Power Of Positive Thinking (Gujarati)

by Norman Vincent Peale

એક ડૉક્ટરે એના બિઝનેસમૅન દરદીને જરા વિચિત્ર લાગે તેવી સલાહ આપી હતી. એ દરદી આક્રમક અને અતિ મહત્ત્વાકાંક્ષી માણસ હતો. એણે ઉત્તેજના સાથે ડૉક્ટરને કહ્યું હતું, મારે ખૂબ કામ કરવું પડે છે. મારે મારું કામ કોઈ પણ સંજોગોમાં પૂરું કરવું જ પડે, નહીં તો તકલીફ ઊભી થઈ જાય. “હું દરરોજ સાંજે કામથી ભરેલી મારી બ્રીફકેસ લઈને ઘેર આવું છું.” એણે મૂંઝાયેલા અવાજમાં કહ્યું. “તમે શા માટે રાતે ઘરમાં કામ કરો છો?” ડૉક્ટરે પૂછ્યું, એણે ચીડ સાથે કહ્યું, “મારે કરવું જ પડે.” “બીજી કોઈ વ્યક્તિ કરી શકે નહીં, તમને કોઈ મદદ કરી શકે કે નહીં?” ડૉક્ટરે પૂછ્યું. “ના રે ના…” દરદીએ તરત જવાબ આપ્યો, “મારાં કામ માત્ર હું જ કરી શકું. એટલું જ નહીં એ કામો તત્કાળ પૂરાં કરવાં પડે અને તે મારા સિવાય બીજું કોઈ કરી શકે નહીં. બધું મારા પર જ આધાર રાખે છે.” “હું તમને પ્રિસ્ક્રિપ્શન લખી આપું તો તમે એનું પાલન કરશો?” ડૉક્ટરે પૂછ્યું. માનો કે ન માનો, ડૉક્ટરનું પ્રિસ્ક્રિપ્શન આ પ્રમાણે હતું: એના દરદીએ દરરોજ એના કામમાંથી બે કલાક કાઢીને દૂર સુધી ફરવા જવાનું હતું. ત્યાર પછી દર અઠવાડિયે અર્ધો દિવસ રજા લઈને એણે કબ્રસ્તાનમાં બેસવાનું હતું. ડઘાયેલા દરદીએ પૂછ્યું: “અર્ધો દિવસ — તે પણ કબ્રસ્તાનમાં શા માટે?” ડૉક્ટરે જવાબ આપ્યો: “હું ઇરછું છું કે તમે કબ્રસ્તાનમાં જાઓ — અને ત્યાં હંમેશને માટે સૂતેલા લોકોની કબરો જુઓ. ત્યાં બેસીને તમે એક સત્ય વિશે વિચારો કે એમાંના ઘણા લોકો તમારા જેવું જ માનતા હતા અને એ કારણે જ એ લોકો કબર નીચે સૂતા છે. એ લોકો માનતા હતા કે આખું જગત માત્ર એમના ખભા ઉપર જ ટક્યું છે. તમે ધ્યાનપૂર્વક વિચારજો કે જ્યારે તમે પણ એવી જ કબર નીચે સૂતા હશો ત્યારે પણ આ જગત તો એ રીતે ચાલતું જ રહેશે. તમે ગમે તેવી અગત્યની વ્યક્તિ હો, તમારા ગયા પછી બી...