காணாமல் போன தேசங்கள்: What makes and breaks a Nation? (Tamil Edition)

by நிர்மல்

தங்களை ஒருங்கிணைக்கவும் நிர்வகிக்கவும் சண்டை சச்சரவுகளை தீர்க்கவும் பன்னெடுங்காலமாக நம்மூர் நாட்டாமை பஞ்சாயத்துகள் போன்ற ஒரு முறையை வைத்திருந்தனர் போட்ஸாவானியர்கள். நம்மூர் நாட்டாமை, கிராம பஞ்சாயத்துகளை விடவும் இன்னும் செறிவோடும் அனைவருக்கும் சம நீதியோடும் செயல்பட்டு வந்த கோத்லோ (Ghotla) எனும் அமைப்பை முற்றிலும் நீக்காமல் அதிலிருக்கும் சம நீதி, அனைவருக்கும் பொதுவான ஜனநாயக உணர்வை பயன்படுத்திக் கொண்டது போட்ஸ்வானா. இந்த கோத்லா எனும் பஞ்சாயத்து முறை போட்ஸ்வானாவின் அமைதிக்கும் ஜனநாயக உணர்வுக்கும் இனக்குழுக்களிடையே நிலவும் பரஸ்பர நம்பிக்கைக்கும் அச்சாணியாக - அன்றும் இன்றும். கோத்லா தலைவர் பழங்காலத்தில் வாரிசு முறையில் வம்சாவளி முறையில் இருந்ததை அரசாங்கம் தேர்ந்தெடுக்கும் முறைக்கு கொண்டு வந்தனர். இனக்குழுக்களின் தலைவர்களுக்கென பாராளுமன்றத்தில் மேல் சபை ஒன்றை உருவாக்கி அங்கு அவர்களுக்கு இடம் கொடுத்து நாட்டு நிர்வாகத்தில் ஆலோசனைகள் மட்டும் சொல்லக் கூடிய பொறுப்பையும் வழங்கினர். ஒரு பக்கம் தேர்தல் நடத்தி தேர்வாகி அதிகாரத்தோடு ஆளும் முறை அதோடு இணைந்து பயணிக்கும் இனக்குழு தலைவர்களின் ஆலோசனை முறை என உருவாக்கினர். இதே போல் கோத்லா நீதிமன்றம் போல் செயல்படுவதையும் முறையாக்கினார்கள்.