தெற்கிலிருந்து ஒரு சூரியன் | Therkil Irundhu Oru Suriyan: திராவிட நூற்றாண்டில் ஒரு பயணம்! (Tamil Edition)

by அசோகன் கே

ஆரம்ப சுகாதாரத்தைப் பொறுத்தவரை இந்திய அளவில் தமிழகமே முன்னணியில் இருக்கிறது. 1970-களில் கிட்டத்தட்ட 300 ஆக இருந்த அரசு ஆரம்ப சுகாதார நிலையங்களின் எண்ணிக்கை இன்று 1,400-ஐத் தொட்டுவிட்டது. துணை சுகாதார நிலையங்களின் எண்ணிக்கை 8,700-க்கும் அதிகம். மற்ற மாநிலங்கள் இவ்வளவு வேகமாக அரசு ஆரம்ப சுகாதார நிலையங்களை மேம்படுத்தியதில்லை. அதுமட்டுமல்ல, ஹெச்ஐவி, மலேரியா, தொழுநோய் போன்ற கடும் நோய்களைக் கட்டுப்படுத்துவதிலும் தமிழகம் முழுத் திறனோடு செயல்பட்டுள்ளது. இதைவிட முக்கியமானது, தமிழகத்தில் மட்டும்தான் பொதுநலச் சுகாதாரத் துறை என்ற அமைப்பு இருக்கிறது. பெரும்பாலான மாநிலங்களில் மருத்துவத் துறை மட்டும்தான். மாவட்ட அளவில் தலைமை மருத்துவமனை, வட்ட அளவில் மருத்துவமனை, பல கிராமங்களை இணைத்து ஒரு ஆரம்ப சுகாதார நிலையம். மேலும், கிராமவாரியாகத் துணைச் சுகாதார மையங்கள் என்ற தமிழக மருத்துவத் துறையின் கட்டமைப்பு மிக வலுவானது. முன்னோடியானது. அதேபோல, ‘தமிழ்நாடு மெடிக்கல் சர்வீசஸ் கார்ப்பரேஷன்’ என்ற அமைப்பைத் தொடங்கி, அதன் வழியே நடக்கும் மருந்துகள் கொள்முதல் முறை நாட்டில் மிகச் சில மாநிலங்களில் மட்டுமே நடப்பதாகும். தமிழகம்