مين سبقنا وحجزها؟ - البلد دي يا زينب فيها ناس كتير أكبر مننا، فيها ظباط جيش وشرطة، فيها قضاة ودكاترة مهمين ومحاسيب وصحفيين ليهم كلمة، وفيها من قبلهم وزراء ومسئولين كبار ومسئولين سابقين بس أيديهم لسة طايلة لغاية النهارده، وفي كمان الناس اللي زيّنا! - وفيه ناس كتير غيرنا يا عباس معاهم فلوس، أنت مش عامل حسابهم والا إيه؟ أكيد حيطلبوا نصيبهم هُمّا كمان! - لا يا زينب، الناس دول همّا اللي حيشتروا مننا علشان يسكنوا جنب الوزرا والمسئولين، هي البلد متقسمة كده بقالها عشرين سنة وشكلها حتفضل كده خمسين سنة كمان على الأقل! هززت رأسي غير مقتنعة بكل كلامه فعاد يقول بضيق: - اختاري من المساحات الفاضية أو الفيلات
...more
