காணாமல் போன தேசங்கள்: What makes and breaks a Nation? (Tamil Edition)

by நிர்மல்

முதலாம் உலகப் போர் 1919ஆம் ஆண்டு முடிவுக்கு வந்தது. அமெரிக்கா, பிரான்சு, ரஷ்யா மற்றும் இங்கிலாந்து கூட்டணி ஜெர்மனிய கூட்டணியை தோற்கடித்தது. தோற்கடித்த ஜெர்மனியை என்ன செய்யலாம் ? எப்படி இன்னோரு முறை ஜெர்மனியர்கள் ஐரோப்பாவை கைப்பற்றாமல் தடுப்பது என்பதைக் குறித்து செயல் திட்டம் தயாரிக்கப்பட்டது. Treaty of Versailles என்கிற ஒப்பந்தம் ஜெர்மனியர்கள் மீது திணிக்கப்பட்டது. அதன் மூலம் ஜெர்மானியர்கள் மீது பல கட்டுப்பாடுகள் விதிக்கப்பட்டது. பொருளாதாரத் தடை, ராணுவத் தடை என பல தடைகள் போடப்பட்டது. ஜெர்மனியின் ஆப்பிரிக்க காலனிகளை பிரான்சும் இங்கிலாந்தும் பிடிங்கிக் கொண்டன. இதைத் தவிர போருக்கான செலவு என்கிற வகையில் அபராத தொகையையும் ஜெர்மனி செலுத்த வேண்டும் என ஜெர்மனியை ஒப்புக்கொள்ள வைக்கப்பட்டது. இந்த Treaty of Versailles ஜெர்மானியர்களை மிகவும் கோவப்படுத்தியது. ஆனாலும் அவர்கள் அதை எதிர்க்கும் வலு இல்லாது சோர்ந்து போயிருந்தனர். Treaty of Versailles மூலம் தங்கள் நாட்டை மற்ற நாடுகள் அடிமைபடுத்துகிறார்கள் என்கிற உணர்வை பேசி பேசித்தான் ஹிட்லர் மக்களிடயே பிரபலமானார்.