Why Not Me?: A feeling of Millions (Hinglish)

by Anubhav Agrawal

Log bhagwaan ke paas alag hi exchange offers lekar ja rahe the.

Group study naam ki is cheez pe, kabhi vishwaas nahi karna chahiye, ye siwaaye dikhawe ke aur kuch nahi hota. Group study ke naam par aap sab kuch karte hain siwaaye padhai ke. Late night coffee banana, chai banana, maggi khana, dosto ko calls, messages kar kar ke puchna ki unhone kitna padh liya aur paagalo ki taraah rona, ki bhai ye chapter padha de.

lekin kya karein, jee rahe hain to har din se guzarna padta hai, jiska intezaar ho ussey bhi aur jiska intezaar na ho ussey bhi.

Hum jab bhi kehte hain ki, humein college ki yaad aa rahi hai, humara matlab humesha college ke dosto se aur unke sang bitayi dher saari pyaari pyaari yaadon se hota hai, na ki college ki padhai ya faculties se. Bas, to ye uljhe hue jazbaat kuch yoon the, ki padhai phir se karni padegi, aur dosto se itne lambe arse baad milne ka mauka milega.

Kabhi kabhi, waqt ko waqt dena hi solution hota hai.