أسماءمحمدلبيب > أسماءمحمدلبيب's Quotes

“يعني هي جميلة لأنك بتحبها حتى لو هي مش جميلة.
يعني كل لحظة تمر عليكم مع بعض بتعيشوا جوا بعض.
يعني أنت مسجون في روحها حبس إنفرادي.
يعني أي بنت حلوة مش هتلفت نظرك؛ لأن قلبك شبعان بحبك لزوجتك.”
― حنان لاشين, ممنوع الضحك

“الحب مش محتاج أميرة وأمير وملكة جمال وفارس الفرسان.
الحب يعني تحبها بعد الجواز حتى وهي حامل ووشها مورم وخدودها منفخة.
يعني لو بقى أصلع وبكرش يفضل فارس أحلامك.”
― حنان لاشين, ممنوع الضحك

“فاكر لما شفتها أول مرة
لما رحت تخطبها ..
ركز .. وافتكر
مش قصدي أول نظرة .. لأ أول دقة قلب في صدرك حسيت بيها ♥
وأنت بتتكلم معاها وعرفت إن هي دي
خطفه كده في روحك
بتبقى عاوز تحط إيدك على قلبك علشان تمسكها قبل ما تهرب من فرحتك ...
بتزعلها ليه بقى ... دي حبيبتك”
― حنان لاشين, ممنوع الضحك

“ما تزعلش
من حماتك لما بتلومك ..
أصلها متعشمه فيك خير ومنتظره كلمة حاضر ...
يمكن كلامها غلط
ويمكن رأيها مش صح
بس أنت تقدر تطيب خاطرها
بكلمتين وبالعقل وتعمل اللي أنت شايفه صح.”
― حنان لاشين, ممنوع الضحك

“شايفاك وأنت بتشاور لمامتك علشان ما تاكلش من البيتزا اللي هي عاملاها
شايفاك وأنت داخل بجزمتك في الشتا بعد ما مسحت الأرض
شايفاك وأنت بتهرب منها وهي بتغسل المواعين”
― حنان لاشين, ممنوع الضحك

“شايفك وأنت بتبرقي لابنك علشان كب العصير على السرير.
وشايفك وأنت بتكززي على سنانك لما ابنك كتب في الواجب حرف السين معووج ونازل من على السطر
)ياشريرة).”
― حنان لاشين, ممنوع الضحك

“طب قبل ما تغير هدومك يا سكر
انزل هات لنا
كيلو طماطم حمره زي خدودك

وكيلو بطاطس مقطقطة زي مناخيرك

وكيلو بصل عسول زي ودانك

وكيلو بدنجان إسود زي عيونك

وعلبة سمنة ننه كده وصغننه.

- وماقلتيش ليه الصبح وأنا نازل”
― حنان لاشين, ممنوع الضحك

“ابتسم وأنت تفتح باب البيت فشكلك أجمل وأنت مبتسم”
― حنان لاشين, ممنوع الضحك

“فاكره لما كنتي بتحسي إنك طايرة في السما وسط السحاب وعاوزه تحضني كل الناس وتتنططي من الفرحة علشان هو اتصل بيك وقال لك بحبك ...
مش ده جوزك حبيبك ..
بتزعليه ليه”
― حنان لاشين, ممنوع الضحك

“ما تزعلش
لو مرة حماتك قالت كلمة زعلتك
فوتها .. ما هي اللي علمت مراتك الفاتحة والصلاة
وابنك الكبير حفظها من أمه يعني كل سجدة من ابنك في ميزان حسنات حماتك”
― حنان لاشين, ممنوع الضحك

“شايفاك وأنت بتآكل الزبادي اللي بالفراولة
(هي قالت لك تأكله لبنتك مش أنت اللي تاكله):
شايفاك وأنت صاحي من النوم وشعر راسك مسافر وخدودك وارمة”
― حنان لاشين, ممنوع الضحك

“شايفاك وأنت بتتفرج على ماتش الأهلي و الزمالك وبتبرق للعيال وهي بتعدي من قدام التليفزيون وأنت بتتفرج”
― حنان لاشين, ممنوع الضحك

“افهموها صح
الحب بين الزوجين ليس لها قالب واحد وﻻ نموذج متفرد كل زوجين لهما حالة خاصة من الاندماج والتفاهم والحب تختلف عن الآخرين
والسعادة مذاقها مختلف من شخصية لأخرى فلا تطبق تجارب الآخرين على نفسك.”
― حنان لاشين, ممنوع الضحك

“مكسوف من نفسك ليه ...هو الطخن حرام!
ما تتكسفش إﻻ من حاجة حرام
ممنوع الاكتئاب
ممنوع الحزن”
― حنان لاشين, ممنوع الضحك