Amy > Amy's Quotes

“مش مهم انك تغير الكون... المهم انك تخلي الكون ما يغيركش”
― عمر طاهر

“أستمتع بالحاجات الصغيرة بكره هتعرف أنها كانت كبيره”
― عمر طاهر, جر ناعم

“أسأل كثيرا لماذا أشعر بالسعادة فقط عندما أتكلم إلي نفسى, و عرفت بعد فترة أن سبب الراحة هو كونى الشخص الوحيد الذى تريحنى إجاباته”
― عمر طاهر, جر ناعم

“وازاى هاضحك من قلبى وأنا قلبى واخدها بجد؟”
― عمر طاهر, قهوة وشيكولاتة

“انا كوكب ماشى لوحده
ومفيش للوحده حدود
وهاسيب تليفونى يرن
انا اصلا مش موجود”
― عمر طاهر, قهوة وشيكولاتة

“عندى صحيح حاجات كتير
لكن ناقصنى حاجات أكتر
ناقصنى إني أقدر أطير
و أنا عارف أنى فى يوم هقدر”
― عمر طاهر

“مش كل مره هتتعب فيها هتوصل للى انت عايزه .. بس عمرك ما هتوصل للى انت عايزه من غير ما تتعب ..”
― عمر طاهر, كابتن مصر: ألبوم ساخر للمراهقين

“ازاى الخوف وصلنى لدرجة انى ماخافش؟
ياللى فرقتوا الحب أنا قلبى بجد ماخدش”
― عمر طاهر, قهوة وشيكولاتة

“كان نفسى أكون سفاح
بس مجيبتش مجموع”
― عمر طاهر

“تيك كير ولا تثق في أحد.. فقد غنَّى هيثم شاكر لمصر (ارمي حمولك عليًّ)، راحت مصر مشيّلاه سنة سجن.”
― عمر طاهر, برما يقابل ريا وسكينه

“الحياة كوميدية بالنسبة للناس اللى دماغهم عاليه و مأساة بالنسبة للناس اللى احساسهم عالى”
― عمر طاهر, جر ناعم

“لا معنى للفرحة مالم تقسمها مع أحد فتصبح أكبر على عكس قانون القسمة”
― عمر طاهر

“هناك فراغات يتركها الراحلون فراغات لا يمكن أن تملؤها بشخص آخر فالفراغ الذى يتركه رحيل الأم لا تملؤه حبيبه والفراغ الذى تتركه الحبيبة لا يملؤه صديق والفراغ الذى يتركه صديق لا يملؤه صديق آخر,الأشخاص كالألوان اذا رحل عن حياتك اللون الأحمر قد يهون عليك اللون الأخضر بعض الألم لكنه مهما كان مخلصا لن يصيح أحمر فى يوم من الأيام”
― عمر طاهر, جر ناعم

“ما بيبكيناش ف غيابكم إلا الشوق
وما تفهموش من ضحكتى إنى ارتحت
لو حدّ فينا ارتاح يبقى اللى بيغمض ساعة الفراق
أما أنا ساعة الفراق .. فتّحت”
― مصطفى إبراهيم, المانيفستو

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
― مصطفى إبراهيم, ويسترن يونيون فرع الهرم

“أنا أحسن واحد يقنعك تحكي…

ومابيحكيش…

وأحسن واحد يقنعك تبكي…

...وما بيبكيش…

أنا أحسن واحد يقنعك تفرح….

وأحسن واحد يقنعك تجرح…

أنا أحسن واحد ميت….

يقدر يقنعك….تعيش…”
― مصطفى إبراهيم, المانيفستو

“أنا مش فاكر ..
آخر مرة بكيت كات امتى ..
أنا مش فاكر .. آخر دمعة عليها القيمة ..
أنا مبقتش بصدق ولا مشهد فى الدنيا ..
أنا مبقتش بدمع .. غير وأنا جوة السـيما”
― مصطفى إبراهيم, ويسترن يونيون فرع الهرم

“أنا عايم على وش المية ..
وأنا سايب ايدى ورجليا ..
والموجة اللى تفوتنى بسيبها ..
وأتشعلق فى الموجة الجاية”
― مصطفى إبراهيم, ويسترن يونيون فرع الهرم