இந்த 50 வருஷங்களில் திமுகவின் தொழில் கொள்கையில் பெரிய திசை மாற்றம், ஏற்றம் எல்லாமே இருந்திருக்கிறது. நாடு சோஷலிஸப் பாதையில் சென்றபோது, ‘தனியார் – அரசுக் கூட்டுக் கொள்கை’யில் இந்திரா அரசு முனைப்பாக இருந்தபோது, தமிழ்நாட்டில் ‘ஸ்பிக்’ போன்ற நிறுவனங்களைத் தொடங்குவதில் கலைஞர் உத்வேகத்துடன் இருந்தார். பல தொழிற்பேட்டைகளைத் தொடங்கினார். நாடு தாராளமயமாக்கல் பாதையை நோக்கித் திரும்பி, பன்னாட்டு நிறுவன முதலீடுகளை ஈர்க்கத் தொடங்கியபோது, இவரும் பாதையை மாற்றினார்.
