More on this book
Kindle Notes & Highlights
நான் ஆரியரைப் போற்றவுமில்லை, போற்றிடக் கூறவுமில்லை! அதுபோலவே நான் அவர்களை ஏசவுமில்லை; ஏசிடும்படி உங்களை ஏவிடவும் இல்லை.
படை என்றால் தொடை நடுங்கும் கூட்டம், படை வீரரை அடக்கி ஒடுக்கி வைத்திருப்பது எதனால்? ஆரிய மாயையிலே, என் இன மக்கள் வீழ்ந்து கிடப்பதனாலன்றோ?
ஒரு காலம் இருந்தது! தமிழர்கள் ஆரியரை, நகைப்புக்குரிய நடமாடும் உருவங்களாகக் கருதிய காலம், ஆரிய இனம் வேறு என்ற எண்ணம் மங்காதிருந்த காலம். ஆரியத்தைக் கேலிக்கூத்தாகக் கருதிய காலம்!
எந்த இனம் தனது பண்பை இழந்து, பண்டைய பெருமையை மறந்து எதிரியிடம் அடைக்கலம் புகுந்துவிடுகிறதோ அந்த இனம் அழிவுக்குழிக்கு அவசர அவசரமாக நடக்கிறது என்றுதான் பொருள்.
இனி நமது கடை நடவாது என்பது தெரிந்து பல்லெல்லாம் தெரியக் காட்டி நிற்பர்! பணிவர்! பகைவரை அடுத்துக் கெடுத்ததன்றிப் போரிட்டு அடக்கிய வரலாறே ஆரியருக்குக் கிடையாது.
வேள்வியால் வெற்றி, பரமன் அருளால் பலம், மாய அஸ்திரங்களால எதிரி தோற்றான் என்றுதான் இருக்கும். திராவிட வரலாறுகளிலோ, வீரமே முதலிடம் பெற்றிருக்கும்!
திராவிடன் ஆரிய வீரத்தால் வீழ்த்தப்படவில்லை. ஆரியக் கருத்தினைத் தாங்கும் சுமைதாங்கியாவான். சோர்ந்தான். சுருண்டான். இந்தச் சூட்சுமத்தை உணராதார் தமிழர் வரலாறு அறியாதாரே.
அபின் விற்று வாழுபவன், போதை கூடாது என்று பிரசங்கம் புரிவானா?
இந்நிலையில் இன்று இரைச்சலிடும் இந்துமகாசபைக்கு என்ன இலட்சியம் இருக்கிறது. இது ஆட்சியை ஏற்படுத்த? இந்துஸ்தானம் இந்துக்களுக்கே என்று கூறமுடியுமானால் ஏற்படுத்தட்டும்!
இந்துஸ்தான் இந்துக்களுக்கு ஏற்பட இந்து மகாசபை வேலை செய்ய வேண்டும். வைகை நதிக்கரையிலே ஏன் வறட்டுக் கூச்சலிட வேண்டும்? இந்துக்களுக்குத் திராவிட நாட்டில் என்ன வேலை?
இந்துஸ்தானம் என்ற பகுதி, குஜராத் ராஜஸ்தான் ஐக்கிய மாகாணம் ஆகிய பிரதேசம் கொண்ட இடம்.
நர்மதை ஆறு, நமக்கும் ஆரியத்துக்கும் இடையே மிக்க ரமணியமாக ஓடிக்கொண்டிருந்தது என்பதைச் சரிதம் படிப்போர் அனைவரும் நன்கு அறிவர்.
திராவிடத்தில் உள்ளோரையும் “இந்துக்கள் என்று பாத்யதை கொண்டாடித் திராவிடரைத் துணைக்கு அழைப்பதுபோல் நடத்து, ஆரியத்தை நிலைக்கச் செய்வதுதான் இங்குள்ள இந்து மகாசபையினரின் உண்மையான கருத்து.
கொடுங்கோன்மைக்கு, மக்களைக் கசக்கிப் பிழிவதற்கு மிருகத்தனமாக நடத்துவதற்கு, மனுவைவிடச் சிறந்த குரு வேறு எங்கும் இராரே,
“நானும் இந்து தானே, என்னை ஏன் கொடுமைப்படுத்துகிறீர்? என்னை ஏன் தாழ்ந்த ஜாதி என்று கூறுகிறீர்?” என்று கைகூப்பிக் கேட்டபோது, நெஞ்சம் திறக்கவில்லை!
திராவிட நாட்டிலிருந்து ஆரியரை ஓட்ட அல்ல; ஆரியத்தை ஓட்ட!
ஆரியர்கள் என்று சொல்லிக்கொள்ளுவோர். ஏர் உழுவது பாவமுள்ளதென்றும், இழிவான தொழில் என்றும் நினைக்கிறார்கள். ஆனால், தமிழர்கள் அதுதான் உயரிய மகத்துவமான தொழில் என்று நினைக்கிறார்கள்.
