தெற்கிலிருந்து ஒரு சூரியன் | Therkil Irundhu Oru Suriyan: திராவிட நூற்றாண்டில் ஒரு பயணம்! (Tamil Edition)

by அசோகன் கே

மோர்தானா அணைக்கட்டு, ராஜாதோப்பு அணைக்கட்டு, மிருகந்தா நதி, செண்பகத்தோப்பு, கெலவரப்பள்ளி, தும்பலஹள்ளி, சூளகிரி - சின்னாறு, வாணியாறு, பாம்பாறு, ஆண்டியப்பனூர், வரட்டாறு, மணிமுக்தா நதி, கரியகோயில், ஆனை மடுவு, சின்னாறு, நாகாவதி, தொப்பையாறு, குண்டேரிப்பள்ளம், வறட்டுப்பள்ளம், சித்தமல்லி, பொன்னையாறு, குதிரையாறு, பாலாறு - பொருந்தலாறு, கொடகனாறு, சண்முகாநதி, மருதாநதி, பிளவுக்கல், ஆனைக்குட்டம், சோத்துப்பாறை, இருக்கன்குடி, கருப்பா நதி, குண்டாறு, நம்பியாறு, கோல்வார்பட்டி, பொய்கையாறு என ஏராளமான அணைக்கட்டுகள் கட்டப்பட்டு, நீர்ப் பாசனத் திட்டங்கள் திமுக ஆட்சியில் நிறைவேற்றப்பட்டன. இவை தவிர, 200-க்கும் மேற்பட்ட தடுப்பணைகளும் நூற்றுக்கணக்கான சிறிய, பெரிய வாய்க்கால்களும் கட்டப்பட்டன; சீரமைக்கப்பட்டன. அதிமுகவும் அந்தப் பணிகளைத் தொடர்ந்தது. முல்லைப் பெரியாறு அணை நீர்மட்டத்தை 142 அடிக்கு உயர்த்தியது, மேட்டூர் காவிரி - சரபங்கா - திருமணிமுத்தாறு இணைப்புக் கால்வாய்த் திட்டம், சாத்தனூர் அணை பெண்ணையாறு - செய்யாறு இணைப்புத் திட்டம், பெண்ணையாறு - நெடுங்கால் அணைக்கட்டு - பாலாறு இணைப்புத் திட்டம், காவிரி - அக்கினியாறு - தெற்கு வெள்ளாறு - மணிமுத்தாறு - வைகை - குண்டாறு இணைப்புத் திட்டங்களை அதிமுக அரசின் பங்களிப்பாகச் சொல்லலாம்.