسامح للكون كله”
― سارة درويش, زوجي مازال حبيبي

“انا دلوقتى كده حاسه انى بكرة هتولد من جديد .. و هبدأ حياة جديدة و مختلفة حياة اخترت فيها حاجات كتير اوى , و بحب فيها حجات كتير اوى و خايفة فيها من حجات كتير اوى
خايفة من المسؤولية
و خايفة لانى بردو مهما عرفتك حاسة انى لسه معرفكش او لسه متعودتش عليك اوى لدرجة اننا نعيش اربعة و عشرين ساعة مع بعض
و قلقانة .. مش عارفة الفرح هيكون ازاى ؟!! يا ترى هتحصل مشكلة تبوظ عليا اليوم الى مستنياه طول عمرى ؟ ولا هيعدى على خير ؟
و مش عارفة ازاى بجد بعد ما الفرح يخلص مش هروح مع بابا و ماما !!
و فى نفس الوقت فرحااااااااااااااانة اوى اننا اخيرا هيكون بيتنا واحد و لما نكون برة البيت مع بعض و نقول هنروح يبقى دا معناه اننا بردو هنفضل مع بعض مش لكل واحد يروح فى طريق !!
يا ربى .. أنا مش عارفة انام , و مش عارفة اصحى .. و مش عارفة افرح ولا اعيط .. عايزة افرح .. و محتاجة اعيط !!
عارف احساسى بالظبط يتوصف ازاى ؟ عارف اغنية أغداً القاك؟
هى دى ادق وصف لحالتى ..
"أغداً ألقاك .. ياخوف فؤادى من غدى .. يالـــ شوقى و احتراقى .. فى انتظار الموعدِ”
― سارة درويش, زوجي مازال حبيبي

“خايفة ان ربنا يكتب علينا الفراق و يبقي كل حرف نطقناه ذكري -رغم حلاوتها - بتعذبنا”
― سارة درويش, زوجي مازال حبيبي

“أول مرة تشخط فيا فرحت اووي

لأسباب كتيرة أولها انك شخطت فيها واتنرفزت علشان كنت قلقان عليا

فحسيت قد ايه انت بتحبني بجد

وتاني سبب علشان حسيت اننا خلاص مابقاش بيننا فرق

لكن تاني مرة لما شخطت فيا :(

زعلت اوي وعيطت .. مش زعلت منك

انا اصلاً ما بعرفش ازعل منك لكن ...

زعلت من الشخطة ، حسيت اني ما بقتش أميرتك مافيش حد بيشخط في اميرته :(


كان نفسي تبقى زيي لما اتضايق او الدنيا تخنقني اوي اجري عليك واعيط لك واقولك شوفت حصل لي ايه ؟؟

انا لو زعلانة من الدنيا كلها مجرد ما اسمع صوتك او اشوفك بهدى وبتطمن ومش بقدر اكشر


بس يا سيدي .. دا الفرق بين اول شخطة

وتاني وآخر شخطة زي ما وعدتني

وانا مصدقاك ... مش علشان بحبك بس

لأ علشان انا واثقة اني مش ههون عليك

وواثقة اني هفضل طول عمري في نظرك اميرتك وحبيبتك

لو حتى فات على جوازنا مليووووووووون سنة”
― سارة درويش, زوجي مازال حبيبي

“من الرائع أن تعرف المرأة أن لها رجل ما، رجل تستطيع أن تلجأ إليه إذا ضاقت بها الدنيا، تثق أنه لن يقابل شكواها بالضجر أو بالتشفي أو القسوة.
والأروع من كل هذا، أنه اختار أن يكون هذا الرجل، اختار بكل حب أن يكون ملاذها.. حصنها وأمانها.
ملاذي الحبيب، وحصني الذي لم أشعر قبله بأمان: أشكرك. أشكرك لأنك اخترت أن تكون هذا الرجل. لأنك دائمًا هنا، تمنحني الضوء في أكثر ليالي حياتي عتمة وتمنحني الدفء حين يشتد الصقيع.”
― سارة درويش, زوجي مازال حبيبي

“فستان الفرح " .. مش فستان " زفاف " وبس .. لأ .. دا فعلاً فستان الفرح .. فستان الفرح يعني كل الفرحة متلخصة في توب أبيض وطرحة .. فستان الفرح يعني الحاجة اللي بتحلم بيها كل بنت من أول ما تعرف تمسك القلم والورقة .. وترسم .. وتعبر بالفستان عن أحلام كتيييييرة اوي..”
― سارة درويش, زوجي مازال حبيبي

“شكراً لأنك تتحملني بكل الحب .. بكل الرضا .. وكل الحنان .. زوجي الحبيب .. شكراً”
― سارة درويش, زوجي مازال حبيبي

“لما اكون مراتك دا معناه إني هضمن إني من حقي أناديك في آخر لحظة من عمري ، واطلب منك تقعد معايا شوية لأني خلاص بموت .. علشان عايزة اشبع منك .. وانت تقولي" لأ .. ما تقوليش كده "
وتزعل مني .. وأشوف في عنيك لحظتها كل حاجة حبيتها فيك .. المح خوفك عليا .. حبك ليا .. زعلك مني .. وابتسامتك وانت بتحاول تطمني ..
وأفضل باصة لك لحد ما روحي تروح لربنا .. وألمح ملامحي في ملامحك واتطمن .. لأني عارفة اني هفضل عايشة فيك وبيك زي ما كنت طول عمري عايشة بيك وليك”
― سارة درويش, زوجي مازال حبيبي

“‫شكراً يارب لأنك اخترته لي قدراً”
― سارة درويش, زوجي مازال حبيبي

“لك وحدك أعتذر لأني لم أكن أبداً .. بالروعة التي تستحقها”
― سارة درويش, زوجي مازال حبيبي

“إنتَ مش أحسن واحد في الدنيا .. إنتَ أساساً كل الدنيا”
― سارة درويش, زوجي مازال حبيبي