جاوبني يا عادل.. أنت إزاي قادر تعيش كده؟ - إحنا مش عايشين يا طارق.. دي حلاوة روح يا حبيبي.. إحنا مدبوحين من زمان بس بنتحرك من غير راس ولا عقل، بنمثل إننا عايشين لغاية ما روحنا تطلع فعلًا.. الأولاني عمل فينا كده والتاني خلانا كده وكده واللي بعده بيعمل فينا أكتر من كده وحنفضل يتعمل فينا كده! - مش فاهم قصدك! - لأ فاهم وبتستعبط، مش إخوانك هُمّا اللي سمّوه ربّان السفينة الحكيم واللي قبله كان الرئيس المؤمن علشان يكسبهم، واللي قبل اللي قبله هتفنا له وقلنا ده الزعيم المُلهم وحبيب الملايين، احنا شعب متدين بطبعه وبتوع ربنا أوي وقت اللزوم وعمرنا ما حنحاسب مؤمن ولا ملهم ولا حتى حكيم على أي حاجة عملها،
...more
