Power Of Positive Thinking (Gujarati)

by Norman Vincent Peale

રિલૅક્સ થઈને ખુરસી ઉપર બેસો. તમારી જાતને ખુરસીના હવાલે કરી દો. તમારા પગના અંગૂઠાથી માંડીને માથાના ઉપરના ભાગ સુધીનાં અંગોને રિલૅક્સ થતાં અનુભવો. બોલતા રહો: “મારા અંગૂઠા રિલૅક્સ છે, મારી આંગળીઓ રિલૅક્સ છે, મારા મોઢાના સ્નાયુઓ રિલૅક્સ છે.” ૨. તમારા મગજમાં એક તળાવની કલ્પના કરો. વાવાઝોડાને કારણે તળાવમાં પાણી ઊછળે છે એવું કલ્પો. ધીરેધીરે ઊછળતું પાણી શાંત પડવા લાગ્યું છે અને તળાવની સપાટી સ્થિર-શાંત થવા લાગી છે એવું વિચારો. ૩. બે-ત્રણ મિનિટ સુધી તમે અગાઉ જોયેલાં સુંદર-શાંત દશ્યોને તમારા મગજમાં યાદ કરો. જેમકે તમે પહાડ પરથી જોયેલું સૂર્યાસ્તનું દૃશ્ય કે સવારના પહોરમાં તમે અનુભવેલી ઘુંધભરી ખીણની શાંતિ, બપોરે જંગલમાં ફેલાયેલી નીરવતા, ચાંદની રાતે ખળખળ વહેતા પાણીનું દૃશ્ય. આ દશ્યોની સ્મૃતિઓ તાજી કરો. ૪. ધીરેધીરે, ધીરજપૂર્વક, શાંતિનો ભાવ જન્માવતા શબ્દોને બોલવા લાગો. એવા શબ્દો છે: શાંતિ, પ્રશાંતિ, ધીરજ, નીરવતા, આરામ, નિરાંત, વિશ્રામ, શાતા, ટાઢક વગેરે. શાંતિનો ભાવ પ્રગટાવતા અન્ય શબ્દો પણ શોધો અને બોલતા રહો. ૫. તમારા જીવનમાં ઈશ્વરે તમને સહાય કરી હોય એવા બનાવોની યાદી બનાવો. જ્યારે તમે મુશ્કેલીમાં હતા ત્યારે ઈશ્વરે તમને કેવી મદદ કરી હતી એ બધી ઘટનાઓને યાદ કરવા લાગો. પછી ઈશ્વરની સ્તુતિ કરતી પંક્તિઓ બોલવા લાગો, જેમકે — “અત્યાર સુધી ઈશ્વરે મને જે રીતે સહાય કરી હતી એ જ રીતે ભવિષ્યમાં પણ મને સહાય કરશે.”