இந்தியா போன்ற வளரும் நாடுகளில் வேறு மாதிரி பிரச்சனை ஏற்பட்டது. இங்கே பசுமைப் புரட்சியின் விளைவாகப் பசி ஒழிந்தது. அனைவருக்கும் உணவு கிடைத்தது. ஆனால் இந்தியாவின் பிராந்திய தானியமான அரிசி மற்றும் கோதுமை ஆகிய இரண்டும் அதிக அளவு கார்போஹைட்ரேட் கொண்டவை ஆகும். இவ்வாறு மிகை கார்போஹைட்ரேட் உணவுகள் மக்களுக்கு உடல் பருமனையும், சர்க்கரை நோயையும் கொண்டு வந்துள்ளது. அதே போல இந்திய உணவுகள் 'குறை புரத' உணவுகள் ஆகும். கூடுதலாக இங்குப் பரவியுள்ள 'சைவ உணவுப் பழக்கம்' புரதச் சத்துக்குறைவு மற்றும் அதனை ஒட்டிய பல்வேறு பிரச்சனைகளையும் தற்போது கொண்டு வந்துள்ளது.
