அறிவியல் மருத்துவம் இந்த மருந்து இங்கிருந்து வந்தது, அங்கிருந்து வந்தது என்று பாகுபாடு பார்ப்பதில்லை. அறிவியல் பகுத்தறிவின் உச்சம் ஆகும். விஞ்ஞான மருத்துவத்தின் ஒரே முன்முடிவு அது நிரூபிக்கப்பட்ட ஒன்றாக (Proven) இருக்க வேண்டும் என்பது ஒன்றே ஆகும். எடுத்துக்காட்டாக ஏதேனும் ஒரு பாரம்பரிய மருந்து வேலை செய்வதாக நிரூபிக்கப்படுமாயின் நிரூபிக்கப்பட்ட அடுத்த நாள் முதல் அது அறிவியல் உலகின் மருந்தாகி விடும். நிரூபிக்கப்படாதவை மாற்று மருத்துவமாகத் தொடரும்.
